2 Makronika 26:19 - Bhiblia Yo Sawuleka

¹⁹ Sekoko, Uziya a to henya, manzani kwakwe a di ni txikadyana txo hisela ka txona dibaselo; mbimo yoneyo a to khatwa ngu wulwati wa xokonho, yi to huma ngu ha ka banza yakwe, a di emile masoni ka vaphaxeli, Nyumbani ka Mkoma, hafuhi ni txiluvelo txa dibaselo.

2 Makronika 26:19 Referans Kwoze

Mitengo 12:10

Mbimosi direfu di nga khukha txitimwi ka ditenda, koneko Miriyamu mmidi wakwe wu to basa ngu tshekela, wu txi fanana ni hunguva. Aroni a to wona Miriyamu ti to ana ni tshekela.

2 Makronika 25:16

Se ku to maheka taku, mbimo yile a nga txi womba-womba nayo, a to mxamula a txi khene: Va kuvekile kuva didhota da mfumeli kani? Malala, u lava kudawelwa txani kani? Sekoko mprofeti a to khukha a txi khene: Na ti wona ti to Txizimu txi navete ku kulovisa ngu mhaka ya timhaka tiya u nga timaha; khwa engisa dipswi dangu.

2 Makronika 16:10

Se Asa a to kwatela m'huti e mu rinza ka txigodho. Ati ti henyile ngutu ngu mhaka eyo. A to xanisa vathu vamwani ka mbimo yoneyo.

Levhi 13:10

Ngako a di ni dithanzi ha mmidi kwakwe do basa, di txi hindula ni mapfhete akwe, ma txi basa ha nyamani kwakwe, ku txi maneka ku txi bhilivila,

2 Vafumeli 16:12

Mfumeli koko, a txi ngadi e bwaka ngu Dhamasku, a to wona txiluvelo, mfumeli a to tshuketa hafuhi ka txona e maha miphaxo.

2 Makronika 26:20

Se Azariya mphaxeli wa hombe ni vaphaxeli vamwani, va to wona ti to a ni xokonho ka banza yakwe, ve kuluveta ve mretha e huma hahanze, nene a to huma ngu kukuluveta, nguko Mkoma a ti mupekile.