2 Makronika 30:8 - Bhiblia Yo Sawuleka

⁸ Mi nga bangiseni tithamo tanu kufana ni vatate vanu kambe ningelani dianza danu ka Mkoma se mi wulela amu ka wukhalo wo sawuleka awu ene a nga wu basisa ngu ha ku si gwitiko, mi thumela Mkoma Txizimu txanu, kasi ku kuhenya kwakwe kuhambuka kwanu.

2 Makronika 30:8 Referans Kwoze

2 Makronika 29:10

Konkuwa mbiluni kwangu ni alakanya ti to hi maha txitumelelano ni Mkoma, Txizimu txa Israyeli, kasi ku kuhenya ka Mkoma kuhambuka kwathu.

Eksodha 32:9

Mkoma a wombile kambe ka Mosi a txi khene: “Na wona ati to vathu vava i vathu va mapimo o banga.

Dhewuteronome 10:16

Yisani wukwerani timbilu tanu, mi si bangisi tithamo tanu.

Mtuletelo 7:15

Ngu toneto, va maneka masoni ka txikhalo txa wukoma txa Txizimu, va txi txi khozela wusiku ni mitshikari, Dithepeleni ka txona. Awule a nga khalahatsha ha txikhaloni ka wukoma a na va fenengeta ngu ditenda dakwe.

Varoma 10:21

Kambe ngako a txi womba ngu Israyeli, a khene: “Dotshe ditshiku ni nawulutile manza angu ka vathu va va si engisiko, va kanyisako.”

Varoma 6:22

Akuwa mi nga thuswa ka txionho mi maha tikhumbi ta Txizimu, mi bhindute mihando yi yi yisako kubasiswani, akuwa ku hokisako ka wutomi wo mbi guma.

Johani 12:26

Ngako m'thu a txi lava ku ni thumela, a na ni londise, se ahawa ani ni ku kona, nene wule a ni thumelako a na va a di konaho. Se ngako m'thu a txi ni thumela, Tate wangu a na mu dhumisa.”

Matewu 4:10

Se Jesu a to khene: “Khukha Sathani! Ti bhatwe tito: ‘U na khizamela Mkoma Txizimu txako, ngene ekha u no m'khozela.’ ”

Masalmo 78:49

Txi to rinza txitimwi kwawe mndilo wa kuhenya ka txona, txiviti, dikhulo, dikhombo, kota txikombiso txa sixaniso.

Masalmo 73:17

Mbimo yi ni nga wulela nyumbani ko sawuleka ka Txizimu, ngu kona ni nga tumbula magwito awe.

Masalmo 68:31

Ngu Egipta ku nata tinganakana; Vaetiyopiya va na guleta manza ve khongela ka Txizimu.

Masalmo 68:24

Txizimu, va ku woni kutsimbila kwako, kutsimbila ka Txizimu txangu ni mfumeli wangu, mbimo yi a wulelako txiluveloni kwakwe ko sawuleka.

Masalmo 63:2

Ni lava ku kuwona u di txiluveloni kwako ni wonetela mtamo wako ni wudhumo wako,

Ezra 10:19

Va to ningana manza, na va txi thembisa ku va na salisana ni vasikati vawe, se ngu ku tipfa mnandu, va to teka hamba ka mtxhambi ve maha mphaxo ngu mhaka ya sionho sawe.

2 Makronika 36:13

Hahanze keto, a to wukela mfumeli Nebhukodhonosori, wule a nga ti ti mxambanyisile ngu ditina da Mkoma; kambe a ti bangisile msungo ni mbilu yakwe, asi tshumeleli ka Mkoma, Txizimu txa Israyeli.

2 Makronika 28:13

Va txi kha vona: Mi nga wuletiseni tikhumbi tiya amuwa, nguko mi nga hi engetela sionho sathu ni minandu yathu ka Mkoma, mnandu wathu mbwa hombe ni kuhenya ka hombe ka Mkoma ku txitimwi ka vanana va ka Israyeli.

2 Makronika 28:11

Ngu mhaka eto, ni engiseni! Ni khani tshumetani tikhumbi vananu ava mi nga va ñola, va lekeni ve titsulela, nguko kuhenya ka Mkoma ku na wela txitimwi kwanu.

1 Makronika 29:24

Se votshe vathangeli ni vahombe, kala ka votshe vanana va mfumeli Dhavhidha va to ti veka hahatshi ka mfumeli Solomoni.

2 Vafumeli 23:26

Hambiketo, kutura ka txiviti txa hombe txa Mkoma, kutoya masoni txiviti txakwe txi turile txi wukela Judha, ngu sotshe simaho sile Manasi a nga m'vhuka ngu sona.

Joxuwa 24:15

Aniko, ngako ti si tsakisi masoni kwanu kuthumela Mkoma, sawulani nyamsi awule mi no mthumela: Mwendo sizimu sile vatate vanu va nga si thumela mtxhatuko ka mnambo, mwendo sizimu sa Vaamori, evo mi zumbako ditikoni kwawe; aniko ani ni nyumba yangu, hi na khozela Mkoma!”

Dhewuteronome 6:17

Mi na vekisa ta tinene sirumo sa Mkoma, Txizimu txanu, kumweko ni wufakazi ni mithetho, ayi ene a nga mi leleta.

Dhewuteronome 6:13

U na thava Mkoma, Txizimu txako, u txi mkhozela, ni kuxambanya ngu ditina dakwe.

Ezra 10:14

Sekoko ku na vekwe vathangeli vathu ditinani ka wotshe msengeletano, mndani ka mhaka yiya; ni votshe vale va ku madhoropani kwathu, va nga tekana ni vasikati va mamwani matiko, va nate ngu timbimo ta kona, kumweko ni madhota a didhoropa dimwedo ni dimwedo, ni valamuli vawe, hiza hi jikisa kule ni nathu kutura ka txiviti txa Txizimu txathu, ngu mhaka yiya.

Jeremiya 50:15

Mu wukeleni ngu diguwa, mi txi mu horolokela; ene se a ti ningete; sitsaniso sakwe si wite, maguma akwe ma khundumusetwe; nguko yimbi yiya nja Mkoma; mlwiseni, nga ti a nga maha, mahisani toneto kwakwe.

2 Makronika 6:5

Kukhukhela ditshiku dile ni nga thavisa vathu vangu ditikoni da Egipta, kha na sawula didhoropa ni da dimwedo ka totshe tihunzu ta ka Israyeli kasi kuaka nyumba, kasi ni veka kona ditina dangu. Futhi kha na sawula m'thu awu no thangela vathu vangu va Israyeli.

2 Makronika 6:6

Konkuwa ni sawute m'ti Jerusalema kasi ku ditina dangu di txi zumba kona; ni Dhavhidha kasi e fumela vathu vangu va Israyeli.

2 Makronika 7:16

Nguko konkuwa ni sawute nyumba yiya, ni yi sawulekisa, kasiku wu veka kona ditina dangu yotshe mbimo; se maso angu ni mbilu yangu si na zumba kona mule masiku otshe.