2 Makronika 34:2 - Bhiblia Yo Sawuleka

² Se a to maha ta tinene masoni ka Mkoma, a to tsimbila ngu nzila ya Dhavhidha tate wakwe, kha ngaza e khukha ka yona eya txinene mwendo txibhabha.

2 Makronika 34:2 Referans Kwoze

2 Makronika 29:2

A to maha to lulama masoni ka Mkoma, nga tile a nga mahisa tona tate wakwe Dhavhidha.

Mavingu 4:27

U nga wekelele hambi txinene, mwendo txibhabha; thavisa mkondo wako kubihani.

2 Makronika 17:3

Mkoma a di ni Josafati, nguko a ti ti tsimbila ngu tinzila ta tate wakwe Dhavhidha, a kha khozela va ka bhahali.

2 Makronika 14:2

Se Asa a to maha tile i ngadi tinene ni to lulama masoni ka Mkoma Txizimu txakwe,

2 Vafumeli 22:2

Se a to maha ta tinene masoni ka Mkoma; kambe a to tsimbila ngu totshe tinzila ta tate wakwe Dhavhidha, kha ngaza e khukha ka tona, eya txinene mwendo txibhabha.

1 Vafumeli 15:5

Nguko Dhavhidha a ti mahile tile i ngadi ta tinene masoni ka Mkoma, a sa nga phawuka ka totshe tile a ngadi mleletile ka otshe masiku a kuhanya kwakwe, hahanze ka mhaka ya Uriya, Muheti.

1 Vafumeli 14:8

kambe ni bhandile mfumo wa nyumba ya Dhavhidha, se ni ninga awe, se awe khwa maha ku nga txithumi txangu Dhavhidha, a nga vekisa sirumo sangu, e ni londeta ngu yotshe mbilu yakwe, e mahile atile i ngadi ta tinene masoni kwangu;

Joxuwa 23:6

Mahani mtamo, mi txi vekisa ni kuxayisa totshe ti ti nga bhalwa amu dibhukuni ka Mlayo wa Mosi, mi si hambuki, mi txi ya txineneni mwendo txibhabha.

Joxuwa 1:7

Tsana, uva ni mtamo, u tsanisa mbilu, kasi ku u txi khutalela kuxayisa yotshe milayo yi Mosi, txithumi txangu, a nga kuleleta; u nga ti hambukise ka yona, u txi ya txinene mwendo txibhabha, kasi ku u na humelela ka yotshe mithumo yako.

Dhewuteronome 28:14

Ngako u si hambuki uya txinene mwendo txibhabha, ka otshe mapswi ale ni ku leletako ona, kasi u si londisi simwani sizimu, u txi si thumela.”

Dhewuteronome 17:20

Ngu toneto, kha na mbi ti hambukisa masoni kwakwe eya txinene mwendo txibhabha; kasi kuengetela masiku a mfumo wakwe, ene ni vanana vakwe, hagari ka va ka Israyeli.”

Dhewuteronome 17:11

U na maha madingano ni txirumo txa mlayo wu va no ku gela, ni malamulelo ale va no ku gela; u nga leke dipswi di va no ku zivisa, uya txinene mwendo txibhabha.

Dhewuteronome 5:32

Ngu kumaha keto, khatalelani kumaha ati Mkoma, Txizimu txanu, a nga mi leleta tona. Mi nga ti hambukiseni, mi txi ya ka didhawa da txinene mwendo da txibhabha.

2 Makronika 34:3

Ngu dilembe da wutxhanu ni mararu, da kufuma ka Josiya, i di ngadi dizambi, e khata kulava Txizimu txa Dhavhidha tate wakwe; se ngu dilembe da wugumi ni mambidi a to khata kubasisa ditiko da va ka Judha ni Jerusalema a txi thavisela makhalo awe o guleka, a txi wilela tiphande tawe ni sithombe so vatwa ni so wumbwa.

2 Makronika 17:4

A to lava Txizimu txa tate wakwe e tsimbila ka sirumo sa txona, asi londeti mikhuwo ya vathu va ka Israyeli.