2 Makronika 33:3 - Bhiblia Yo Sawuleka

³ Nguko a to tshumela e aketeta makhalo o guleka ale ma nga ti khundumusilwe ngu tate wakwe Ezekhiya, a to akela siluvelo Bhahali, e maha sipopo so khongela ka sona, e khizamela sotshe siphatiphati sa nzumani e si thumela.

2 Makronika 33:3 Referans Kwoze

Dhewuteronome 16:21

U nga phaye mindonga yo phaxela ka yona, hafuhi ni txiluvelo txi u no akela Mkoma, Txizimu txako.

Dhewuteronome 17:3

e thumela simwani sizimu, ni kukhizama masoni ka sona, masoni ka ditambo, ni ka mtxima, mwendo ka dotshe dibutho da nzumani, ati ani ni nga mbi leleta;

2 Makronika 31:1

Msana ka kuva va di gwitile kumaha Pasika, votshe va ka Israyeli va to khukha veya ka madhoropa a va ka Judha va txiya fayetela marigwi awe a wukhongeli va txi wilela ni tiphande tawe, va khundumusela ni makhalo awe o guleka ni siluvelo ka ditiko dotshe da va ka Judha ni da va ka Bhenjamini, ni da va ka Efrayime ni da va ka Manasi, kala kuza va txi heta sotshe. Se votshe vanana va ka Israyeli va ta tshumelela madhoropani kwawe.

2 Makronika 30:14

Va to khukha va thavisela siluvelo asi si nga ti ti Jerusalema, ve thavisa ni totshe tikhadi to hisela ka tona dibaselo, veya si tshotsha mlongani ka kedroni.

Zefaniya 1:5

ni va va khizamelako dibutho da nzuma va di txitimwi ka tinyumba; ni vale va namako ve xambanya ka Mkoma, ni kuxambanya ngu Malikami;

Jeremiya 19:13

Tinyumba ta Jerusalema ni tinyumba ta vafumeli va ka Judha, ti nava ni nzambwa, nga wukhalo wa Tofeti; kumweko ni tinyumba ti di nga hiselwa txitimwi ka tona dibaselo ka dotshe dibutho da nzuma, eho va nga ningela miningelo ya so sela ka simwani sizimu.

Ekleziyaste 9:18

I txhuko wutxhari kupinda matxhari a yimbi, aniko muonhi mmweyo wa onha somaha so tala.

2 Vafumeli 18:4

A to khundumusela siluvelo sa wukhongeli wa txihedheni, a to fayetela sithombe, e wisetela tiphande, e wilela mnyoka wa txikete wu nga ti mahilwe ngu Mosi, nguko kala ka ditshiku dileya vanana va ka Israyeli va txi ngadi ve wuhisela dibaselo ni ku wu dhana ku kha vona i Newustani.

Mithumo 7:42

Aniko Txizimu txi to va tshuralela txi va ningeta kukhozelani ka sikwata sa tiyimbi sa nzuma, nga ti ti nga bhalwa dibhukuni ka Vaprofeti, va txi khene: Anu va nyumba ya ka Israyeli, ina mi ni mahete magandelo ni timhamba txiwulani, mndani ka malembe a mune wa magumi kani?

Jeremiya 17:2

vanana vawe va ti ti alakanya siluvelo sawe ni sifananiso sawe sa Aseri hahatshi ka mindonga yo nyuka mimangoni.

Jeremiya 8:2

ma na hangalaswa masoni ka ditambo ni mtxima ni tiyimbi ta nzuma, asi va nga si randa ni ku si thumela, ni si va nga si londetela, ve si wotisa ni ku si khizamela; kha ma na mbi ngadi me sengeletwa, hambi kukelelwa, ma na maha sinoniso ha mafuni.

Ekleziyaste 2:19

Se i mani a ti zivako ti to m'thuyo i nava txhari mwendo txiphukuphuku kani? Hambi keto, ene a na fumela wotshe m'thumo wangu, wule ni nga wu maha, ni wutxhari wule ni nga nigwa hahatshi ka ditambo; eto ni tona mbukanyganyisi.

2 Makronika 32:12

Kasi hi nga ene Ezekhiya awu a nga thavisela makhalo anu o guleka ni siluvelo sanu, atxi womba-womba ni va ka Judha ni Jerusalema a txi khene: Mi na khozela masoni ka txiluvelo tximwetxo, mi hisela ka txona dibaselo kani?

2 Vafumeli 23:11

Kambe a to thavisa mahantxhi ale vafumeli va ka Judha va nga ti ti ma vekete ditambo, ha txikeni ka Numba ya Mkoma, hafuhi ni txipeto txa Natani-Meleki, mthenwa wule a nga ti ti maneka ka wukhalo wule; a to hisa sikotxikani sa ditambo ngu mndilo.

2 Vafumeli 21:3

Nguko a to tshumela e aka siluvelo sile si nga ti khundumusetwe ngu tate wakwe Ezekhiya, a to akela siluvelo Bhahali, e maha txithombe txo nga txile txi nga ti mahilwe ngu Akabe, mfumeli wa ka Israyeli, e nama masoni ka otshe mabutho a nzumani, e ma thumela.

1 Vafumeli 14:23

Nguko ni vona va akile makhalo o guleka, ni sithombe, ni kuvata sifananiso, txitimwi ka sotshe simangwana hahatshi ka mindonga yo hanya.

Dhewuteronome 4:19

Se u nga gule maso ako, u txi wona nzumani, ni ku u txi wona ditambo, mtxima, tinyeleti, sotshe siphatiphati sa nzumani, u nga thuke u txi ti bihisa ngu kukhizama masoni ka sona, u txi si khozela ni ku si thumela nzimaha si Mkoma Txizimu txako, a nga si avela ka vathu votshe va ku hahatshi ka nzuma, kasi ku si maha thomba yawe.

Eksodha 34:13

Mi na khungumula siluvelo sawe, mi txi fayetela sithombe sawe, ni ku sakata sipopo sawe, amu va khongelako kona Aseri.

2 Vafumeli 23:4

Se mfumeli a to rumela ka mphaxeli wa hombe Hilikiya, ni ka vaphaxeli va txiemo txa wumbidi, ni vawoneleli va misasimo ya ditimba, taku kuthaviswa sotshe siya Dithepeleni ka Mkoma, asile va nga ti si mahete Bhahali, ni sotshe so vatwa, ni dotshe dibutho da nzumani; e si hisa hahanze ka Jerusalemam, tithembweni ka Kedroni, se e tsula ni makhuma a kona Bheteli.

2 Makronika 28:24

Kambe Akazi a to sengeleta siya sa Nyumbani ka Txizimu e si fayetela, e vhala matimba a Nyumbani ka Mkoma. Se a to ti akela siluvelo ka madhawa otshe a Jerusalema.

2 Makronika 33:15

Se a to thavisa sizimu sa vamatiko ni sifananiso Nyumbani ka Mkoma, kufana ni sotshe siluvelo sile a nga ti si akile mmangoni ka Nyumba ya Mkoma ni kona Jerusalema, eya si tshotsha hahanze ka didhoropa.

2 Makronika 33:19

Se mkombelo wakwe, ni ti Txizimu txi nga wu amukelisa tona, ni sotshe sionho sakwe, ni wubihi wakwe, ni makhalo o guleka ale a nga aka e veka ni sithombe sawe so vatwa, na a sanzi kutiveka hahatshi, wonani ti to totshe ti bhatwe ka mabhuku a vahuti.

2 Makronika 34:25

Nguko va ni lekile veya hisela dibaselo sizimu simwani, kasiku ni wusela kuhenya kwangu ngu yotshe mithumo yawe, se ngu toneto kuhenya kwangu na kuthekete txitimwi ka wukhalo wuwa, ku na pwateka ni wammweyo awu a no sikota ku kuthavisa.

Jeremiya 7:30

Nguko vanana va ka Judha va mahile kubiha masoni kwangu, kuwomba Mkoma; va wuletile manyala awe mu ka nyumba yi yi dhanwako ngu ditina dangu, ve yi nyenyezisa.