2 Makronika 28:4 - Bhiblia Yo Sawuleka

⁴ Kambe a mahile miphaxo ni kuhisa dibaselo ka makhalo o guleka ni simangwanani, ni hahatshi ka yotshe mindonga ya ku nakana.

2 Makronika 28:4 Referans Kwoze

2 Vafumeli 16:4

Kambe a mahile miphaxo ni kuhisa dibaselo siluveloni ni simangwanani, ni hahatshi ka mitsudi ya yotshe mindonga.

Levhi 26:30

Ni na haxulela makhalo anu o guleka, ni txi fayetela sithombe sanu sa ditambo, se ni na tshotsha sirumbi sanu txitimwi ka sirumbi sa sithombe sa sizimu sanu; moya wangu wu na karala ngu nganu.

Genesisi 31:54

Jakobe a to phaxa mhamba txitimwi ka mmango, e dhana va ka kwawe ve ta dya sakudya. Vona va dyite, va txi otela kona mmangoniyo.

2 Makronika 28:25

Ni ka madhoropa otshe a ditiko da ka Judha a to aka makhalo o guleka kasi kuhisela ka ona dibaselo da simwani sizimu; ngu kumaha keto, a to wusa kuhenya ka Mkoma, Txizimu txa vatate vakwe.

1 Vafumeli 14:2

Se Jerobhowamu a to khene ka msikati wakwe: Khukha konkuwa, u txi ti phungeletela, kasi va si ti zivi to u msikati wa Jerobhowamu, tsula Silo. Nguko waho kheyo mprofeti Ayasi awu a nga womba-womba ngu ngani, a txi khene ani ni nave mfumeli wa vathu vava.

1 Vafumeli 14:23

Nguko ni vona va akile makhalo o guleka, ni sithombe, ni kuvata sifananiso, txitimwi ka sotshe simangwana hahatshi ka mindonga yo hanya.

2 Makronika 15:17

Makhalo o guleka kha ma thaviswa ditikoni da Israyeli, Asa a to va wo lulama ka masiku akwe otshe.

2 Makronika 28:19

Nguko Mkoma a vekile hahatshi va Judha ngu mhaka ya Akazi, mfumeli wa Israyeli, nguko Akazi a jikisile va ka Judha ve leka kulondetela nzila ya Mkoma.

Mika 1:5

Totshe eto ngu mhaka ya ku ti lambisa ka Jakobe, ni sionho sa nyumba ya ka Israyeli; ngu kuhi ku ti lambisa ka Jakobe kani? Ina hi nga ka Samariya kani? Ngu ahi makhalo o guleka a Judha kani? Hi nga Jerusalema kani?