2 Makronika 32:5 - Bhiblia Yo Sawuleka

⁵ Se ene a to tsana ngutu e aketa dotshe diguma adi di nga ti khundumusilwe, ve di laphisa kala sidingililelo, e aka dimwani diguma ngu hahanze e tsanisa Milo didhoropani ka Dhavhidha, atxi ti mahela matxhari amangi ni sivhikelo sasingi.

2 Makronika 32:5 Referans Kwoze

2 Makronika 25:23

Se Jowasi mfumeli wa ka Israyeli, a to ñola Amaziya mfumeli wa ka Judha, mwana Jowasi, mwana Jehowakazi, kona Bheti-Semesi, e mu yisa Jerusalema; a to khundumusa diguma da Jerusalema, kukhukhela ka Txike txa Efrayime kala ka Txike txa ha dikhonani, se kulapha ka kona i ti ka 400 wa mikono.

1 Vafumeli 9:24

Kambe mwanana wa Faro wa dihorana, a to kwelela ngu didhoropani ka Dhavhidha eya nyumbani kwakwe, a nga ti aketwe ngu Solomoni; se a to aka Milo.

2 Vafumeli 25:4

sekoko didhoropa di to khundumuswa, se votshelele valwi va yimbi va to tutuma ni wusiku ngu haditimbani diku hagari ka maguma mambidi hafuhi ni thembwe ya mfumeli (nguko Vakaldheya va ti ti randete didhoropa ngu hahanze); se mfumeli a pfhukile ngu nzila ya libalani.

2 Samuwele 5:9

Ngu kumaha keto, Dhavhidha a to zumba mkhokholani, e wu dhana ku Didhoropa da Dhavhidha; a to aka madhawani, kukhukhela Milo kala mndani ka dona.

Jeremiya 39:4

Ku ti ngako Zedhekiya mfumeli wa ka Judha, ni votshe valwi va yimbi va di va wonile, va to pfodola ve huma didhoropani ni wusiku, ngu nzila ya thembweni ka mfumeli, ngu ka txike txi txi ku hagari ka maguma mambidi, ve huma ngu nzila ya Arabha.

2 Makronika 26:8

Va ka Amoni va to mu tisela simaha sokari va ta muha, se wudhumo wakwe u hangalaka kala mihinganoni ka Egipta, nguko i ti ti m'thu wa mtamo ngutu.

2 Makronika 23:1

Aniko ka dilembe da wutxhanu ni mambidi, Joyadha a to tsana, e maha txitumelelano ni vathangeli va mazana: Azariya, mwana Jerowami, ni Isumayeli mwana Jowanani, ni Azariya mwana Obhedhi, ni Mahaseya mwana Adhaya, ni Elisafati mwana Zikiri.

2 Makronika 12:1

Ku to maheka koko taku, mbimo yile Robhowamu a nga tsanisa wukoma, a to leka Mlayo wa Mkoma, ene ni votshe va ka Israyeli.

2 Vafumeli 12:20

Se sithumi sa Jowasi si to khukha si txi m'wukela, va to m'dya nyumbani ka Milo, ka nzila yi yi ngirimelako yi txiya Sila.

1 Vafumeli 11:27

Ngu yona mhaka yiya yi nga mmaha e guleta dianza e wukela mfumeli: Solomoni a ti akile Milo, se e tsivetela maphosongo a Didhoropa da tate wakwe Dhavhidha.

Valamuli 9:6

Sekoko votshe vavamna va i ku sivelekwa sa Sikemi, ni yotshe nyumba ya ka Bheti-Milo, va to sengeletana ve simeka Abhimeleki, e maha mfumeli wawe, hafuhi ka mkusu wu wu ku Sikemi.

Mavingu 25:28

M'thu wa kwa mbi xayisa moya wakwe, a fana ni didhoropa do khundumuselwa, do pwata diguma.

2 Makronika 33:14

Se msana keto, a to aka diguma ngu hahanze ka Didhoropa da Dhavhidha, ngu didhawa da wulambwe ka Giyoni, mkovani, ngu ha txikeni ka Ditimba da Txihaka, a txi renzeleka kala Ofeli, e di laphisa ngutu ta tinene; kambe e veka vathangeli va mtamo ka otshe madhoropa a hombe a Judha.

Joyeli 2:8

Ni wammweyo kha na mbi kama mwanawe; mmweyo ni mmweyo a tsimbila ngu nzila yakwe; va na pinda ngu txitimwi ka ditxhari, aniko kha va na mbi dayiswa.