2 Makronika 34:10 - Bhiblia Yo Sawuleka

¹⁰ Male ya kona yi ningetwe ka vathangeli va mthumo wo aka Nyumba ya Mkoma, va txi hakela ngu yona ava va thumako ko aka Nyumba ya Mkoma.

2 Makronika 34:10 Referans Kwoze

Ezra 3:7

Va to ningela male koko ka vale vo aka ngu marigwi, vo wilela, va yimwani mithumo, ve va ninga sakudya, so sela, ni mtona ka Vasidhoni ni ka Vatiro, kasiku va na ya wuya ngu Jope ni mapulango, ngu mnamboni ka Kedhari, ngako va nga ti ningilwe ngu Siro, mfumeli wa Persiya.

2 Vafumeli 12:14

Nguko yotshe male yi txi ningwa vale va nga txi maha mthumo, ve lulamisela ngu yona Nyumba ya Mkoma.

2 Makronika 34:9

Se va toya ka Hilikiya, mphaxeli wa hombe, veya mninga male yile yi nga ti tisilwe Nyumbani ka Txizimu, ayiya Valevhi, va woneleti va mtshunzuti wa ditimba, va nga amukela manzani ka Manasi ni Efrayime, ni ka votshe va ka Israyeli, ni va ka Judha ni Bhenjamini, ve tshumelela Jerusalema.

2 Makronika 34:11

Yimwani ve ninga vavati ni vaaki, kasi ve xava marigwi o vatwa ni tiphande to tsanisa ngu tona diseta da tinyumba ti ti nga hasulelwa ngu vafumeli va ka Judha.