2 Makronika 32:15 - Bhiblia Yo Sawuleka

¹⁵ Konkuwa koko mi nga xengetelweni ngu Ezekhiya, hambi ku mi kujetele ngu mamahelo eyo, kambe mi nga mthembeni nguko kha ku na txizimu txa ditiko ni da dimwedo, hambi txa mfumo ni wawumwewo txi nga txhatxhisako vathu va txona manzani kwangu, hambi manzani ka vatate vangu, Txizimu txanu txi nga sikotisa kutxani ku mi hulukisa manzani kwangu.

2 Makronika 32:15 Referans Kwoze

Dhaniyeli 3:15

Se konkuwa koko, mi txi lava kuhuluka, mbimo yi mi no pfa diguwa da mpundu, ni sitende ni tingoma ni makhombela ni titshodi, ni wa totshe tixaka ta sivetaveta, khizamani mi khozela txithombe txile ni nga txi maha, mi na va mi txi maha kwati; aniko ngako mi si txi khozeli, mi na rinzwa ka mbimo yoneyo, mndani ka txikho txa mndilo wu wu turako ngutu; se ngu txihi Txizimu txi nga sikotako ku mi txhatxhisa manzani kwangu kani?

Eksodha 5:2

Aniko Faro a to khene: “I maniMkoma, wa ku naza ni engisa dipswi dakwe, ni leka va ka Israyeli, ve tsula kani? Kha ni m'zivi Mkoma, kambe kha ni na mbi leka va ka Israyeli ve tsula.”

Isaya 36:18

A nga mi kanganyiseni Ezekhiya, a txi khene: Mkoma a na hi txhatxhisa. Ina mi khala ku nga wona sizimu sa matiko si txhatxhisa matiko a sona manzani ka mfumeli wa Asiriya kani?

Vagalatiya 1:10

Ina no lava kudhumiswa ngu m'thu kani, mwendo kudhumiswa ngu Txizimu, kani? Mwendo no lava kutsakisa vathu kani? Idiku ni ngadi ni txi dhunda kutsakisa vathu, nga ni si fanekelwi ngu kuthumela Kristu.

Mithumo 19:26

kambe ma ti wona ni ku tiengisa va txi womba ti taku Paulo wuwa wa kujetela vathu, votala, i si nga Efesu muwa dwe, aniko a lavile kueneta dotshe ditiko da Aziya, a txi va hambukisa ngu ku va gela ku khene sizimu si si mahwako ngu manza athu, hi nga sizimu sa txilo.

2 Makronika 32:11

Ina Ezekhiya kha mi kujeteli ku mi txi na fa ngu nzala ni ditora, a txi khene: Mkoma Txizimu txathu, a na hi hulukisa manzani ka mfumeli wa Asiriya kani?

2 Vafumeli 19:10

Mi na ya khanu ka Ezekhiya mfumeli wa ka Judha: “U nga ti xenge, Txizimu txako txile u txi thembako u txi khawe: Jerusalema kha na mbi ningelwa manzani ka mfumeli wa Asiriya.

2 Vafumeli 18:29

Mfumeli a khene: Mi nga dyelelweni ngu Ezekhiya; nguko kha na mbi mi leka mi huma manzani kwakwe.

1 Vafumeli 22:22

Se moya wule wu to kha wona ni na huma ni maneka ni di moya wa makuhu, ngu sisofu sa votshe vaprofeti vako. Se Mkoma a to khene: Awe u na ya mxenga kambe u na ya zumba; huma u txi ya maha tona eto.

2 Makronika 32:16

Sithumi sakwe si to ya masoni ngu kupoyilela Mkoma Txizimu ni Ezekhiya txithumi txakwe.

Dhaniyeli 8:11

Se li li to ti tikulisa kala ka mthangeli wa dibutho; li mu tekela mphaxo wo hiswa wa ditshiku ni ditshiku, li wisa hahatshi wukhalo wakwe wo sawuleka.

Eksodha 10:10

Sekoko Faro a wombile a txi khene: “Mkoma a nave ni nanu, nga ti ani ni txi mi leka mi txi tsula ni vanana vanu; wonani ti to mi na ni mipimiso yo biha!

Ezekhiyele 35:13

Anu mi ti mahile vahombe kwangu; ani ni ti pfite.