2 Makronika 26:20 - Bhiblia Yo Sawuleka

²⁰ Se Azariya mphaxeli wa hombe ni vaphaxeli vamwani, va to wona ti to a ni xokonho ka banza yakwe, ve kuluveta ve mretha e huma hahanze, nene a to huma ngu kukuluveta, nguko Mkoma a ti mupekile.

2 Makronika 26:20 Referans Kwoze

Esteri 6:12

Msana keto, Mordhekayi a to tshumela eya ha txikeni ka mfumeli; kambe Hamani a to khukha ngu kututuma e tsula m'tini kwakwe, a di henyile, e ti fenengeta msungo.

Dhewuteronome 28:35

Mkoma a na kupeka ngu silonda sa mazuku o thisa, amu mazoloni kwako, ni mu minengeni kwako, asi u no mbi va ni kuhanya ka sona, kukhukhela sizenendeni ka mikondo yako, kala ha msungo.

Dhewuteronome 28:22

Mkoma a na kupeka ngu malwati a ndere ni txindeyandeyane, ni kusimba, ni kuhisa, ni lisani, ni kusina ka timbewu, ni kubhirela, asi si no kunamarela kala u txi fuva.

Levhi 14:34

Anu mi na wulela ka ditiko da Kanana, adi ani ni lavako ku mi ninga, di txi maha thomba yanu. Ngako mi di koneyo, se ni txi thuka ni humelelisa mtungu wa tshekela ka dimwedo da maseta a nyumba yanu,

Levhi 13:10

Ngako a di ni dithanzi ha mmidi kwakwe do basa, di txi hindula ni mapfhete akwe, ma txi basa ha nyamani kwakwe, ku txi maneka ku txi bhilivila,

2 Makronika 26:19

Sekoko, Uziya a to henya, manzani kwakwe a di ni txikadyana txo hisela ka txona dibaselo; mbimo yoneyo a to khatwa ngu wulwati wa xokonho, yi to huma ngu ha ka banza yakwe, a di emile masoni ka vaphaxeli, Nyumbani ka Mkoma, hafuhi ni txiluvelo txa dibaselo.

2 Makronika 26:21

Kukhukhela ka ditshiku donedo mfumeli Uziya a to karatwa ngu xokonho kala kuza efa. A ti ti zumba ka nyumba ayi yi nga ti dawani, va si mtumeleli kuwulela Nyumbani ka Mkoma. Se Jothamu, mwana Uziya, a to fuma ka wukhalo wakwe, ni kulamula timhaka ta vathu va ditiko.

Ezra 7:5

mwana Abhisuwa, mwana Finiyasi, mwana Eleyazari, mwana Aroni, mphaxeli wa hombe.