2 Makronika 26:9 - Bhiblia Yo Sawuleka

⁹ Kambe Uziya a to aka sitezi kona Jerusalema, ka Txike txa Dikhonani ni ka Txike txa Mkovani, e si tsanisa.

2 Makronika 26:9 Referans Kwoze

Nehemiya 3:13

Txike txa Mkovani txi akilwe ngu Hanuni ni vazumbi va Zanowa; avava va to aka ve vekela matimba ni sikhiyelo ni sikhweketo sa kona, ve aka kambe 1.000 wa mikono ya diguma, an'ze ka Txike txa Ditala.

2 Makronika 25:23

Se Jowasi mfumeli wa ka Israyeli, a to ñola Amaziya mfumeli wa ka Judha, mwana Jowasi, mwana Jehowakazi, kona Bheti-Semesi, e mu yisa Jerusalema; a to khundumusa diguma da Jerusalema, kukhukhela ka Txike txa Efrayime kala ka Txike txa ha dikhonani, se kulapha ka kona i ti ka 400 wa mikono.

2 Vafumeli 14:13

Se Jehowasi mfumeli wa ka Israyeli, a to teka Amaziya, mfumeli wa ka Judha, mwana Jowasi, mwana Akaziya, kona Bheti-Semesi, eta Jerusalema, a to dhoda diguma da Jerusalema, kukhukhela ka ditimba da ka Efrayime, kala ka ditimba da ha dikhonani, 400 wa mikono.

Zakariya 14:10

Dotshe ditiko di na maha libala, kukhukhela Gebha kala Rimoni, ngu wulambwe ka Jerusalema; ene a na guletwa, ni kuaketwa wukhaloni kwakwe, kukhukhela ka txike txa Bhenjamini, kala ka wukhalo wa txike txo khata, kala ka txike txa Dikhonani, ni kukhukhela ka txitezi txa Hananeli, kala ka mapipa a mfumeli.

Jeremiya 31:38

Wona mata masiku, kuwomba Mkoma, aawa didhoropa diya di no aketetwa di lumba Mkoma, kukhukhela ka txitezi txa Hananeli kala ka Txike txa Dikhonani.

Nehemiya 3:32

Se ngu hagari ka nyumba ya magwito, ni Txike txa Sifuyo, ku aketile vatshuli va nzalama ni va nyamabhindu.

Nehemiya 3:24

Msana ka Azariya, Bhinuwi, mwana Henadhadhe, a to aka dimwani didhawa, kukhukhela ka nyumba ya Azariya kuya dikhonani ni kala magwito.

Nehemiya 2:15

Sekoko ni wusiku ni to kwelela ngu txinambwanani ni ya wonisisa diguma; ni wuya, ni ta wulela ngu Txike txa Mkovani.

Nehemiya 2:13

Se ni to huma ni wusiku ngu Txike txa Mkovani, ngu didhawa da Txisima txa Dragoni ni ngu didhawa da Txike txa Ditalani, ni wonisisa maguma a Jerusalema, a ma nga ti ti khundumusilwe, ni matimba a kona ma nga ti ti hisilwe ngu mndilo.