2 Makronika 32:26 - Bhiblia Yo Sawuleka

²⁶ Se Ezekhiya a to ti sola e ti veka hahatshi ngu mhaka ya kanu ya kutikulisa ka mbilu yakwe kumweko ni vathu va Jerusalema; se kuhenya ka hombe ka Mkoma ku yata txitimwi kwawe, ka masiku a Ezekhiya.

2 Makronika 32:26 Referans Kwoze

2 Makronika 33:12

Se ene a di pandisekile, a to khongela masoni ka Mkoma Txizimu txakwe, e ti veka hahatshi ngutu masoni ka Txizimu txa vatate vakwe,

Jakobe 4:10

Ti vekeni hahatshi masoni ka Mkoma, se ene a na mi guleta.

2 Makronika 33:23

Aniko kha ti veka hahatshi masoni ka Mkoma, nga Manasi tate wakwe, a nga ti veka hahatshi; Amoni a to engetela sionho sakwe.

2 Makronika 33:19

Se mkombelo wakwe, ni ti Txizimu txi nga wu amukelisa tona, ni sotshe sionho sakwe, ni wubihi wakwe, ni makhalo o guleka ale a nga aka e veka ni sithombe sawe so vatwa, na a sanzi kutiveka hahatshi, wonani ti to totshe ti bhatwe ka mabhuku a vahuti.

1 Vafumeli 21:29

Khwa ti wona taku Akabe wa ti namisa masoni kwangu kani? Ngako koko a ti namisako masoni kwangu, kha ni na mbi tisa kubiha kuwa ka masiku a kuhanya kwakwe, aniko ni na tisa wubihi wuwa ka masiku a kuhanya ka mwanana wakwe, nyumbani kwakwe.

1 Vafumeli 21:19

Se tsula u txi ya m'gela ku khawe: Mkoma a womba tiya: Ina mwendo khu ngo m'daya u txi teka thomba kani? U na m'gela kambe ku khawe: Mkoma a womba tiya: Ka wukhalo wule timbwa ti nga danzela mnoha wa Nabhote, timbwa ti na danzela ni wako mnoha, ina mnoha wako kha ditshuri.

2 Makronika 32:27

Ezekhiya a di ni thomba yayingi ni wudhumo wa hombe; va to aka wukhalo wo veka ka wona nzalama ni silivhela ni marigwi a lisima, ni makha ni sivhikelo, ni sotshe si asi lavako.

2 Vafumeli 22:19

Ngako mbilu yako yi nga rawula, u ti namisa masoni ka Mkoma, mbimo yile u nga engisa ni txi henya ngu wukhalo wuwa, ni vazumbi va kona, va ti dingana kufuviswa ni kuve txiruko, u vharulete syambalo sako, u dite masoni kwangu, kambe ni ku engisile, kuwomba Mkoma.

2 Makronika 12:7

Mbimo yile Mkoma a nga wona ku va ti vekile hahatshi, a to rumela dipswi dakwe ka Semaya, a txi khene: Mi ti vekile hahatshi, kha na mbi mi xasela; ngu kukuluveta ni na mi ninga wukhalo awu mi no barama ka wona, kasi ku kuhenya kwangu ku si thekeli txitimwi ka Jerusalema, ngu manza da Sisake.