2 Makronika 28:9 - Bhiblia Yo Sawuleka

⁹ Ku di ni wammweyo wa mprofeti wa Mkoma, ditina dakwe i ti ti Obhedhi, se mbimo yi dibutho di nga ti wuya ngu Samariya, a to huma e va hingeta a txi khene: Mkoma Txizimu txa vatate vanu, a henyete va ka Judha, a va ningela manzani kwanu, mi va daya ngu tshiku yile yi nga hoka ni nzumani.

2 Makronika 28:9 Referans Kwoze

Mtuletelo 18:5

nguko sionho sakwe si tshutshutile kala nzumani se wubihi wakwe wu alakanyilwe ngu Txizimu.

Isaya 47:6

Ni va henyete ngutu vathu vangu, ni nyenyezisile thomba yangu, se ni va ningete manzani kwako; khwa va pfela wusiwana, hambi txitimwi ka sikosana, u nemetile ngutu dikange dako.

Ezra 9:6

Se ni ti khani: Awe Txizimu txangu! Ni kanganyisekile, ni ni tingana, kuva ni guleta khohe yangu kwako awe Txizimu txangu: Nguko wubihi wathu, wu andile ngutu amu ka misungo yathu, ni txionho txathu txi gulekile kala nzumani.

Zakariya 1:15

Se ngu kuhenya ka hombe, na henyela matiko ale ma ku kuhumulani; nguko, mbimo yi ni nga ti ti swirwekile ka kudotho, ona ma to engetela wubihi.

Masalmo 69:26

nguko vona va xanisa avale u nga va peka, va xowokisela avale u nga va tsayisa.

2 Makronika 28:5

Mkoma Txizimu txakwe txi to mningela manzani ka vafumeli va Siriya. Vasiriya va to mxasela ve teka ni vathu vakwe ve va yisa Dhamasku. Akazi a to ningelwa manzani ka mfumeli wa va ka Israyeli, se Vaisrayeli va to mxula.

1 Vafumeli 20:42

Se ene a to khene ka mfumeli: Mkoma a khene: Ngako u nga mleka wamwamna wule ni nga leleta ku e dawa, wutomi wako wu na lova wukhaloni ka wutomi wakwe, ni vathu vako ka wukhalo wa vathu vakwe.

1 Vafumeli 20:22

Sekoko mprofeti a to tshuketa hafuhi ka mfumeli wa Israyeli a txi ta khene: Tsula u ya ti lulamisela, ni kupimisa ati u no maha; nguko mndani ka dilembe, mfumeli wa Siriya a na kuwukela.

1 Vafumeli 20:13

Se ku to ta woneka mprofeti ka Akabe, mfumeli wa Israyeli, a txi ta khene: Mkoma a khene: U di woni dotshe dibutho diya da hombe kani? Nyamsi ni na di ningela manzani kwako, kasi u txi na tiziva ti to ani ngani Mkoma.

Valamuli 3:8

Sekoko kuhenya ka Mkoma ku to wukela Israyeli, aniko ene a to va xavisa ngu dianza da Kuzani-Rezatayimi, mfumeli wa Mesopotamiya; se vanana va ka Israyeli va to thumela Kuzani-Rezatayimi, mndani ka mtxhanu wa malembe ni mararu.

Genesisi 11:4

Va to kha vona: “A hi ti akeleni didhoropa ni txitezi, atxiya txiroro txa kona txi no hoka nzumani, se ditina dathu di na va ni nduma, kasi ku hi si hangalaswi ka otshe mafu.”

Genesisi 4:10

Se Txizimu txi to kha txona: “Njitxani u nga maha kani? Dipswi da mnoha wa mwananu, da pfala ha mafuni, kala tinzeveni kwangu.

1 Makronika 21:13

Sekoko Dhavhidha a to khene ka Gadhi: Ni ha kuxanisekani ka hombe; ani koko, ni na wele manzani ka Mkoma, nguko wumbilu wakwe mbwa wungi ngutu, se ni nga wele ka manza a vathu.

Jona 1:2

Khukha, tsula ka Didhoropa da Hombe da Ninivha, u txi ya di kawuka, nguko wubihi wa dona wukwete, uza wuhoka kwangu.