2 Makronika 26:15 - Bhiblia Yo Sawuleka

¹⁵ Se titxhari ti to maha mitxhini, e yi veka amu ka sitezi ni mu ka makhona a Jerusalema, kasi kuve txopa ngu yona marigwi a hombe. Wudhumo wakwe wu to hangalaka ka matiko otshe, nguko Mkoma a ti ti vhunetela ngu nzila yo xamalisa kala ku a txi tsana.

2 Makronika 26:15 Referans Kwoze

Matewu 4:24

Sekoko nduma yakwe yi to pfala kotshelele Siriya. Ve va tisa kwakwe votshe va va nga ti lwala ngu mipando yihi ni yihi, ava va nga txi xaniswa ngu malwati ni simwani sikarato, va madhimoni ni va vo tshanuka, ni silima; se ene a txi va hanyisa votshe.

2 Makronika 2:14

mwanana wa wamsikati mmweyo wa vanana va Dhani, awu tate wakwe i nga ti ti wa Tiro; awuwa wa sikota kukela nzalama, ni silivhela, ni msuku, ni tisimbi, ni mapulango, ni ngu kuluka linyu ngu purpura, ni nguwo wa mxaka wa nzumani, ni ngu linyu yo songa, ni ngu karmezimi, futhi wa txarihisela ka mthumo wo vata marigwi, ni sotshe sa kumahwa ngu wutxhari, tximaha txihi ni txihi a gelwako ku tximaha, kumweko ni sizivi sako ni sizivi sa Dhavhidha, nyamne wangu ni tate wako.

2 Makronika 2:7

Ni rumele koko konkuwa m'thu wa wuzivi kuva a txi na thuma ngu nzalama, ni silivhela, ni msuku, ni tisimbi, ni purpura ni karmezimi, ni ya lixaka la nzumani, ni m'thu wo ziva kuvata marigwi, va ku na thuma kumweko ni sizivi si si ku ni nani ani Judha ni Jerusalema, asi si nga vekiswa ngu Dhavhidha tate wangu.

Eksodha 31:4

kasiku e ziva makhato a mthumo amu ka nzalama, ka silivhela ni koporo;

2 Makronika 26:14

Uziya a to longisela sivhikelo ni matxhari, ni sigoko, ni sikatawu so vhika ngu sona, ni malaho, ni sibhalakaza, e ninga dibutho dotshe da yimbi.

2 Makronika 26:16

Mbimo yile Uziya a nga wona ti to wukoma wakwe wu tsani, mbilu yakwe yi to khata kutikulisa, e ndaka Mlayo wa Mkoma Txizimu txakwe, a to wulela Nyumbani ka Mkoma e hisa dibaselo ha txiluveloni ka dibaselo.

Isaya 29:14

Wona taku, ni na simama ni maha mthumo wo xamalisa hagari ka vathu vava; i ku mthumo wo xamalisa, kambe wo thisa, nguko wutxhari wa titxhari tawe, wu na fuva, ni mapimo a vathu vawe vo ziva, wu na sisala.

Habhakuki 1:5

Wonani hagari ka matiko, mi wonisisa, mi tsaka, mi xamala; nguko na maha ka masiku anu, mthumo wu anu mi no mbi wukholwa, mbimo yile mi no txhamuselwa.

Dhewuteronome 20:20

Aniko ngako i di mindonga yile u ti zivako ti to kha yi veleki mihando yo dyiwa, wa sikota ku yi sengulela, u txi yi wilela, u txi yi maha tiphande to ti bhiyela ngu tona; kasi ku ti vhikela ka didhoropa dile ulwako nado, kala kuza u txi di khozisa.