2 Makronika 26:23 - Bhiblia Yo Sawuleka

²³ Uziya a to otela ka vatate vakwe, a tshotshwa Jerusalema, mathithani ka vafumeli vamwani, hahanze ka m'ti, nguko va ti kha vona: Mbwa xokonho. Se Jothamu mwanakwe a to sala a fuma ka wukhalo wakwe.

2 Makronika 26:23 Referans Kwoze

2 Makronika 28:27

Akazi a to otela ni vatate vakwe, veya mtshotsha didhoropani ka Jerusalema, aniko kha va m'veka ka mathitha a vafumeli va ka Israyeli, se mwanana wakwe Ezekhiya, a to fuma ka wukhalo wakwe.

2 Makronika 21:20

A khatile kufuma a ti ni tanga ya magumi mararu a malembe ni malembe mambidi, a to fuma Jerusalema mtxhanu wa malembe ni mararu; a to fa, asi dilwi ngu m'thu, ve mtshotsha Didhoropani ka Dhavhidha, hambi keto, kha ya tshotshwa ka mathitha a vafumeli.

Isaya 6:1

Ka dilembe di a nga fa ngu dona mfumeli Uziya, ni to wona Mkoma a di khalahatshile txitimwi ka txikhalo txo guleka txa wukoma; txyambalo txakwe txi txi tata dithepele.

2 Makronika 33:20

Se Manasi a to otela ni vatate vakwe, eya tshotshwa m'tini kwakwe; Amoni mwanana wakwe a to fumela ka wukhalo wakwe.

2 Makronika 26:18

Ve ya wulela ve mtsimba mfumeli Uziya, va txi kha vona: Uziya, mthumo wo hisa dibaselo masoni ka Mkoma hi nga wako, mbwa vaphaxeli, vanana va Aroni, a va hi ku vona va nga sawulwa kuhisa dibaselo, huma dithepeleni muwa! Mhaka yi u yi mahako kha yi na kutsanisa kukatekiswa ngu Mkoma Txizimu.

2 Makronika 27:1

Jothamu a to khata kufuma a di ni magumi mambidi a malembe ni mtxhanu; se a to fumela Jerusalema digumi da malembe ni mtxhanu ni dimwedo; ditina da mwamwakwe i ti ti Jerusa, mwana Zadhoki.