2 Makronika 30:5 - Bhiblia Yo Sawuleka

⁵ Se va to leleta votshe va ka Israyeli, kukhukhela Bherisebha kala Dhani kasi kuva txi ta Jerusalema ku ta maha Pasika ya Mkoma Txizimu txa Israyeli. Nguko kupindile malembe o tala na va si khali kumaha Pasika madingano ni ti ti nga bhalwa.

2 Makronika 30:5 Referans Kwoze

Valamuli 20:1

Sekoko votshe vanana va ka Israyeli va to huma, se msengeletano wu patana nga m'thu mmweyo, kukhukhela Dhani kala Bherisebha, kumweko ni ditiko da Gileyadhi, kona Misipa, masoni ka Mkoma.

1 Vakorinto 11:2

Na mi bonga, vanathu, nguko ka sotshe ma ni alakanya, mi veketa sileleto kota nga ti ni nga mi gondisisa tona.

Dhaniyeli 6:8

Konkuwa koko, awe mfumeli, tsanisa txileleto, u sayina mibhalo, kasiku txi si txitxwi, madingano ni mlayo wa Vamedhi ni wa Vapersa, wu si dinganiko kutxitxwa.

2 Makronika 36:22

Sekoko, ka dilembe do khata da kufuma ka Siro, mfumeli wa Persiya (kuva di txi na tatiseka dipswi da Mkoma ngu txisofu txa Jeremiya), Mkoma a to wusa moya wa Siro, mfumeli wa Persiya, awu a nga kwangula ka dotshe ditiko dakwe, kumweko ni kubhala, a txi khene:

2 Makronika 35:18

Kukhukhela ka masiku a mprofeti Samuwele, kha ku khali kumaheka Pasika yo fana ni yile ditikoni da Israyeli, hambi ka vafumeli va ka Israyeli, kha va khali kumaha Pasika yo fana ni yi yi nga mahwa ngu Josiya, ni vaphaxeli, ni va ka Levhi, ni votshe va ka Judha, ni va ka Israyeli, avale va nga maneka va diho, kumweko ni vahanyi va Jerusalema.

2 Makronika 24:9

Se va to gela va ka Judha ni va Jerusalema, ti to ve yisa mningelo ka Mkoma, awule Mosi txithumi txa Txizimu a nga leleta va ka Israyeli va di txiwulani.

Dhewuteronome 12:32

U na xayisa totshe ti ni no kuruma; u nga engetele txilo, hambi kuhungula.

Levhi 23:4

Ayiya ngu yona mibuso ya Mkoma, i ku mibuso yo sawuleka, mi no yi ramba ngu mbimo ya kona yi nga emiselwa:

Levhi 23:2

Gela vanana va ka Israyeli u txi khawe: Mibuso yo dhumisa Mkoma, ayi mi fanelako ku yi ramba, yi na va i di mibuso yo sawuleka; mibuso yangu ngu yiya:

Genesisi 21:14

Sekoko Abrahamu a to wuka ni mixo, e teka sakudya ni txibhembe txa mati e rweka Hagari, se a to m'belekisa mwanana, ngu msana a to mu humisa. Hagari a to huma e pepeseka mu txiwulani ka Bherisebha.

2 Makronika 30:4

Se ti wonekile i di ta tinene masoni ka mfumeli ni ka wotshe msengeletano.