2 Makronika 32:4 - Bhiblia Yo Sawuleka

⁴ Sekoko va to sengeleta vathu vavangi ngutu veya kuletela sotshe sisima sa mati ni txinabwana txi txi tshawunyetako ngu hagari ka ditiko. Va txi kha vona: Ngu kutxani vafumeli va Asiriya ve ta mana mati amangi kani?

2 Makronika 32:4 Referans Kwoze

2 Makronika 32:30

Ngene Ezekhiya wu a nga vhala txisima txa mati a Giyoni, e ma tsimbitisa ngu hahatshi, ngu didhawa da mswa-ditambo ka didhoropa da Dhavhidha, nguko Ezekhiya a di katekisilwe ka mithumo yakwe yotshe.

Isaya 10:8

Nguko a khene: Vathangeli vangu votshe hi nga vafumeli kani?

2 Makronika 32:1

Msana ka timhaka tiya, ni kuthembeka kuwa, kutota Senakeribhe mfumeli wa Asiriya e ta wulela ditikoni ka Judha, eya gova e wukela madhoropa a hombe a txi lava ku ma honyola.

2 Makronika 30:14

Va to khukha va thavisela siluvelo asi si nga ti ti Jerusalema, ve thavisa ni totshe tikhadi to hisela ka tona dibaselo, veya si tshotsha mlongani ka kedroni.

2 Vafumeli 20:20

Kasi ngu kutala ka mithumo ya Ezekhiya, ni mtamo wakwe wotshe, ni txisima txi a nga txi maha, ni nzila yo tsimbitisa mati me wulela didhoropani, ina ti nga va ti sa bhalwa amu ka dibhuku da Matimu a vafumeli va ka Judha kani?

2 Vafumeli 19:17

Ditshuri ngu diya, awe Mkoma, vafumeli va Asiriya va xasete mifumo ni mafu a kona.

2 Vafumeli 18:13

Ka dilembe da digumi ni mune da kufuma ka Ezekhiya, Senakeribhe mfumeli wa Asiriya, a to wukela otshe madhoropa a mtamo a ka Judha, e ma honyola.

2 Vafumeli 18:9

Ka dilembe da wumune da kufuma ka Ezekhiya (i ku dilembe da wutxhanu ni mambidi da kufuma ka Hoseya, mwana Ela, mfumeli wa ka Israyeli), Salmanaseri mfumeli wa Asiriya, a to wukela didhoropa da Samariya, a txi di randela.

1 Vafumeli 19:21

Elixa koko a to wuya ngu msana kwakwe, e ta teka mpatwa wa tihomu e daya, se a to bhika nyama ngu dikange, e ninga vathu va txi dya. Sekoko Elixa a to khukha e londeta Elija, kuya m'vhuna mithumo.

1 Vafumeli 3:9

Ninga mbilu yo ziva ka txithumi txako, kasi kulamula vathu vako, ni kuziva ngu ditshuri kuhambanisa hagari ka ta tinene ni to biha; nguko i mani a ndi no lamula vathu vako vo talisa tiya kani?

2 Makronika 32:3

a to sunga txikungo ni vathangeli vakwe ni vathu vakwe txa kuya kuletela sisima sa mati asi si ku hahanze ka didhoropa; se vona va to m'vhunetela.

Isaya 22:11

Kambe mi mahile sisima hagari ka maguma mambidi txo thela mati a txisima txa kale, aniko kha ma wona txitimwi, kambe kha ma khatala ngu wule a nga va nga sona, hambi kukhatala ngu wule a nga si va nga kukhukhela kaleko.

Nahume 3:14

Reka mati u ma vekela ditshiku da kurandelwa kwako, tsanisa mikhokhola yako, wulela ndopeni, kandetela dibumba, u lulamisa m'dhikila wo hisa sitini.

Isaya 22:9

Mi na wona tifa ta didhoropa da Dhavhidha i ku tatingi; se mi na sengeleta mati a txisima txa hahatshi.