2 Makronika 24:19 - Bhiblia Yo Sawuleka

¹⁹ A to rumela vaprofeti hagari kwawe, kasi ku e va wuyisa kambe ka Mkoma, kambe vona kha va lava ku mu engisa.

2 Makronika 24:19 Referans Kwoze

Luka 16:31

Aniko Abrahamu a mu xamute ku khene: ‘Ngako va si engisi Mlayo wa Mosi ni tigondo ta vaprofeti, hambi idiku wo wuka mmweyo wa vafi, kha va na mbi hunduluka.’ ”

Matewu 13:9

Awule a ku ni tinzeve to engisa, a na engise!”

Jeremiya 26:5

kuva mi txi na engisa timhaka ta sithumi sangu i ku vaprofeti, ava ni nga va rumela kwanu, i di ngadi mixo, aniko anu kha ma engisa;

Isaya 55:3

Riyani tinzeve, ngonani kwangu; engiseni, mihefemulo yanu yi na hanya; nguko ni na maha txitumelelano txo mbi guma ni nanu, ni mi ninga makatekwa o tsana a Dhavhidha.

Isaya 51:4

Ni engiseni anu vathu vangu, ni ditiko dangu! Riyani tinzeve kwangu, nguko mlayo wu na huma ngu kwangu, ni kululama kwangu ku na maneka i ti liwoningo la vathu.

Isaya 42:23

I mani a kuho hagari kwanu a tipfako tiya kani? A wonisisako e pfisisa ati ti nova ngu tona msana keto kani?

Isaya 28:23

Riyani tinzeve, mi engisa dipswi dangu; pfisisani kha kwati, mi engisa dipswi dangu.

Nehemiya 9:26

Hambi keto, kha va kuengisa, va to kuwukela, ve tshuralela mlayo wako, ve daya vaprofeti vako, va va nga ti ti womba-womba kwawe, ti to ve tshumelela kwako; se va to maha wubihi wa hombe.

Zakariya 1:4

Mi nga mahiseni kufana ni vatate vanu, avale vaprofeti vo khata va nga womba-womba kwawe, va txi kha vona: Mkoma wa Mabutho a Tiyimbi a khene: Hundulukani konkuwa ka tinzila tanu to biha, ni ka mithumo yanu yo biha. Aniko kha va ni engisa, hambi ku ni pfisisa, kuwomba Mkoma.

2 Makronika 36:13

Hahanze keto, a to wukela mfumeli Nebhukodhonosori, wule a nga ti ti mxambanyisile ngu ditina da Mkoma; kambe a ti bangisile msungo ni mbilu yakwe, asi tshumeleli ka Mkoma, Txizimu txa Israyeli.

Nehemiya 9:30

Hambi keto u nawulutile wunene wako ka malembe o tala, kambe u va kanetile ngu Moya wako, ngu txisofu txa vaprofeti vako; aniko vona kha va kuengisa; sekoko u to va ningela manzani ka vathu va matiko.

Jeremiya 25:3

Kukhukhela ka dilembe da digumi ni mararu da kufuma ka Josiya, mwana Amoni, mfumeli wa ka Judha, kala ka diya ditshiku, mndani ka magumi mambidi a malembe ni mararu, Mkoma a ti womba-womba ni nani, ni di txhumayete kwanu i di ngadi mixo, aniko anu kha ma engisa.

Jeremiya 25:7

Hambi ka eto kha ma ni engisa, kuwomba Mkoma, ti taku mi vhinjukisa kuhenya kwangu ngu mithumo ya manza anu, mi txi ti tota dikhombo mipune.

Jeremiya 25:8

Ngu konaho, Mkoma wa Mabutho a Tiyimbi a khene: Ngako mi nga mbi engisa timhaka tangu,