2 Makronika 30:21 - Bhiblia Yo Sawuleka

²¹ Vanana va ka Israyeli, ava va nga ti Jerusalema, va to maha M'buso wa mapawu a kwa mbi tshumbelwa, mtxhanu wa masiku ni mambidi, ngu litsako la hombe. Ditshiku ni ditshiku, Valevhi ni vaphaxeli va ti kwangula va txi dhumisa Mkoma.

2 Makronika 30:21 Referans Kwoze

Eksodha 13:6

Mi na dya mapawu o mbi tshumbelwa mndani ka mtengo wa mtxhanu wa masiku ni mambidi, se ka ditshiku da wutxhanu ni mambidi ku na vaho m'buso wo dhumisa Mkoma.

Eksodha 12:15

Mndani ka mtxhanu wa masiku ni mambidi mi na dya mapawu o mbi tshumbelwa, kukhukhela ka ditshiku do khata kala ka ditshiku da mtxhani ni mambidi, mi na thavisa mtshumbelo tinyumbani kwanu, nguko awule a no dya dipawu do tshumbelwa a na wilwa hagari ka va ka Israyeli.

Vafilipiya 4:4

Tsakani ka Mkoma yotshe mbimo! Na engeta ni mi gela: Tsakani!

Mithumo 2:46

Ditshiku ni ditshiku va txi khutala kuya tshangana ngu mbilu yimweyo Dithepeleni, va txi bhandelana dipawu mitini kwawe, va txi dya sakudya ngu kutsaka ni kubasa ka mbilu.

Luka 22:7

Se di di hokile ditshiku da mapawu o mbi tshumbelwa, i ku da kumaha ngu dona mhamba ya Txinvutana,

Luka 22:1

Ngako wu nga ti hafuhi M'buso wa mapawu o mbi tshumbelwa, wu dhanwako ku i Pasika,

Nehemiya 8:10

A to va gela kambe ku khene: Tsulani mi ya tidyela tinyama to nona, mi sela ni so lombela, mi rumela sakudya ka vale va nga mba ti longisela txilo; nguko ditshiku diya di sawulekile ka Mkoma wathu; ngu toneto mi nga ti xanise, nguko kutsaka ka Mkoma mtamo wanu.

2 Makronika 30:26

Ku manekile kutsaka ka hombe Jerusalema, nguko kukhukhela ka masiku a Solomoni, mwana Dhavhidha, mfumeli wa Israyeli, kha yi khali kuhumelela mhaka yo fana ni yi kona Jerusalema.

2 Makronika 20:21

Josafati a to pfana ni vathu vakwe, e veka mtxawa wa vaembeleli masoni ka dibutho dakwe da yimbi, ava va nga ti ti embelela ni kudhumisa Mkoma va txi kha vona: Dhumisani Mkoma nguko lirando lakwe li zumba ngu ha ku si gwitiko.

2 Makronika 7:10

Ngu ditshiku da magumi mambidi ni masiku mararu, ka mtxima wa wutxhanu ni wumbidi, mfumeli Solomoni a to hangalasa vathu, se va to tsula matendani kwawe, va di tsakile ngutu ta tinene, ngu mahaka ya totshe ta tinene tile Mkoma a nga mahela txithumi txakwe Dhavhidha, ni Solomoni, ni vathu vakwe va Israyeli.

Dhewuteronome 16:14

kambe u na ti tsakela ka m'buso wako, awe, ni mwanana wako wa mfana ni wa dihorana, ni khumbi yako ya wamwamna ni ya wamsikati, ni Mulevhi, ni mluveli, ni wo felwa ngu vaveleki, ni noni, votshe vale va hanyako m'tini kwako.

Dhewuteronome 12:12

Se mi na tsaka masoni ka Mkoma, Txizimu txanu, anu ni vanana vanu va majaha ni vamahorana, ni sithumi sanu sa vavamna ni sa vavasikati, ni Valevhi vale va zumbako madhoropani kwanu nguko vona kha va nga ni txyavelo, hambi thomba, kumweko ni nanu.

Dhewuteronome 12:7

Se mi na ya dya masoni ka Mkoma, Txizimu txanu, mi na ya tsaka ngu wotshe mthumo wa manza anu, anu ni yotshe mimwaya yanu, mi tsakela asi Mkoma, Txizimu txanu, a no va a di mi katekisile ngu sona.

Levhi 23:6

se ka ditshiku da digumi ni mtxhanu ka wonewo mtxima, m'buso wa mapawu o mbi tshumbelwa, wu mahelwako Mkoma;

2 Makronika 30:11

Hambi keto, vamwani va ka Aseri, ni va ka Manasi, ni va ka Zebhuloni, va to ti veka hahatshi, ve tumela kuya Jerusalema.

2 Makronika 35:17

Ka yoneyo mbimo vanana va ka Israyeli avale va nga maneka va diho, va to maha Pasika ni m'buso wa mapuwu o mbi tshumbelwa, mndani ka mtxhanu wa masiku ni mambidi.

Nehemiya 8:17

Se wotshe msengeletano wa vale va nga wuya ngu wukhumbini va to maha midhuti va zumba ka yona; nguko vanana va ka Israyeli va si khali kumaha, kukhukhela ka masiku a Joxuwa, mwana Nune, kala ka ditshiku dile, se ku to maneka kutsaka ka hombe.

2 Makronika 29:30

Se mfumeli Ezekhiya ni vathangeli, va to gela Valevhi ti to va fanela kudhumisa Mkoma, ngu mapswi a Dhavhidha, ni a Asafe, m'huti. Se Valevhi va to m'dhumisa ngu kutsaka, ve khizama, ve mkhozela.

Luka 2:43

Ngako ma di gumile masiku a m'buso, va to tshumela ve wuya mwani, se Mwanana Jesu a to sala Jerusalema, na va si ti zivi vaveleki vakwe.