2 Makronika 23:9 - Bhiblia Yo Sawuleka

⁹ Mphaxeli Joyadha a to ninga vathangeli va mazana matxhari ni sivhikelo si i nga ti sa mfumeli Dhavhidha, sile si nga ti Nyumbani ka Txizimu.

2 Makronika 23:9 Referans Kwoze

2 Samuwele 8:7

Se Dhavhidha a to teka sitxhavangu sa nzalama sile i nga ti ti sa tikhumbi ta Hadhadhezeri e si yisa Jerusalema.

1 Samuwele 21:9

Se mphaxeli a to khene: Ditxhari da Goliya, Mufilista, awule awe u nga m'daya ka mkova wa Mkusuni, ndide hawa, di nga phutelwa ngu nguwo msana ka efodhe; se ngako u txi teka ku di lava, di teke, nguko kha ku na dimwani hawa hahanze ka dile. Se Dhavhidha a to khene: Kha ku na tximwani txo fana nado; ni ninge dona.

1 Vafumeli 10:16

Mfumeli Solomoni a mahile 200 wa makhalo ngu nzalama yo bambatelwa; 600 wa madangarita a nzalama a to ruma kuva me pimwa, o lumba wukhalo ni wukhalo;

2 Makronika 23:8

Se Valevhi ni votshe va ka Judha va to maha madingano ni totshe ti a nga leletisa tona mphaxeli Joyadha; mmweyo ni mmweyo a to teka vathu vakwe, avale va nga txi wulela kumweko ni vale va nga txi huma ngu Sabbata; nguko mphaxeli Joyadha a sa tshumeta mitxawa.

2 Makronika 23:10

Se vathu votshe va to emeka, mmweyo ni mmweyo ni matxhari manzani, kukhukhela ka didhawa da txinene kala ka didhawa da txibhabha ka nyumba, ngu didhawa da txiluveloni ni da nyumba, ve randela mfumeli.