2 Makronika 33:16 - Bhiblia Yo Sawuleka

¹⁶ Se Manasi a to aketa txiluvelo txa Mkoma, e ningela mningelo wa kudikha ni wa kudhumisa txitimwi ka txona, se a to leleta va ka Judha kuthumela Mkoma, Txizimu txa Israyeli.

2 Makronika 33:16 Referans Kwoze

Luka 22:32

Aniko ani ni ku kombelete, kasiku likholo lako li si timeki. Se awe, ngako u di hundulukile, tsanisa vakwanu.”

2 Makronika 33:9

Sekoko Manasi a to phazamisa va ka Judha ni vahanyi va Jerusaleema, ve maha kubiha kupinda mifumo yile Mkoma a nga ti ti yi hangalasile masoni ka Vaisrayeli.

2 Makronika 30:12

Dianza da Txizimu di ti ti txitimwi ka vathu va ka Judha, di va ninga mbilu yimweyo yo maha kuruma ka mfumeli ni ka vathangeli madingano ni dipswi da Mkoma.

2 Makronika 29:18

Sekoko va to wulela nyumbani ka mfumeli Ezekhiya, va txi ya kha vona kwakwe: Hi basisile yotshe Nyumba ya Mkoma ni txiluvelo txa mningelo wo hiswa ni siya sotshe ni meza ya mapawu a mphaxo, ni sotshe siya sa yona.

2 Makronika 14:4

Se a to ruma va ka Judha kuve lava Mkoma Txizimu txa vatate vawe, ni kuwonisisa sirumo ni sileleto sa txona.

1 Vafumeli 18:30

Sekoko, Elija a to khene ka votshe vathu: Tshuketani ngutu hafuhi kwangu. Votshe va to tshuketela hafuhi kwakwe; se a to longisa txiluvelo txa Mkoma, txi nga ti khundumusilwe.

Genesisi 18:19

Nguko ani ni msawute kasi ku a txi gondisa vanana vakwe, ni votshe va ka kwawe msana kwakwe, kasiku ve maha kuranda ka Mkoma, ni kumaha kululama ni wunene, se ngu mhaka yeto, ani Mkoma, ni na maha ka Abrahamu ati ni nga mthembisa.”

2 Makronika 29:31

Ezekhiya a to xamula a txi khene: Konkuwa anu mi nga ti ningela ka Mkoma, tshuketani mi tisa mhamba ni miningelo ya kudhumisa, Nyumbani ka Mkoma. Se msengeletano wu to tisa mhamba ni miningelo ya kubonga, vamwani ngu kuranda kwawe, va humisile miningelo ya kuhiswa.

2 Makronika 14:3

Nguko a thavisile siluvelo sa sizimu sa walo, e fayetela marigwi awe a wukhongeli, a txi wilela tiphande tawe.