2 Makronika 23:3 - Bhiblia Yo Sawuleka

³ Se wotshe msengeletano wule wu to maha txitumelelano ni mfumeli Nyumbani ka Txizimu; se Joyadha a to khene kwawe: Wonani, mwanana wa mfumeli a na fuma, nga ha Mkoma a nga womba madingano ni vanana va Dhavhidha.

2 Makronika 23:3 Referans Kwoze

2 Makronika 21:7

Hambi keto, Mkoma kha ti lava kukhundumusa nyumba ya ka Dhavhidha, ngu mhaka ya txitumelelano a txi a nga ti tximahile ni Dhavhidha, nga ha a nga ti m'gete ku khene a na mninga liwoningo la masiku otshe ene ni vanana vakwe.

2 Makronika 6:16

Konkuwa koko, awe Mkoma, Txizimu txa Israyeli, maha ka txithumi txako Dhavhidha tate wangu, a ti u nga mthembisa u txi khawe: Kha ku na mbi pwateka dijaha masoni kwangu, a di di no khalahatsha ka txikhalo txa wukoma txa ka Israyeli; aniko vanana vako va na xayise nzila yako, ve tsimbila ka mlayo wangu, nga ti awe u nga tsimbilisa tona masoni kwangu.

2 Samuwele 7:12

Mbimo yi masiku ako ma no guma, se wuta otela ka vatate vako, sekoko msana kwako ni na wusa mwanana wako, awu a no huma ngu kwako, kambe ni na tsanisa mfumo wakwe.

2 Makronika 7:18

ngu kona ni no tsanisa txikhalo txako txa wukoma, madigano ni txitumelelano a txi ni nga maha ni tate wako Dhavhidha, ni txi khani: Khu na mbi pwata dijaha do fumela Israyeli.

2 Vafumeli 11:17

Se Joyadha a to maha txitumelelano hagari ka Mkoma, ni mfumeli ni vathu, ati taku va nave vathu va Mkoma. Ni txitumelelano hagari ka mfumeli ni vathu.

1 Vafumeli 2:4

Kasiku, Mkoma a na tsanisa dipswi di a ngadi womba kwangu, a txi khene: “Ngako vanana vako va txi xayisa nzila yawe, ve tsimbila ngu kuthembeka masoni kwangu, ngu mbilu yawe yotshe ni muhefemulo wawe wotshe, kha ni khali kuwomba to ku na pwateka wo tsiveta ka Israyeli.”

Masalmo 89:36

Situkulwana sakwe si na fuma kala kupinduka, txikhalo txakwe txa wukoma txi na simama masoni kwangu nga ditambo;

Masalmo 89:29

Ni na maha ti to lihunzu lakwe li simama kala kupinduka, li txi fuma ngu malembe ni malembe kufana ni nzuma.

2 Makronika 23:16

Se Joyadha a to maha txitumelelano hagari kwakwe ni vathu ni mfumeli, ti to vona va na va vathu va Mkoma.

1 Makronika 11:3

Se otshe madhota a ka Israyeli ma to ta ka mfumeli, kona Hebroni, aniko Dhavhidha a to maha navo txitumelelano kona Hebroni, masoni ka Mkoma; se vona va to tota Dhavhidha kuva mfumeli txitimwi ka Israyeli, madingano ni dipswi da Mkoma, ngu kuwomba ka Samuwele.

1 Vafumeli 9:5

ngu kona koko, ni no tsanisa txitulu txako txa wukoma txitimwi ka Israyeli ngu ha ku si gwitiko, nga ha ni nga womba ka tate wako Dhavhidha ni txi khani: Khu na mbi pwata dijaha txitimwi ka txitulu txa wukoma wa Israyeli.

2 Samuwele 7:16

Aniko nyumba yako ni mfumo wako si na tsaniswa kala kupinduka masoni kwako; txikhalo txako txa wukoma txi na tsana kala kupinduka.

2 Samuwele 5:3

Ngu kumaha keto, otshe madhota a ka Israyeli ma to ta ka mfumeli, kona Hebroni; se mfumeli Dhavhidha a to maha navo txitumelelano kona Hebroni, masoni ka Mkoma; va to tota Dhavhidha kuva mfumeli txitimwi ka Israyeli.