2 Makronika 33:11 - Bhiblia Yo Sawuleka

¹¹ Ngu kumaha keto, Mkoma a to va nehela vathangeli va dibutho da yimbi da mfumeli wa Asiriya, avale va nga ñola Manasi hagari ka mipa, ve msungelela ngu titxhini, ve mu tsulisa Bhabhilona.

2 Makronika 33:11 Referans Kwoze

Dhewuteronome 28:36

Mkoma a na ku rurisa awe, kumweko ni mfumeli wule u no va u di m'vekile txitimwi kwako, a txi kuyisa ka ditiko di u si di ziviko awe ni vatate vako, se koneyo u na ya khozela simwani sizimu, so mahwa ngu mapulango ni marigwi.

2 Makronika 36:6

Nebhukodhonosori koko, mfumeli wa Bhabhilona, a to kwelela ku yalwa nayo, e msugelela ngu titxhini, kasi kutsula nayo Bhabhilona.

Sidilo 3:7

A ni sekete mkorani kasi ku ni si humi, a txi ni sungelela ngu titxhini to banga ngutu.

Isaya 36:9

U ndi na mahisa kutxani, kutshemberisa khohe ka mthangeli mmweyo dwe wam'dotho, ka sithumi sa nyamne wangu, u themba Egipta, ngu mhaka ya sikotxikani ni vagadhi va mahantxhi kani?

Isaya 10:8

Nguko a khene: Vathangeli vangu votshe hi nga vafumeli kani?

Nehemiya 9:37

Ditiko da pfuna kambe mihando nja vafumeli vale u nga va veka txitimwi kwathu, ngu mhaka ya sionho sathu; va thuma kuranda kwawe txitimwi ka mimidi yathu ni txitimwi ka sifuyo sathu; se hi kuxanisekani ka hombe.

Nehemiya 9:32

Konkuwa koko, awe Txizimu txathu, awe Txizimu txa hombe, txa mtamo ni kuthisa, txi xayisako txitumelelano ni wunene, yi nga maneke i di yidotho yotshe xomulo yi yi nga hi hokela, ni vafumeli vathu, ni vathangeli vathu, ni vaphaxeli vathu, ni vaprofeti vathu, ni vatate vathu, ni votshe vathu vako, kukhukhela ka masiku a vafumeli wa va Asiriya, kala ka ditshiku da nyamsi.

2 Vafumeli 25:6

Va to teka mfumeli ve mtsulisa ka mfumeli wa Bhabhilona, didhoropani ka Ribhila; ngu koneyo a nga lamulwa kona.

2 Vafumeli 23:33

Sekoko Faro-Neko a to rumisa kuya mñola aniya Ribhila, ditikoni ka Hamati, kasi ku asi fumi Jerusalema; se a to dihisa ditiko da ka Judha dizana da titalenta ta silivhelam ni talenta yimweyo ya nzalama.

1 Samuwele 13:6

Va di ti woni koko vavamna va ka Israyeli to va xomuloni (nguko vathu va ti ti kamekile), vathu va to barama amu ka tiphako, ni amu ka mipa, ni hagari ka marigwi, ni amu ka sisima, ni maphalani,

2 Vafumeli 20:18

Hambi ni vanana vako ava u no va veleka, va na tekwa ve tsuliswa kuya mahwa mithenwa, nyumbani ka mfumeli wa Bhabhilona.

2 Vafumeli 21:17

Kasi ngu kutala ka mithumo ya Manasi, ni ka totshe ti a nga maha, ni txionho txakwe txile a nga onha, ina si ngava si sa bhalwa ka dibhuku da Matimu a vafumeli va ka Judha kani?

2 Makronika 21:16

Mkoma a to maha ti to Vafilista ni Vaarabhi, va va hanyako hafuhi ni Vaetiyopiya, ve wukela Jehoramu.

2 Makronika 15:2

Se a to huma eya ka Asa a txiya khene: Awe Asa ni nanu motshenu va ka Judha, ni va ka Bhenjamini ni engiseni, Mkoma ani nanu, ngako anu mi di ni nene; ngako mi txi mlava mi na mmana, mi txi m'leka nene a na mi leka.

Jobe 12:18

Txizimu txa txhatxha tingoti ta tikathula ta vafumeli, txi sunga siwunu sawe ngu libhandi.