Kambe a to hisa dibaselo mkovani ka Mwana Hinomi, hambi vanana vakwe a mahile ngu vona mningelo wo hiswa, ngu wubihi wa vawuyi vale Mkoma a nga ti ti va tshotshile kule ni vanana va ka Israyeli.
Se mi na tiziva taku ngani Mkoma, nguko kha ma tsimbila ngu sileleto sangu, kambe kha ma londeta kulamula kwangu; mi to londeta malamulelo a matiko ale ma nga mi randela.
Ni na va maha ve thisa masoni ka mifumo yotshe ya ha mafuni, ngu mhaka ya Manasi, mwana Ezekhiya, mfumeli wa ka Judha, ngu ti a nga ti maha Jerusalema.”
ina hi na engeta kambe kuwa, hi ndaka sirumo sako ni ku ti patanisa ni vathu va manyala kani? Ina khu na kuhenya awe kuwa, u hi wukela ni ku hi heta hotshethu, kuza ku si sali ni wammweyo wo huluka kani?
Votshe vathangeli va vaphaxeli ni vathu votshe va to londetela manyala ni sihena so nyenyeza sa vamatiko, va txi nyenyezisela Nyumbani ka Mkoma, mule a nga ti ti kusawulekisete Jerusalema.
Se va to lamba sileleto ni txitumelelano a nga ti txi mahile ni vatate vawe, ni wufakazi wule va nga ti mahile vatate vawe, va to tsimbila ngu wukanganyisi, na i ti maphanga, kufana ni mifumo yile yi nga ti ti madhawani kwawe, ayile Mkoma a nga ti ti va gete ku va nga yi londete.
Se va to hisa dibaselo ka sotshe siluvelo, madingano ni mifumo yile Mkoma a nga yi tutumisa masoni kwawe; kambe va to maha to biha kasi kuwusa kuhenya ka Mkoma.
U nga ti mahe eto masoni ka Mkoma, Txizimu txako! Nguko totshe ti Mkoma a ti nyenyako, totshe ti ene asi ti laviko, vona va ti mahile ka sizimu sawe, aha koza va txi hisa vanana vawe vavafana ni vamahorana, va txi dhumisa sizimu sawe.
Se a to maha wubihi masoni ka Mkoma, ku nga tile a nga ti ti mahile Manasi, tate wakwe, nguko Amoni a to phaxa mhamba ka sotshe sithombe so vatwa asile Manasi, tate wakwe, a nga ti ti si mahile e si khozela.