2 Makronika 26:5 - Bhiblia Yo Sawuleka

⁵ Nguko a ti karatile ngu kulava Mkoma, ka masiku a Zakariya txizivi txa siwoniso sa Txizimu; ka masiku otshe ale a nga lava Mkoma, Txizimu txi to mkatekisa.

2 Makronika 26:5 Referans Kwoze

2 Makronika 15:2

Se a to huma eya ka Asa a txiya khene: Awe Asa ni nanu motshenu va ka Judha, ni va ka Bhenjamini ni engiseni, Mkoma ani nanu, ngako anu mi di ni nene; ngako mi txi mlava mi na mmana, mi txi m'leka nene a na mi leka.

2 Makronika 24:2

Se Jowasi a to maha kululama masoni ka Mkoma, otshe masiku a mphaxeli Joyadha.

1 Makronika 22:13

Sekoko u na pfala, ngako u txo xayisa sileleto ni sirumo si Mkoma, a nga leleta ka Mosi madingano ni Israyeli; tsana, uva ni mtamo, kambe u nga thave, hambi kuguma mtamo.

Dhaniyeli 5:16

Ani koko, ni pfite ti taku awe wa sikota kutxhamusela ni kuthavisa kukanakana; se konkuwa, u txi sikota kugonda mibhalo yiya ni ku ni gela txhamuselo ya yona, wu na ambekwa nguwo yo bhilivila, ni liketani la nzalama mkoloni kwako, se u na va mfumeli wa wuraru amu ka mfumo wangu.

Dhaniyeli 10:1

Ka dilembe da wuraru da kufuma ka Siro, mfumeli wa Persiya, dipswi di to ziviswa ka Dhaniyeli, awule a dhanwako ngu ditina daku i Bhelixazari; aniko dipswi ndinene, di kombisa yimbi ya hombe, se ene a to pfisisa dipswi diya, se e mana kupfisisisa txiwoniso.

Dhaniyeli 2:19

Sekoko txihunja txi to wonekiswa ka Dhaniyeli, amu ka mloro, ni wusiku; se Dhaniyeli a to dhumisa Txizimu txa nzumani.

Dhaniyeli 1:17

Txizimu txi to ninga mazambi awa a mune wuzivi ni mapimo wo ziva yotshe mibhalo ya wutxhari; kambe Dhaniyeli txi to mninga mapimo o txhamusela sotshe siwoniso ni miloro.

2 Makronika 25:8

Ngako u txo tsula, hambi u txo va ni mtamo, Txizimu txi na kuwisa masoni ka valala vako, nguko Txizimu txi ni mtamo wo vhuna ni wa kuwisa.

Genesisi 41:15

Se Faro a wombile ka Josefa, a txi khene: Ani nive ni mloro, aniko kha ka nga maneka m'thu ni wammweyo wo sikota ku wu txhamusela.

Hoseya 6:4

Awe Efrayime ni na maha txani ngu ngawe kani? Na maha txani ngu ngawe, awe Judha kani? Nguko lirando lanu li fana ni direfu da mixo, ni ku nga mwando wa mabimbi-kutxa, wu kuluvetako kutshatsheka.

1 Makronika 22:11

Konkuwa koko, mwanangu, Mkoma a nave ni nawe, se pfala, u aka Nyumba ya Mkoma, Txizimu txako, nga tile ene a nga wombisa tona kwako.

Valamuli 2:7

Se vathu va to thumela Mkoma, ka otshe masiku a kuhanya ka Joxuwa, ni ka otshe masiku a madhota ale ma nga simama me hanya msana ka kufa ka Joxuwa, kambe va nga wona wotshe mthumo wule wa hombe wa Mkoma, awule a nga wu maha ka Israyeli.

Genesisi 41:38

Se Faro a to khene ka sithumi sakwe: “Ina hi nga mmana mmwani m'thu wo nga wuwa, awu moya wa Txizimu wu ku kwakwe kani?”

Mithumo 20:30

ni ti to hagari kwanu va na humelela vathu, ava va nota bwabwatela to soholoka, kufela kuva txi ti lavela vagondiswa.

Masalmo 1:3

A fana ni mndonga wu wu nga phawa mabambe ka lidhonga la mati, awu wu ningako mihando ya wona ngu mbimo ya kona, awu mazokoro a wona ma si wuniko totshe ti a ti mahako ta bhindula.

2 Vafumeli 15:34

Se a to maha ti i ngadi ta tinene masoni ka Mkoma, a to maha totshe ku nga tile a nga mahisa tona tate wakwe Uziya.

2 Makronika 26:4

A to maha tile i ngadi ta tinene masoni ka Mkoma, kufana ni tosthe tile a nga mahisa tona tate wakwe Amaziya.

2 Makronika 27:6

Sekoko, wukoma wa Jothamu wu to tsana, nguko a tsimbite ngu tinzila ta Mkoma Txizimu txakwe.

Joxuwa 1:7

Tsana, uva ni mtamo, u tsanisa mbilu, kasi ku u txi khutalela kuxayisa yotshe milayo yi Mosi, txithumi txangu, a nga kuleleta; u nga ti hambukise ka yona, u txi ya txinene mwendo txibhabha, kasi ku u na humelela ka yotshe mithumo yako.

Joxuwa 1:8

Dibhuku diya da mlayo u nga thuke u txi hambana nado; aniko zumba u txi di alakanya wusiku ni mitshikari, kasi ku u txi khutalela kuxayisa totshe ti ti nga bhalwa ka dona, nguko di kumaha u humelela ka totshe tinzila tako, se u tsimbila kha kwati.

2 Makronika 14:6

Se a to aka madhoropa o tsana ditikoni ka Judha, nguko ditiko di ti ti thuthile, ku si na tiyimbi ka malembe ale, nguko Mkoma amu ningile kuhumula.

2 Makronika 29:1

Ezekhiya a to khata kufuma a di ni tanga ya magumi mambidi ni mtxhanu wa malembe, se a to fumela Jerusalema magumi mambidi a malembe ni mtxhanu ni mune; se ditina na mwamwakwe i ti ti Abhiya, mwana Zakariya.

2 Makronika 32:30

Ngene Ezekhiya wu a nga vhala txisima txa mati a Giyoni, e ma tsimbitisa ngu hahatshi, ngu didhawa da mswa-ditambo ka didhoropa da Dhavhidha, nguko Ezekhiya a di katekisilwe ka mithumo yakwe yotshe.