2 Makronika 30:1 - Bhiblia Yo Sawuleka

¹ Ezekhiya a to rumela mitumi ka dotshe ditiko da Israyeli ni da Judha atxi bhalela mapapilo va ka Efrayime ni va ka Manasi e va ramba kuta Nyumbani ka Mkoma, kona Jerusalema, ve ta maha Pasika ya Mkoma, Txizimu txa Israyeli.

2 Makronika 30:1 Referans Kwoze

Hoseya 11:8

Ni ndi na kulekisa kutxani, awe Efrayime kani? Ni ndi na kuningelisa kutxani, awe Israyeli kani? Ni ndi na kumahisa kutxani ku nga Adhama kani? Ina ni ndi na kuveka ku nga Zebhoyimi kani? Mbilu yangu yi txitxile mndani kwangu, kotshe kunavela kwangu ka tura.

Hoseya 5:4

Kha va lavi kululameta mithumo yawe, kasiku ve tshumelela ka Txizimu txawe; nguko moya wa wugelegele wu hagari kwakwe, kambe kha va zivi Mkoma.

2 Makronika 35:6

Mahani Pasika mi ti basisa mi yi longisela vananu, mi maha madingano ni dipswi da Mkoma a di a nga mi ninga ngu Mosi.

2 Makronika 25:7

Se m'thu wa Txizimu a tota kwakwe a txi khene: Awe mfumeli u nga tsule ni dibutho da yimbi da va ka Israyeli, nguko Mkoma kha nga kumweko ni va ka Israyeli, hambi ni vanana va Efrayime.

2 Makronika 11:16

Msana kwawe, totshe tihunzu ta va ka Israyeli, avale va nga lava Mkoma Txizimu txa Israyeli, ngu timbilu tawe, va toya Jerusalema kuya ningela mhamba ka Mkoma Txizimu txa vatate vawe.

2 Makronika 11:13

Vaphaxeli ni Valevhi va va nga ti ka dotshe ditiko da Israyeli, va to leka ditiko dawe ve ta ti pata nayo.

Joxuwa 14:4

Nguko vanana va Josefa va ti ti wumba tihunzu timbidi: Lihunzu la Manasi ni lihunzu la Efrayime; Valevhi kha va ningwa txilo amu ditikoni, hahanze ka madhoropa kasiku ve aka kona, ni tibala to dyisela kona mitxhambi yawe ya sifuyo sa hombe ni sa sidotho.

2 Makronika 29:36

Se Ezekhiya kumweko ni vathu votshe va to tsaka ngu ti Txizimu txa nga va mahela tona, ngu ku va sikotile kumaha wotshe mthumo ngu kukuluveta.

2 Makronika 30:2

Nguko mfumeli a ti ti mani silayelo sa vathangeli vakwe ni sa wotshe msengeletano kona Jerusalema saku va txi maha Pasika ngu mtxima wa wumbidi.

Jeremiya 29:1

Se atiya ngu tona timhaka ta dipapilo da mprofeti Jeremiya ngu Jerusalema, ka madhota ale ma nga sala wukhumbini, ni ka vaphaxeli, ni ka vaprofeti, ni ka votshe vathu, va va nga ti ñotwe ngu Nebhukodhonosori kona Jerusalema, va txi yiswa Bhabhilona,

2 Vafumeli 23:22

Nguko kha yi zivi ka nga mahwa Pasika yo fana ni yiya, kukhukhela ka masiku a valamuli vale va nga lamula ka Israyeli, hambi ka masiku otshe a vafumeli va ka Israyeli, ngutu-ngutu ka vafumeli va ka Judha.

2 Makronika 29:24

Se vaphaxeli va to daya tiphongo ve teka mnoha wa tona va txi miyatela txitimwi ka txiluvelo ve maha mhamba yo thavisa sionho sa votshe va ka Israyeli, nguko mfumeli a to leleta to kumahwa mningelo wa hiswa ni kumaha mhamba yo thavisa sionho sa votshe va ka Israyeli.