2 Makronika 26:6 - Bhiblia Yo Sawuleka

⁶ Se a to huma ni yimbi yakwe a yalwa ni Vafilista, a to khundumusela diguma da Gati, ni diguma da Jabhini ni da Asidhodhi, a to aka madhoropa ditikoni da Asidhodhi ni ditikoni da Vafilista.

2 Makronika 26:6 Referans Kwoze

Isaya 14:29

U nga tsake, awe ditiko dotshe da Vafilista, ngu kule yi nga funywa ndonga yile yi nga ti ku peka, nguko amu ka mtwi wa mnyoka ku na huma txifofo, se m'hando wa kona i nava mnyoka wo tura, wu purumako.

2 Makronika 21:16

Mkoma a to maha ti to Vafilista ni Vaarabhi, va va hanyako hafuhi ni Vaetiyopiya, ve wukela Jehoramu.

1 Makronika 18:1

Msana keto, ku to maheka tito, Dhavhidha e xasela Vafilista, e va khozisa; e teka Gati ni makhalo o fumelwa ngu ngene, manzani ka Vafilista.

2 Samuwele 8:1

Ku to maheka taku, msana keto, Dhavhidha e lwa ni Vafilista e va xula; se Dhavhidha a to teka didhoropa da Metege-Ama manzani ka Vafilista.

1 Samuwele 5:6

Aniko Mkoma a to nemetisa dianza dakwe txitimwi ka va ka Asidhodhe, e va xasela, ni ku va daya ngu sithunye, va ka Asidhodhe ni va mihinganoni kwawe.

1 Samuwele 5:1

Vafilista koko, va to teka dibhokiso da Txizimu kona Ebhenezeri ve tsula nado Asidhodhe.

Amosi 1:8

Kambe ni na heta va va zumbako Asidhodhe, ni wule a ku ni ndonga ya Asikaloni, se ni tshumeta dianza dangu di txi ya ka Ekroni; se Vafilista va va no sala va na lova, kuwomba Mkoma Txizimu.

Amosi 6:2

Pindani ngu Kalini mi wona, ngu niya, tsulani ka Hamati wa hombe; mi gwita mi relela mi ya Gati ka Vafilista: Mi nava vatxhuko kupinda mifumo yiya kani? Mwendo i nava ya hombe mihingano yakwe kupinda mihingano yanu kani?

Joxuwa 15:11

wu txi hoka mkovani ka Ekroni kuya wuphemba, ni kuya Sikeroni, wu txi pinda ngu mmangoni ka Bhahala, wu txi hoka Jabheheli, wu txi ya gwitela lineneni.

Joxuwa 15:47

Asidhodhe ni madhoropa a kona ni sidhoropana sa kona; Gaza, madhoropa a kona ni sidhoropana sa kona, kala mlongani ka Egipta, ni Linene la Hombe la Medhiterani, i ku muhingano wa kona.

2 Makronika 11:8

ni Gati, ni Maresa, ni Zifi,

Isaya 20:1

Ka dilembe di Taritani a nga ya Asidhodhi ngu kurumwa ngu Sargoni, mfumeli wa Asiriya, a to lwa ni ditiko da Asidhodhi, e di teka,