2 Makronika 30:6 - Bhiblia Yo Sawuleka

⁶ Ku to rumelwa mitumi ka dotshe ditiko da Israyeli ni da Judha, yi di ni mapapilo awa ma nga bhalwa ngu dianza da mfumeli ni vathangeli vakwe madingano ni kuruma ka Mkoma a txi khene: Vanana va Israyeli, hundulukelani ka Mkoma, Txizimu txa Abrahama, ni Isaake, ni Israyeli, kasi ku ni txona txi tshumelela kwanu mi nga huluka manzani ka vafumeli va Asiriya.

2 Makronika 30:6 Referans Kwoze

Jeremiya 51:31

Mtumi wu na tutumelana ni wumwani, ni muwombi wa dipswi a na manana ni mmwani, kasi kuya zivisa ka mfumeli wa Bhabhilona ti to didhoropa dakwe di tekilwe dotshe.

Jeremiya 4:1

“Ngako u txi wuya, awe Israyeli, wuyela kwangu, kuwomba Mkoma; ngako u txi thavisa manyala ako masoni kwangu, sekoko khu na mbiswa u peperukela kambe.

Esteri 8:14

Sirumwa si to gadha mahantxhi a txibalani ka mfumeli, si huma ngu kututuma, si di rumilwe ngu mfumeli; se txileleto txiya txi to huwelelwa mkhokholani ka Susani.

2 Vafumeli 15:29

Ka masiku a Peka, mfumeli wa ka Israyeli, a tile Tigilati-Pileseri, mfumeli wa Asiriya, e ta honyola madhoropa ya Ijomi, ni Abheli-Bheti-Mahaka, ni Janowa, ni Kedhesi, ni Hazori, ni Gileyadhi, ni Galileya, ni dotshe ditiko da Naftali, a va yisa Asiriya.

2 Vafumeli 15:19

Sekoko ku to humelela Puli, mfumeli wa Asiriya e lwisa ditiko; se Menayemi a to ningela ka Puli 1.000 wa titalenta ta silivhela, kasi ku dianza dakwe di txi mtsanisa, ni kutsanisa mfumo manzani kwakwe.

Jobe 9:25

Masiku angu ma tutuma ngutu kupinda nyalivilo; ma tutumile, kha ma zivi ka nga wona wunene.

2 Makronika 28:20

Se Tigilati-Pileseri, mfumeli wa Asiriya, a tota kwakwe e ta mu xanisa e mmaha mlala wakwe, asi mfeleli.

1 Makronika 5:26

Ngu kumaha keto, Txizimu txa Israyeli, txi to dhana moya wa Puli, mfumeli wa Asiriya, ni moya wa Tigilati-Pileseri, mfumeli wa Asiriya, ti to ve yisa wukhumbini va ka Rubheni, ni va ka Gadhi, ni hafu ya lihunzu la ka Manasi; se va to va yisa ka Hala, ni ka Habhori, ni ka Hara, ni ka mnambo wa Gazani, kala ka ditshiku da nyamsi.

Jakobe 4:8

Tshuketani hafuhi ka Txizimu, kasi ni txona txi na tshuketela hafuhi kwanu. Basisani manza anu, vaonhi, mi txi basisa timbilu tanu, anu vathu va timbilu timbidi.

Hoseya 14:1

Awe Israyeli, hundulukela ka Mkoma, Txizimu txako; nguko u wite ngu sionho sako.

Ezekhiyele 33:11

Va gele, ani na hanya, kuwomba Mkoma Txizimu, kha ni tsakiswi ngu kufa ka m'bihi, aniko ngu ku m'bihi e hunduka ka nzila yakwe, e hanya; hundulukani, hundulukani ka tinzila tanu ta walo; nguko koko mi na fela txani, anu va nyumba ya ka Israyeli kani?

Sidilo 5:21

Awe Mkoma, hi wuyisele kwako, kasi ku hi txi tshumelela kwako ngu ditshuri, hi tshumetele ka txiemo txile hi nga ti ka txona kale.

Isaya 6:13

Kambe ngako ku txi sala mmweyo hagari ka va digumi, nene a na pinda hagari ka mndilo, kufana ni mndonga wa mkusu ni wa mtshula, hambi yi di witwe, txitsha txa thunga, txi humisa mazokoro. Se mbewu yo sawuleka, i nava kutsana kwakwe.

Isaya 1:9

I ti ku Mkoma wa Mabutho a Tiyimbi a sa hi siyela miboti, hi ndi na nga Sodhoma, di fana ni Gomora.

Esteri 3:13

Se mapapilo me rumelwa ngu dianza da sirumwa ka otshe matiko a mfumeli, kasi kuxasela ni kudayela votshe Vajudha, kukhukhela ka mfana kala ka txikosana, vanana ni vavasikati ngu ditshiku dimwedo, da digumi ni mararu ka mtxima wa wugumi ni yimbidi (i ku mtxima wa Adhari), ve handa ni tithomba ta kona.

Jeremiya 29:1

Se atiya ngu tona timhaka ta dipapilo da mprofeti Jeremiya ngu Jerusalema, ka madhota ale ma nga sala wukhumbini, ni ka vaphaxeli, ni ka vaprofeti, ni ka votshe vathu, va va nga ti ñotwe ngu Nebhukodhonosori kona Jerusalema, va txi yiswa Bhabhilona,

1 Vafumeli 18:36

Ku to maheka koko a ti to ku txi ningelwa mningelo wa sakudya, mprofeti Elija a to tshuketa, a txi ta khene: Mkoma, Tixizimu txa Abrahama, txa Isaake ni Israyeli, ti kombekisi nyamsi ti to awe u Txizimu amuwa Israyeli, ni ti taku ani ni txithumi txako, niku ni mahile totshe ti u nga leleta ngu dipswi dako.

1 Makronika 29:18

Mkoma Txizimu txa vatate vathu, Abrahamu, ni Isaake, ni Israyeli, vekisa eto mbimo yotshe, kunavela ka mipimiso ya timbilu ta vathu vako; u rendekelisa timbilu tawe kwako.

Jeremiya 3:14

Wuyani, anu vanana vo tiwuka, kuwomba Mkoma, nguko ni nyamne wanu. Ni na teka mmweyo ka m'ti ni m'ti, ni vambidi ka lihunzu ni lihunzu, mi siya Siyoni.

Sidilo 3:40

A hi ti soleleni hi wonisisa tinzila tathu, se hi txi tshumelela ka Mkoma Txizimu.

Hoseya 6:1

Ngonani, hi tshumelela ka Mkoma, nguko ene a hi phatulete, se a na hi kalamukisa; a hi lematile, aniko a na sungelela silonda sathu.

Zakariya 1:3

Ngu toneto, va gele ku khawe: Mkoma wa Mabutho a Tiyimbi a khene: Tshumelelani kwangu, kuwomba Mkoma wa Mabutho a Tiyimbi, se nani ni na tshumelela kwanu, kuwomba Mkoma wa Mabutho a Tiyimbi.

Zakariya 1:4

Mi nga mahiseni kufana ni vatate vanu, avale vaprofeti vo khata va nga womba-womba kwawe, va txi kha vona: Mkoma wa Mabutho a Tiyimbi a khene: Hundulukani konkuwa ka tinzila tanu to biha, ni ka mithumo yanu yo biha. Aniko kha va ni engisa, hambi ku ni pfisisa, kuwomba Mkoma.