2 Makronika 24:22 - Bhiblia Yo Sawuleka

²² Mfumeli Jowasi kha khumbula wunene awule mphaxeli Joyadha, tate wa Zakariya a nga mmahela wona. A to m'dayela mwanana wakwe, awule mbimo yile a nga ti lava kufa a nga khene: Mkoma, wona a ti va ti mahako, wu va tshumetela!

2 Makronika 24:22 Referans Kwoze

Genesisi 9:5

Ngu ditshuri ni na lava mnoha wanu, ngako mnoha wa m'thu wu txi theketwa, ni na maha ti to wu dihwa. Hambi i di txihari txi wu theketako, mwendo i m'thu a wu theketako, ni na wu dihisa.

Luka 11:51

kukhata ngu mnoha wa Abhele kala kuhetisela ngu wa Zakariya, awu a nga dawa hagari ka txiluvelo ni Wukhalo wo Sawuleka ngutu; inna, na mi gela ni khani: Wu na vilwa ka liveleko liya.

Mtuletelo 19:2

Nguko kulamula ka txona nga ditshuri ni kululama. Ngu txona Txizimu txi nga lamula digelegele da hombe di nga ti nyeta mafu ngu wugelegele wa dona; se ka dona Txizimu txi pharete mnoha wa sithumi sa txona.”

Johani 10:32

Jesu a to va xamula, a txi khene: “Ni mi kombisile mithumo yo tala, yo tshura, ayi yi humako ngu ka Tata. Mi lava ku ni balisela ngu wuhi ka yona, kani?”

Masalmo 10:14

Aniko awe wa wona kupandiseka ni kuxaniseka, totshe wa ti wonisisa, ni kukhatala ngu tona. Va tutumela kwako ava vo mbi na m'vhikeli ni va vo felwa; awe ngawe m'vhuneteli wawe.

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

2 Timoti 4:16

Kutiangulelani kwangu ko khata, kuwalo ni wammweyo a nga ni emela, votshe va ni lekile ha mpfhukani. Kambe va nga thuke va txi ningwa mnandu ka mhaka yiya.

2 Timoti 4:14

Alexandre mtshuli, a ni mahete tshofu yo biha ngutu. Mkoma a na mtshumetele madingano ni mithumo yakwe.

Jeremiya 51:56

Nguko mxaseli wata txitimwi ka dona, txitimwi ka Bhabhilona, tindena takwe ti na ñolwa, ma funyetetwe malaho a tona: Nguko Mkoma Njizimu txo tshumetela, a na pharela.

Jeremiya 11:20

Aniko Mkoma wa Mabutho a Tiyimbi mulamuli wo lulama, awu a xolako titsho ni timbilu. Ni na wona ngako u txi ni tshunda kupharela kwawe, nguko ni kuzivisile mhaka yangu.

Mavingu 17:13

Se ka wule a dihelako wunene ngu wubihi, wubihiwo kha wu na mbi va kule ni nyumba yakwe.

Masalmo 109:4

Va ni tshumetela lirando langu ngu livengo; aniko ani no khongela dwe.

Genesisi 42:22

Se Rubheni a to va xamula a txi khene: “Kha na mi gela ti to mi nga maheni kubiha ka mnanda wathu, kani? Aniko anu kha ma ni engisa; se wonani, mnoha wakwe wa vilelwa.”

Joxuwa 22:23

ni kungako hi di akile txiluvelo kasi kutshuralela Mkoma, hi txi maha kona mningelo wo hiswa ni mningelo wa sakudya, mwendo hi maha kona mphaxo wa kudikha, Mkoma a na hi thethise!

Valamuli 8:35

kambe kha va nga ninga kubonga ka nyumba ya ka Jerubhahali, i ku ene Gidhiyoni, ngu wotshe wunene wule a nga va mahela wona va ka Israyeli.

Masalmo 9:13

Telwa ngu wumbilu ngu ngani, Mkoma! Wona kuxaniswa kwangu ngu vale va ni nyenyako. Ni khukhise ha ka matimba ya lifo,