2 Makronika 24:10 - Bhiblia Yo Sawuleka

¹⁰ Sekoko vathangeli kumweko ni vathu votshe va to tala ngu kutsaka, va to tisa mningelo wawe va ta wu veka amu ka dibhokiso, kala kuza mthumo wu txi guma.

2 Makronika 24:10 Referans Kwoze

2 Vakorinto 9:7

M'thu a na ningele kota nga ti a xuvisako tona mbiluni kwakwe, asi karateki mwendo kukurumetwa, nguko Txizimu txi randa awu a ningelako ngu litsako.

2 Vakorinto 8:2

Hagari ka mihumbo ya kuxaniseka ka hombe, ayi ma nga dukwa ngu yona, kambe kutsaka kwawe ku to engeteleka, se hagari ka wusiwana wawe wa hombe va to humisa msengo wawe ngu wuha wa kupindisa mpimo.

1 Makronika 29:9

Se vathu va to tsaka ngu kule va nga ninga ngu kuranda kwawe, nguko va ningete ka Mkoma ngu mbilu to hetiseka; nene mfumeli Dhavhidha, a to tsaka ngu kutsaka ka hombe.

Isaya 64:5

Wa hingeta vale va tsakelako kumaha kululama, avale va ku alakanyako amu ka tinzila tako, wona taku, u hi henyete, nguko hi onhile;

2 Makronika 24:9

Se va to gela va ka Judha ni va Jerusalema, ti to ve yisa mningelo ka Mkoma, awule Mosi txithumi txa Txizimu a nga leleta va ka Israyeli va di txiwulani.

2 Makronika 24:11

Mbimo yile va nga wona taku ku ni male yayingi amule ka dibhokiso, mabhalani wa mfumeli a ti ti kwelela kumweko ni mphaxeli wa hombe, va txi ya balela male yile yi nga txi maneka Nyumbani ka Mkoma, ve theletela mu ka masaka.