2 Makronika 24:18 - Bhiblia Yo Sawuleka

¹⁸ Va to leka Nyumba ya Mkoma, Txizimu txa vatate vawe, veya khozela sithombe so vatwa ni sizimu simwani sawe. Se ngu mhakeyo Mkoma a to henyela va ka Judha ni va Jerusalema.

2 Makronika 24:18 Referans Kwoze

Joxuwa 22:20

Mbimo yi Akane, mwana Zare, a nga maha ta walo ngu kuteka simaha so handwa, txiviti txa Mkoma kha txa tsayisa wotshe msengeletano wa ka Israyeli kani? Hi nga ene ekha Akane a nga fa ngu txionho txakwe.

Vaefesu 5:6

M'thu a nga thuke e mi kanganyisa ngu mapswi o mbi vhuna txilo, nguko simaha siya si dhana kuhenya ka Txizimu.

2 Makronika 24:4

Kumaheka tito, msana keto, Joyadha a to pimisa kuaketa Nyumba ya Mkoma.

2 Makronika 19:2

Se Jewu mwana Hanani, m'huti, a to mu hingeta a txi khene ka mfumeli Josafati: Ngu kutxani u vhuna vabihi, u randa ava va nyenyako Mkoma kani? Ngu mhaka yeto, kuhenya ka Mkoma ku nata txitimwi kwako.

2 Makronika 32:25

Ezekhiya kha sikota kubonga wunene wu va nga mmahela ngu Mkoma, nguko a ti tate ngu kutikulisa mbiluni kwakwe, se kuhenya ka Mkoma ku to txhika txitimwi kwakwe, ni txitimwi ka va ka Judha ni Jerusalema.

2 Makronika 28:13

Va txi kha vona: Mi nga wuletiseni tikhumbi tiya amuwa, nguko mi nga hi engetela sionho sathu ni minandu yathu ka Mkoma, mnandu wathu mbwa hombe ni kuhenya ka hombe ka Mkoma ku txitimwi ka vanana va ka Israyeli.

1 Vafumeli 14:23

Nguko ni vona va akile makhalo o guleka, ni sithombe, ni kuvata sifananiso, txitimwi ka sotshe simangwana hahatshi ka mindonga yo hanya.

Hoseya 5:14

Nguko ka Efrayime, ni na fana ni ngonyamo ni ku nga txingonyamwana ka nyumba ya ka Judha; Ani, ani ni na va phatulela ni tshumela ni tsula; ni na va rwala, kupwateka ni wo lamulela.

2 Makronika 29:8

Se kuhenya ka Mkoma kutota ka va ka Judha ni Jerusalema, e va ningela ka pfilu-pfilu, ka kuhoxotwa, ni txisekiso, nga ti anu mi ti wonako ngu maso anu.

2 Makronika 21:13

kambe u tsimbila ngu tinzila ta vafumeli va Israyeli, u mahile ti to va ka Judha ni vahanyi va Jerusalema va txi onha, ve londeta wubihi kufana ni va nyumba ya ka Akabe; kambe u date ni vananu, va nyumba ya tate wako, ava i nga ti ti vavanene kupinda awe.

1 Vafumeli 14:9

ziva ti to u mahile kubiha kupinda votshe vale vo khata, u tsute uya ti mahela simwani sizimu, ni sifananiso so nyekiswa, u txi ni wusela kuhenya, u ni tshotsha msana kwako,

2 Samuwele 24:1

Se kuhenya ka Mkoma ku to engeta kuwukela va ka Israyeli, ene a to kujetela Dhavhidha ku va wukela a txi khene: Tsula u ya bala va ka Israyeli ni va ka Judha.

Valamuli 5:8

Va ka Israyeli va to ti sawulela simwani sizimu sasiphya, se koneko yimbi yi to wulela tinyumbani kwawe. Hagari ka 40.000 wa vavamna va va ka Israyeli, ku ti si nga ho ni wammweyo a nga ti ñote txitxhavangu mwendo ditxhari.

Eksodha 34:13

Mi na khungumula siluvelo sawe, mi txi fayetela sithombe sawe, ni ku sakata sipopo sawe, amu va khongelako kona Aseri.

Eksodha 34:12

Ti wonele, u nga mahe Txitumelelano txihi ni txihi ni vaaki va ditikodo uyako ka dona; kasiku va si thuki va txi kuriyela u txi zwetwa, u txi lova.

2 Makronika 24:17

Sekoko msana ka kufa ka mphaxeli Joyadha, vathangeli va ka Judha va to ta ti veka hahatshi masoni ka mfumeli, ene a to va engisa ngu kutsaka.

Jeremiya 17:2

vanana vawe va ti ti alakanya siluvelo sawe ni sifananiso sawe sa Aseri hahatshi ka mindonga yo nyuka mimangoni.

Valamuli 8:33

Se ku to maheka taku, msana ka kufa ka Gidhiyoni, vanana va ka Israyeli va to tshumela va txi ti nyenyezisa ngu kulondetela va ka Bhahali, ve teka Bhahali-Bheriti va txi mmaha txizimu txawe.

2 Makronika 12:1

Ku to maheka koko taku, mbimo yile Robhowamu a nga tsanisa wukoma, a to leka Mlayo wa Mkoma, ene ni votshe va ka Israyeli.

2 Makronika 12:2

Se ku to maheka tito, ka dilembe da wutxhanu da mfumeli Robhowamu, Sisake mfumeli wa Egipta, a to kwelela a txiya wukela Jerusalema (nguko va ti ti tshuralete Mkoma.)

2 Makronika 22:4

A to maha to biha masoni ka Mkoma, kufana ni va nyumba ya ka Akabhi, nguko vona i ti ti madhota akwe msana ka kufa ka tate wakwe, kala a txi lova.

2 Makronika 25:15

Sekoko Mkoma a to henyela Amaziya, e m'rumela mprofeti atxi ya khene kwakwe: Ngu kutxani u ti lavela sizimu sa vathu, si si nga mbi hulukisa vathu va sona manzani kwako kani?

2 Makronika 34:25

Nguko va ni lekile veya hisela dibaselo sizimu simwani, kasiku ni wusela kuhenya kwangu ngu yotshe mithumo yawe, se ngu toneto kuhenya kwangu na kuthekete txitimwi ka wukhalo wuwa, ku na pwateka ni wammweyo awu a no sikota ku kuthavisa.