2 Makronika 32:8 - Bhiblia Yo Sawuleka

⁸ Ene ani diwoko da nyama, kasi athu hi ni Mkoma Txizimu txathu, awu a hi vhunetelako kulwa tiyimbi tathu. Vathu va to tsaniswa ngu mapswi a Ezekhiya, mfumeli wa va ka Judha.

2 Makronika 32:8 Referans Kwoze

Jeremiya 17:5

Mkoma a khene: “A ruketetwe m'thu wu a thembako m'thu, a thembako mtamo wa diwoko dakwe, na mbilu yakwe yi di hambanile ni Mkoma.

2 Makronika 20:17

Ka yimbi yiya anu kha mi na mbilwa, tsulani mi txi ya ema mi wonetela a ti Mkoma a no maha, kasi ku mi hulukisa, anu va ka Judha, ni va Jerusalema; mi nga thaveni, kambe mi nga dhukisweni; mangwana va hingeteni, nguko Mkoma a na va ni nanu.

2 Makronika 20:15

Se Jahaziyeli a to khene: Engisani anu motshenu va ka Judha, ni nanu vahanyi va Jerusalema, ni nawe mfumeli Josafati. Mkoma a khene kwanu: Mi nga thaveni, mi nga dhudhumeleni ngu mhaka yaku wona vathu vava vavangi, ngu ku hi nga anu mi ñolwa yimbi yiya, yi na lwiwa ngu Txizimu.

2 Timoti 4:17

Aniko Mkoma a ni emete, a txi ni tsanisa, kasiku dipswi di txi txhumayelwa ngu ngani, ngu kuhetiseka, ti to di txi mana kuengiswa ngu votshe vamatiko. Ani ni hulukisilwe ka txisofu txa ngonyamo.

Mithumo 18:10

nguko ani ni ni nawe, kha ku nga ni m'thu wu a no kuwukela e kumaha ta walo nguko nina ni vathu vavangi didhoropani muwa.”

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

1 Johani 4:4

Sivananananu, anu mi va Txizimu, se mi xute vaprofeti va makuhu. Nguko Moya wu wu ku kwanu mbwa hombe kupinda wule wu ku ka vathu va ha ditikoni.

Masalmo 46:11

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu!

2 Makronika 13:12

Wonani Txizimu txi ni nathu masoni kwathu, vaphaxeli va txona va veta mipundu kasi ku mi hangalasa; vanana va ka Israyeli mi nga lweni ni Mkoma Txizimu txa va tate vanu, nguko kha mi na mbi mu xula.

Dhewuteronome 20:4

Mkoma, Txizimu txanu koko, a tsimbila kumweko ni nanu, kasi kulwa ni valala vanu, a txi mi ninga kuxula.”

Mavingu 12:25

Kuvilela ka mbiluni ka gomisa m'thu, kambe mapswi amanene ma mtsakisa.

2 Makronika 20:20

Se magwanani ka kona, va to wuka ni mixo veya txiwulani ka Tekowa; Mbimo yi va nga ti ti tsula, Josafati a to va ngela ku khene: Ni engiseni anu va ka Judha, ni nanu vazumbi va Jerusalema: Thembani Mkoma Txizimu txanu kasi ku mi na tsana; thembani vaprofeti vakwe mi na xula.

2 Makronika 14:11

Asa a to dila ka Mkoma, Txizimu txakwe, a txi khene: Mkoma, kha ngaho awu a kotako kuvhuna vathu va vo pwata mtamo, hi vhune Mkoma Txizimu txathu, nguko hi thembile awe, hi xomile yimbi ngu ditina dako ku yalwa ni vathu vava, Mkoma Txizimu txathu, kha ku na m'thu awu a kuxulako.

Dhewuteronome 20:1

“Mbimo yi u no huma ku yalwa yimbi ni valala vako, ngako u txi wona mahantxhi ni sikotxikani ni vathu vavangi, vo pinda awe, u nga va thave, nguko Mkoma, Txizimu txako awu a nga kuhumisa ditikoni ka Egipta, ana ni nawe.

Isaya 36:18

A nga mi kanganyiseni Ezekhiya, a txi khene: Mkoma a na hi txhatxhisa. Ina mi khala ku nga wona sizimu sa matiko si txhatxhisa matiko a sona manzani ka mfumeli wa Asiriya kani?

Isaya 8:10

Sungani motshe txikungo, aniko kha txi na mbi maheka, wombani dipswi, kambe kha di na mbi tsana; nguko Txizimu txi ni nathu.

Masalmo 46:7

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu.

Jobe 40:9

Mwendo u ni diwoko do nga da Txizimu, mwendo u nga bhonga ngu dipswi nga da txona kani?

2 Timoti 4:22

Mkoma a nave ni moya wako! Kateko yi nave ni nanu motshenu!

2 Makronika 32:15

Konkuwa koko mi nga xengetelweni ngu Ezekhiya, hambi ku mi kujetele ngu mamahelo eyo, kambe mi nga mthembeni nguko kha ku na txizimu txa ditiko ni da dimwedo, hambi txa mfumo ni wawumwewo txi nga txhatxhisako vathu va txona manzani kwangu, hambi manzani ka vatate vangu, Txizimu txanu txi nga sikotisa kutxani ku mi hulukisa manzani kwangu.

Joxuwa 10:42

Se votshe vafumeli vava ni matiko awe, Joxuwa a va khozisile ngu mbimo yimweyo, nguko Mkoma, Txizimu txa ka Israyeli, a ti ti lwela Israyeli.

1 Samuwele 17:45

Kambe Dhavhidha a to khene ka Mufilista: Awe uta kwangu wu di ni ditxhari, ni mseve, ni txivhikelo; kambe ani ni ta kwako ngu ditina da Mkoma wa Mabutho a Tiyimbi, i ku Txizimu txa Mabutho a Tiyimbi a ka Israyeli, awule wu mruketelako.

2 Vafumeli 6:16

Se Elixa a to khene: U nga thave, nguko mbavangi va emako ni nathu, kupinda vale va ku navo vona.

1 Makronika 5:22

Va dayete votala, nguko kulwa i ti ti ka Txizimu; se va to aka ka makhalo awe, kala kuza ve yiswa wukhumbini.

2 Makronika 16:7

Ngu mbimo yoneyo Hanani m'huti a to ta ka Asa mfumeli wa va ka Judha e ta womba a txi khene: U themba mfumeli wa Siriya, khu thembi Mkoma Txizimu txako, ngu toneto mabutho a mfumeli wa Siriya ma hulukile mawokoni kwako.

Masalmo 20:7

Vamwani va themba mimovha yawe ya yimbi vamwani va themba mahantxhi awe; aniko, athu hi themba Mkoma, Txizimu txathu.

Masalmo 118:8

Ndinene ngutu kuthemba Mkoma kupinda kuthemba vathangeli;

Jeremiya 42:11

Mi nga thaveni mfumeli wa Bhabhilona, awu mi mthavako; mi nga mthaveni, kuwomba Mkoma, nguko ani ni na ni nanu, kasi ku mi hanyisa ni ku mi txhatxhisa manzani kwakwe.

Zakariya 4:6

Se a to xamula a txi khene kwangu: Adiya dipswi da Mkoma ka Zorobhabheli, do khene: Hi nga ngu mtamo, hambi ngu yimbi, aniko ngu moya wangu, kuwomba Mkoma wa Mabutho a Tiyimbi.

Eksodha 4:31

Se athu va to kholwa; se kambe va tsakile ngu kuziva ti to Mkoma a alakanyile vanana vakwe va ka Israyeli, ngu kuwona ti vona va xanisekisako tona. Va to khizama va txi khozela Mkoma.

Dhewuteronome 20:3

a txi khene kwawe: Engisani anu va ka Israyeli, Nyamsi tshuketani mi txi yalwa ni valala vanu; yi nga wike misana yanu; mi nga va thaveni, kambe mi nga dhudhumeleleni, hambi ku telwa ngu dizowa masoni kwawe,

2 Vafumeli 18:5

A to themba ka Mkoma Txizimu txa ka Israyeli ahale koza, msana kwakwe, ku si maneki mmwani wo nga ene ka votshe vafumeli va ka Judha, hambi ka vale vo khata.

2 Makronika 14:10

Sekoko Asa nene a to huma ni yimbi yakwe, ku yalwa libalani ka Zefata hafuhi ni Maresa.

Isaya 30:32

Se ngu kupeka kumweko ni kumweko ka ndonga ya wulamuli ayi Mkoma a no peka ngu yona, ku nava ni singomana ni tiharipa; se ni kulwa ka pfilu-pfilu, ku na va wukela.

Isaya 31:3

Nguko Vaegipta mbathu, hi nga Txizimu, ni mahantxhi awe i nyama, hi nga moya. Se mbimo yi Mkoma a no guleta diwoko dakwe, votshe va na wa hahatshi, m'vhuni ni wu a vhunwako, votshe va na loviswa kumweko.