2 Makronika 28:8 - Bhiblia Yo Sawuleka

⁸ Se vanana va ka Israyeli va to ñola 200.000 wa va ka Judha, vavasikati, majaha ni mahorana, va to teka simaha sasingi ve si wuyisa Samariya.

2 Makronika 28:8 Referans Kwoze

2 Makronika 11:4

Mkoma a womba tiya: Mi nga kweleleni hambi ku yalwa ni vananu; mmwani ni mmwani a na tshumelele nyumbani kwakwe, nguko ngani ni nga maha eto. Se va to engisa dipswi da Mkoma ve tshumela, ve leka kuya wukela Jerobhowamu.

Dhewuteronome 28:41

U na veleka vanana va mazambi ni vamahorana, avale va no mbi kulumba, nguko va na tsula wukhumbini.

Dhewuteronome 28:25

Mkoma a na maha ti to u txi xulwa ngu valala vako, u na huma u txi yalwa ni valala vako ngu nzila yimweyo, kambe u na ya tutuma u txi thava ngu mtxhanu wa tinzila ni timbidi, masoni kwawe! U na va txixamaliso ka mifumo yotshe ya ha mafuni

Mithumo 13:26

“Vanathu, vanana va liveleko la Abrahamu! Ni nanu vamwani mi thavako Txizimu! Dipswi diya da kuhanyisa di rumetwe kwathu.

Mithumo 7:26

Se ngu ditshiku di di londetako, a to mana vamwani vavambidi va txi lwa, se e va khongotela ngu ku va kamba, a txi khene: ‘Vavamna, mi va lixaka limwelo! Mi lwela txani kani?’

2 Vafumeli 6:22

Se ene a to khene: Ahimhim! U nga va dayele! U ndi na dayela masotxhwa ale u ma mahako sibotxhwa, ngu ditxhari dako ni wulaho wako kani? Va ninge dipawu ni mati, va na dya ve sela, va na tsula ka nyamne wawe.

2 Makronika 28:7

Se Zikiri, ndena ya ka Efrayime, a to daya Mahaseya, mwana mfumeli, ni Azirikami, mxayisi wa thomba, ni Elikana, m'vhuni wa mfumeli.

2 Makronika 28:11

Ngu mhaka eto, ni engiseni! Ni khani tshumetani tikhumbi vananu ava mi nga va ñola, va lekeni ve titsulela, nguko kuhenya ka Mkoma ku na wela txitimwi kwanu.

Isaya 9:21

Manasi a na wukela Efrayime, se Efrayime a na wukela Manasi, se ngu wumbidi wawe va na wukela Judha. Se ngu totshe tiya, txiviti txakwe kha txi gumi, ni dianza dakwe a nga ti di guletile.