2 Makronika 34:21 - Bhiblia Yo Sawuleka

²¹ Tsulani mi ya wotisa ngu ditina dangu, ni da vathu vangu, ni dotshe ditiko da Israyeli ni da Judha, madingano ni mapswi a dibhuku diya di nga manwa, nguko kuhenya ka Mkoma nga hombe txitimwi kwathu; nguko vatate vathu kha va pfisisa mapswi a Mkoma, hambi ku londeta ni ta timweto ti ti nga bhalwa, amu ka dibhuku diya.

2 Makronika 34:21 Referans Kwoze

Jeremiya 21:2

“Hi nga hi wotisela ka Mkoma, nguko Nebhukodhonosori, mfumeli wa Bhabhilona, wa hi xasela; mwendo Mkoma a na hi mahela sixamaliso sakwe, ti taku ene e khukha kwathu.”

2 Makronika 28:6

Peka mwana Remaliya, a to daya 120.000 wa vavamna va ka Judha ngu ditshiku dimwedo, hambi ku votshe i nga ti tindena, ngu ku va lekile Mkoma Txizimu txa vatate vawe.

Varoma 4:15

nguko mlayo wu va nga kuhenya, kasi ahawa ku ku si nga ni mlayo kuwalo kundaka mlayo.

Varoma 1:18

Nguko kuhenya ka Txizimu ka ti kombisa ku txi ta ngu nzumani, ku ta peka wubihi ni kugombonyeka ka vathu va va tshingelelako ditshuri ngu kona kwa mbi lulama kwawe;

Jeremiya 42:2

va to ya ka mprofeti Jeremiya, va txi kha vona kwakwe: Ha kombela ti to u amukela txikombelo txathu, u txi hi kombelela ka Mkoma Txizimu txako, athu hotshe hi nga sala; hi vadotho hi nga sala ngako u ti wonako ngu maso ako:

2 Makronika 33:11

Ngu kumaha keto, Mkoma a to va nehela vathangeli va dibutho da yimbi da mfumeli wa Asiriya, avale va nga ñola Manasi hagari ka mipa, ve msungelela ngu titxhini, ve mu tsulisa Bhabhilona.

2 Makronika 29:8

Se kuhenya ka Mkoma kutota ka va ka Judha ni Jerusalema, e va ningela ka pfilu-pfilu, ka kuhoxotwa, ni txisekiso, nga ti anu mi ti wonako ngu maso anu.

2 Vafumeli 22:13

Tsulani mi ya wotisa ngu ditina dangu, ni da vathu vangu, ni da kotshe amuwa Judha, madingano ni mapswi a dibhuku diya di nga manwa; nguko kuhenya ka Mkoma nga hombe, kuturako txitimwi kwathu, nguko vatate vathu kha va pfisisa mapswi a dibhuku diya, ti to ve maha totshe ti hi nga bhalelwa.

1 Samuwele 9:9

(Kale ditikoni ka Israyeli, ngako va txi ya wotisa ka Txizimu, va ti ti kha vona: Ngonani, hi tsimbile ka m'huti; nguko ka mprofeti wa nyamsi kale a ti dhanwa ku m'huti.)

Dhewuteronome 28:15

Kambe ku na maheka taku, ngako u si engisi dipswi da Mkoma, Txizimu txako, u si khatali ngu kuvekisa sotshe sirumo sakwe ni sotshe sileleto sakwe, asi nyamsi ni kugelako, ni txi kuninga, makhombo otshe ma na wa txitimwi kwako, ma txi kupfinya.

Eksodha 18:15

Sekoko Mosi a to khene ka msade wakwe: “Nguko vathu va ta kwangu kasi ku wotisa ti to Txizimu txi womba txani ngu timhaka tawe.

2 Makronika 34:20

Se mfumeli a to ruma Hilikiya ni Ahikamu mwana Safani, ni Abhidhoni mwana Mika, ni Safani mabhalani, ni Asayasi, txithumi txa mfumeli a txi khene:

2 Makronika 34:22

Sekoko Hilikiya ni ava mfumeli a nga va ruma nayo, vatoya ka Hulidha, mprofeti wa txisikati, msikati wa Salumi, mwana Tokati, mwana Hasira muwoneleli wa syambalo a nga ti akile Jerusalema ve womba-womba nayo ngu mhaka ya dibhuku.

Ezekhiyele 18:14

Se wona taku ngako a txi veleka mwanana, e wona sotshe sionho so mahwa ngu tate wakwe, niku a di si woni, asi mahi nene tona eto,

Ezekhiyele 36:18

Ni to tshakunuta koko kuhenya kwangu txitimwi kwawe, ngu mhaka ya mnoha wule va nga wu theketa txitimwi ka mafu, ni sithombe sawe va ngadi nyenyezisa ngu sona.