2 Makronika 33:7 - Bhiblia Yo Sawuleka

⁷ Manasi a to veka txithombe txo vatwa, e txi emisa Nyumbani ka Txizimu; amule Txizimu txi nga nga womba ka Dhavhidha ni ka mwanana wa kona Solomoni ku khene: Ka yiya nyumba, kona Jerusalema, i ku kona ni nga kusawula hagari ka totshe tihunzu ta ka Israyeli, ni na veka ditina dangu ngu ha ku si gwitiko.

2 Makronika 33:7 Referans Kwoze

2 Makronika 33:4

Se a to aka siluvelo Nyumbani ka Mkoma, amu Mkoma a nga womba a txi khene: Ditina dangu di na zumba Jerusalema ngu hawa ku si gwitiko.

2 Makronika 7:16

Nguko konkuwa ni sawute nyumba yiya, ni yi sawulekisa, kasiku wu veka kona ditina dangu yotshe mbimo; se maso angu ni mbilu yangu si na zumba kona mule masiku otshe.

Masalmo 78:68

A to sawula lihunzu la ka Judha ni mmango wa Siyoni, awu a wu randako.

2 Makronika 33:15

Se a to thavisa sizimu sa vamatiko ni sifananiso Nyumbani ka Mkoma, kufana ni sotshe siluvelo sile a nga ti si akile mmangoni ka Nyumba ya Mkoma ni kona Jerusalema, eya si tshotsha hahanze ka didhoropa.

2 Makronika 6:6

Konkuwa ni sawute m'ti Jerusalema kasi ku ditina dangu di txi zumba kona; ni Dhavhidha kasi e fumela vathu vangu va Israyeli.

2 Vafumeli 23:6

Kambe a to thavisa txifananiso txo vatwa Nyumbani ka Mkoma eya txi tshotsha hahanze ka Jerusalema, txinambwanani ka Kedroni, e txi hisa hafuhi ni txinambwana txa Kedroni, txi maha dikhuma, se a to xwayela dikhuma da kona txitimwi ka mathitha a vanana va vathu va ditiko dile.

1 Vafumeli 11:32

Hambiketo ene a nave ni lihunzu limwelo ngu mhaka yo randa txithumi txangu Dhavhidha, ni kuranda Jerusalema, didhoropa di ni ngadi sawula ka otshe madhoropa a Israyeli.

1 Vafumeli 11:13

kambe na mbi bhanda wotshe mfumo; nyumba yimweyo ni na ninga mwanana wako, ngu kuranda txithumi txangu Dhavhidha, ni kuranda Jerusalema, awule ni nga msawula.

1 Vafumeli 8:48

se va txi hundulukela kwako ngu yotshe mbilu yawe ni wotshe muhefemulo wawe, ditikoni ka valala vawe vale va nga va yisa wukhumbini, ve kombela kwako ngu didhawa da ditiko di u nga ninga vatate vawe, ka didhoropa di u ngadi sawula, ni ka nyumba yi ni nga akela ditina nako;

1 Vafumeli 8:44

Ngako vathu vako va txi huma ve yalwa ni mlala wawe, ngu nzila yi u no va komba, ve khongela ka Mkoma ka didhawa di u ngadi sawula ka didhoropa diya, ni da nyumba yi ni nga akela ditina dako,

1 Vafumeli 8:29

Kasi ku maso ako me wonelela txitimwi ka nyumba yiya wusiku ni mitshikari, txitimwi ka wukhalo wuwa, aha u nga womba ngu yona ku khawe: Ditina dangu di nave hale; kasi u engisa mkombelo wu txithumi txako txi no maha ka wukhalo wuwa.

1 Vafumeli 9:3

Se Mkoma a to m'gela ku khene: Ni pfite mkombelo wako ni kudila kwako, u nga dila masoni kwangu; ni sawulekisile nyumba yi u nga yi aka, kasi u veka kona mule ditina dangu yotshe mbimo; se maso angu ni mbilu yangu si na va kona mule otshe masiku.

Jeremiya 7:30

Nguko vanana va ka Judha va mahile kubiha masoni kwangu, kuwomba Mkoma; va wuletile manyala awe mu ka nyumba yi yi dhanwako ngu ditina dangu, ve yi nyenyezisa.

Eksodha 20:4

U nga ti mahele sifananiso so vatwa, hambi txifananiso txa sile si ku txitimwi nzumani, hambi txa sile si ku hahatshi ha mafuni, hambi txa sile si ku mu matini, hahatshi ka mafu.

Valamuli 17:3

Ngu kumaha keto, a to tshumeta male ya 1.100 ya silivhela ka mame wakwe; aniko mame wakwe a to khene: “Na ningela male yiya ngu dianza dangu ka Mkoma, kasi ku mwanana wangu a na mvatela txithombe ni ku txi wumba; se konkuwa, na yi tshumetela kwako.”

1 Vafumeli 12:28

Ngu konaho, mfumeli a to wumba marole mambidi a nzalama, e va gela ku khene: Mthumo wanu wawungi i nave wo kwelela Jerusalema; wa siwona sizimu sako awe Israyeli, si nga kuhumisa Egipta.

2 Makronika 6:5

Kukhukhela ditshiku dile ni nga thavisa vathu vangu ditikoni da Egipta, kha na sawula didhoropa ni da dimwedo ka totshe tihunzu ta ka Israyeli kasi kuaka nyumba, kasi ni veka kona ditina dangu. Futhi kha na sawula m'thu awu no thangela vathu vangu va Israyeli.