2 Makronika 28:6 - Bhiblia Yo Sawuleka

⁶ Peka mwana Remaliya, a to daya 120.000 wa vavamna va ka Judha ngu ditshiku dimwedo, hambi ku votshe i nga ti tindena, ngu ku va lekile Mkoma Txizimu txa vatate vawe.

2 Makronika 28:6 Referans Kwoze

2 Vafumeli 15:27

Ka dilembe da mtxhanu wa magumi ni malembe mambidi a kufuma ka Azariya, mfumeli wa ka Judha, Peka, mwana Remaliya, a to khata kufuma txitimwi ka Israyeli, na a di Samariya, magumi mambidi a malembe.

Isaya 9:21

Manasi a na wukela Efrayime, se Efrayime a na wukela Manasi, se ngu wumbidi wawe va na wukela Judha. Se ngu totshe tiya, txiviti txakwe kha txi gumi, ni dianza dakwe a nga ti di guletile.

Jeremiya 15:6

U ni lekile, kuwomba Mkoma, u tshumelete msana. Ngu konaho, ni nawulutile dianza dangu, ni kulovisa. Ni karate ngu ku kudivalela.

Jeremiya 2:19

Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.

Isaya 7:9

Hambi keto, m'zinda ka Efrayime, ngu Samariya, ni msungo wa Samariya, i mwana Remaliya; ngako mi si kholwi, lambi kha mi na mbi tsana.

Isaya 1:28

Aniko sindaka-milayo ni votshe vaonhi; va na khundumuselwa; ni vale va nga leka Mkoma va na tshokomiswa.

2 Makronika 15:2

Se a to huma eya ka Asa a txiya khene: Awe Asa ni nanu motshenu va ka Judha, ni va ka Bhenjamini ni engiseni, Mkoma ani nanu, ngako anu mi di ni nene; ngako mi txi mlava mi na mmana, mi txi m'leka nene a na mi leka.

2 Makronika 13:17

Ngu mamahelo awa Abhiya ni vathu vakwe va to onhetela ngutu hagari ka va ka Israyeli, nguko va date 500.000 wa vavamna ava va nga ti ti va sawute.

2 Vafumeli 16:5

Sekoko Rezini, mfumeli wa Siriya, kumweko ni Peka, mwana Remaliya, mfumeli wa ka Israyeli, va to khukha ve tsula kulwani, kona Jerusalema; va to randela Akazi, aniko kha va mkota ku mxula.

2 Vafumeli 15:37

Ngu ka ona ale masiku Mkoma a to khata kurumela Rezimi mfumeli wa Siriya, ni Peka mwana Ramaliya, kuya wukela Judha.

Joxuwa 24:20

Ngako mi txi hambana ni Mkoma, mi txi khozela simwani sizimu, ene a na mi wukela, a txi mi tsayisa, a txi mi fuvisa, hambiko a nga khata ngu ku mi mahela wunene.”

Joxuwa 23:16

Ngako mi txi daya txitumelelano txi Mkoma, Txizimu txanu, a nga txi maha ni nanu, mi txi khozela simwani sizimu ni ku si khizamela, konako txiviti txa Mkoma txi na vhutuka txi mi wukela, kambe ngu kukuluveta mi na fuva ka ditiko diya da dinene, adiya ene a nga mi ninga.”

Dhewuteronome 32:20

se a txi womba a txi khene: Ni na va sisela khohe yangu, ni na nga wona ti va no gwitisa tona, nguko vona liveleko lo biha, mbanana vo mbi thembeka.

Dhewuteronome 28:25

Mkoma a na maha ti to u txi xulwa ngu valala vako, u na huma u txi yalwa ni valala vako ngu nzila yimweyo, kambe u na ya tutuma u txi thava ngu mtxhanu wa tinzila ni timbidi, masoni kwawe! U na va txixamaliso ka mifumo yotshe ya ha mafuni

Dhewuteronome 28:15

Kambe ku na maheka taku, ngako u si engisi dipswi da Mkoma, Txizimu txako, u si khatali ngu kuvekisa sotshe sirumo sakwe ni sotshe sileleto sakwe, asi nyamsi ni kugelako, ni txi kuninga, makhombo otshe ma na wa txitimwi kwako, ma txi kupfinya.

2 Makronika 28:7

Se Zikiri, ndena ya ka Efrayime, a to daya Mahaseya, mwana mfumeli, ni Azirikami, mxayisi wa thomba, ni Elikana, m'vhuni wa mfumeli.

Isaya 7:1

Ku to maheka koko ka masiku a kufuma ka Akazi, mwana Jothamu, mwana Uziya, mfumeli wa Judha, ti to Rezini, mfumeli wa Siriya, ni Peka, mwana Remaliya, mfumeli wa Israyeli, ve kwelela Jerusalema, kasi ku yalwa ni ditiko dile, aniko va tandekile ku di xula.

Ezekhiyele 16:57

na ku si se tumbulwa wubihi wako kani? Konkuwa, u tshumete u fana nayo, a nga txhipiswa ngu vanana vamahorana va Siriya, ni votshe vale va nga ti ti madhawani kwakwe, i ku vanana va Vafilista, va nga ti ti ku randete.

2 Makronika 21:10

Ngu maha yeto, va ka Edhomi va to wukela mfumo wa ka Judha kala ka ditshiku da nyamsi; ka yoneyo mbimo Libhina nene a to vhutuka, nguko Jehoramu a ti ti lekile Mkoma Txizimu txa vatate vakwe.

Jobe 34:27

nguko va tsute kule natxo, kambe kha va londeta ni nzila yimweyo ya Txizimu,

Masalmo 37:38

Aniko vaonhi votshe va na fuviswa; liveleko la vabihi li na loviswa.

Isaya 3:25

Vavamna vako va na dawa ngu ditxhari, ni tindena tako ti na guma yimbini.