2 Makronika 28:3 - Bhiblia Yo Sawuleka

³ Kambe a to hisa dibaselo mkovani ka Mwana Hinomi, hambi vanana vakwe a mahile ngu vona mningelo wo hiswa, ngu wubihi wa vawuyi vale Mkoma a nga ti ti va tshotshile kule ni vanana va ka Israyeli.

2 Makronika 28:3 Referans Kwoze

2 Makronika 33:6

A zile e hisa vanana vakwe ha mndiloni, mkovani ka Mwana Hinomi, i ti ti wa txiñangañanga, a ti ti vekile vahuteteli ni valoyi, eya masoni ngu kumaha ta walo masoni ka Mkoma, kasi ku mu wusela kuhenya.

2 Makronika 33:2

A to maha wubihi masoni ka Mkoma, kufana ni manyala a vathu va mamwani matiko, va Mkoma a nga ti vatutumisile masoni ka vanana va ka Israyeli.

Levhi 18:21

U nga ningele ni mmweyo wa vanana vako, va txi mahwa mphaxo ka Moloke; nguko ngu nyenyezisa ditina da Txizimu txako! Ani ngani Mkoma!

2 Vafumeli 23:10

Niku a nyamisile Tofeti, ku manekako mreleloni ka vanana va Hinomi, ati taku ni wammweyo wawe asi pindisi mwanana wakwe wa mfana mwendo wa dihorana ngu ha mndiloni ka Moloke.

Joxuwa 15:8

Kukhukhela koneyo wu txi ya mkovani ka Bheni-Hinome wu txi ta ngu wulambwe, ngu mthekani ka M'jebhusi, i ku Jerusalema; wu txi ya ngu txitimwi ka mmango, awule wu wonanako ni mkova wa Hinomi, ngu didhawa da mswa-ditambo, magwito ka libala la Rafayime, ngu didhawa da wuphemba.

Mika 6:7

Ina Mkoma a na tsaka ngu magumi a mazana a tinvuta kani? Ngu 10.000 ya siya so tala ngu mafura kani? Ni na ningela matiwula angu ngu mhaka ya wuhambunyeti wangu kani? M'hando wa mndani kwangu, ngu mhaka ya txionho txa dihika dangu kani?

Jeremiya 32:35

Bhahali va mu akete makhalo o guleka, mkovani ka mwana Hinomi, ve hisela Moloke vanana vawe, va txiwamna ni va txisikati; eto ni nga mba va ruma tona, hambi kumaneka mapimoni kwangu ti taku, va maha manyala awe, ve maha ti to Judha a txi onha.

Jeremiya 19:13

Tinyumba ta Jerusalema ni tinyumba ta vafumeli va ka Judha, ti nava ni nzambwa, nga wukhalo wa Tofeti; kumweko ni tinyumba ti di nga hiselwa txitimwi ka tona dibaselo ka dotshe dibutho da nzuma, eho va nga ningela miningelo ya so sela ka simwani sizimu.

Jeremiya 2:34

Mirungoni ka txyambalo txako kumaneka mnoha wa sisiwana asi si singako ni mnandu, ava u nga mba va mana va txi dhoda nyumba yako. Aniko u va date, nguko u dhunda ta ku nga toneto.

2 Vafumeli 16:3

Nguko a tsimbite ngu nzila ya vafumeli va ka Israyeli, hambi mwanana wakwe a mmahile mningelo wo hiswa, ngu wubihi wa vawuyi vale Mkoma a nga ti ti va tshotshile kule ni vanana va ka Israyeli.

Dhewuteronome 18:9

“Ngako u txi wulela ka ditiko di Mkoma, Txizimu txako, a no kuninga, u nga gonde mahanyelo o biha a vathu vonevo.

Dhewuteronome 12:31

U nga ti mahe eto masoni ka Mkoma, Txizimu txako! Nguko totshe ti Mkoma a ti nyenyako, totshe ti ene asi ti laviko, vona va ti mahile ka sizimu sawe, aha koza va txi hisa vanana vawe vavafana ni vamahorana, va txi dhumisa sizimu sawe.

Dhewuteronome 18:10

Ku nga maneke hagari kwanu ni wammweyo wo hisa mwanana wakwe wa mfana mwendo wa dihorana ha mndiloni; hambi wa kuthumisa wuñanga, ni kuxaxuva, ni kuhuta, mwendo matiloti,

Valamuli 2:11

Sekoko, vanana va ka Israyeli va to maha kubiha masoni ka Mkoma; se va to thumela va ka Bhahali.

Valamuli 2:13

Nguko va lekile Mkoma, se ve thumela Bhahali ni Axitaroti.

2 Makronika 36:14

Votshe vathangeli va vaphaxeli ni vathu votshe va to londetela manyala ni sihena so nyenyeza sa vamatiko, va txi nyenyezisela Nyumbani ka Mkoma, mule a nga ti ti kusawulekisete Jerusalema.