2 Makronika 34:12 - Bhiblia Yo Sawuleka

¹² Va vamna vava va thumile ngu kuthembeka; Vathangeli vawe i ti Jahati ni Obhadhiya, Valevhi va vanana va Merari, ni Zakariya ni Mesulami va vanana va Kohate kasi kuve yisa masoni mthumo wo aka. Ni vamwani Valevhi votshe ava va zivako kuveta sivetaveta.

2 Makronika 34:12 Referans Kwoze

2 Vafumeli 12:15

Kambe va ti si kombeli m'biko wa mthumo wa male yile, nguko i ti ti vo thembeka amu ka mathumiselo a male, va txi ningela ka vale va nga txi maha mthumo wa kona, nguko va txi maha ngu kuthembeka.

1 Makronika 23:5

ni 4.000 wa vawoneleli va sike, ni 4.000 wa vo dhumisa Mkoma ngu sivetaveta, sile ani ni nga si maha kasi kudhumisa ngu sona, kuwomba Dhavhidha.

1 Vakorinto 4:2

Se vaaveli ta laveka va txi maneka i di vo thembeka.

Mavingu 28:20

M'thu wo thembeka a na kateka ngutu, kambe wule a navelako kukuluveta e humelela, kha na mbi huluka kutsayiswa.

Nehemiya 7:2

Ni to veka Hanani, mwanathu, ni Hananiya, wa hombe wa mkhokhola wa Jerusalema, nguko i ti wamwamna wo thembeka, wo thava Txizimu, kupinda votala;

2 Makronika 31:12

Va to wuletisela ka sona miningelo ni sa wugumi ni silo so sawuleka; totshe ti txi thangelwa ngu Konaniya, Mulevhi, ni Simeyi mnanda wakwe.

1 Makronika 16:41

Se hagari kwawe a to yisa Hemani, ni Jedhutumi, ni votshe vale va nga sawulwa, vale va nga dhanwa ngu matina awe, kuve dhumisa Mkoma, nguko lirando lakwe li zumba ngu ha ku si gwitiko.

2 Vafumeli 22:7

Kha va nga londiselwa ka mhaka ya male yile va nga ti ti ningilwe manzani kwawe, nguko va ti ti yi thumisa ngu kuthembeka.

Genesisi 46:11

Vanana va Levhi: Gerisoni, Kohate ni Merari.

Mitengo 3:27

Liveleko la Kohate wa Amiramu, ni la Izari, ni Hebroni, ni Uziyeli; atiya ngu tona tiveleko ta va ka Kohate.

Ezra 3:9

Sekoko a to khukha Jesuwa ni vanana vakwe, ni vanawe, Kadhimiyeli ni vanana vakwe, ni vanana va Judha, nga m'thu mmweyo, kuva ve wonelela vale va nga ti aka Nyumba ya Txizimu, i ku vanana va Henadhadhe, ni vanana vawe, ni vanawe, i ku Valevhi.