2 Makronika 32:30 - Bhiblia Yo Sawuleka

³⁰ Ngene Ezekhiya wu a nga vhala txisima txa mati a Giyoni, e ma tsimbitisa ngu hahatshi, ngu didhawa da mswa-ditambo ka didhoropa da Dhavhidha, nguko Ezekhiya a di katekisilwe ka mithumo yakwe yotshe.

2 Makronika 32:30 Referans Kwoze

1 Vafumeli 1:33

Mfumeli a to khene: “Tsulani ni sithumi sa mfumeli wanu, mi txi ya gadhisa mwanana wangu Solomoni, ka dimula dangu; mi txi mkwitimisa Giyoni.”

2 Makronika 32:4

Sekoko va to sengeleta vathu vavangi ngutu veya kuletela sotshe sisima sa mati ni txinabwana txi txi tshawunyetako ngu hagari ka ditiko. Va txi kha vona: Ngu kutxani vafumeli va Asiriya ve ta mana mati amangi kani?

2 Vafumeli 20:20

Kasi ngu kutala ka mithumo ya Ezekhiya, ni mtamo wakwe wotshe, ni txisima txi a nga txi maha, ni nzila yo tsimbitisa mati me wulela didhoropani, ina ti nga va ti sa bhalwa amu ka dibhuku da Matimu a vafumeli va ka Judha kani?

1 Vafumeli 1:45

Se Zadhoki mphaxeli, ni mprofeti Nathani, va to mtota wukoma kona Giyoni, kukhukhela koneyo, va to kwelela va di tsakile, didhoropa dotshe di to zinginika: Ngu dona diguwedo u nga dipfa.

1 Vafumeli 1:38

Sekoko Zadhoki, mphaxeli, a to relela, ni Nathani, mprofeti, ni Bhenaya, mwana Joyadha, ni Vakereti, ni Vapeleti, va to gadhisa Solomoni ha ka dimula da mfumeli Dhavhidha, ve m'heleketa Giyoni.

2 Makronika 26:5

Nguko a ti karatile ngu kulava Mkoma, ka masiku a Zakariya txizivi txa siwoniso sa Txizimu; ka masiku otshe ale a nga lava Mkoma, Txizimu txi to mkatekisa.

2 Makronika 32:3

a to sunga txikungo ni vathangeli vakwe ni vathu vakwe txa kuya kuletela sisima sa mati asi si ku hahanze ka didhoropa; se vona va to m'vhunetela.

2 Makronika 33:14

Se msana keto, a to aka diguma ngu hahanze ka Didhoropa da Dhavhidha, ngu didhawa da wulambwe ka Giyoni, mkovani, ngu ha txikeni ka Ditimba da Txihaka, a txi renzeleka kala Ofeli, e di laphisa ngutu ta tinene; kambe e veka vathangeli va mtamo ka otshe madhoropa a hombe a Judha.