2 Makronika 23:18 - Bhiblia Yo Sawuleka

¹⁸ Se Joyadha a to veka vaxayisi Nyumbani ka Mkoma, ve va hahatshi ka vaphaxeli, Valevhi vale Dhavhidha a nga va veka Nyumbani ka Mkoma, kasi kuningela mphaxo wo hiswa ka Mkoma, madingano ni tile ti nga bhalwa amu ka Mlayo wa Mosi, ngu kutsaka ni kuembelela, madingano ni kuleleta ka Dhavhidha.

2 Makronika 23:18 Referans Kwoze

2 Makronika 5:5

va to teka dibhokiso, ni ditenda da msengeletano, ni sotshe siya so sawuleka si nga ti ditendani; ngu vona vaphaxeli ni Valevhi va nga si kwelelisa.

2 Makronika 29:25

A to veka Valevhi Nyumbani ka Mkoma, va di ni sitende, ni tingoma, ni timbila, madingano ni kuruma ka Dhavhidha ni ka Gadhi mhuti wa mfumeli, ni wa mprofeti Nathani i ku kuruma ku kutako ngu ka Mkoma, ngu dianza da vaprofeti vakwe.

1 Makronika 23:25

Nguko Dhavhidha a ti khene: Mkoma Txizimu txa Israyeli, a ningile kuhumula ka vathu, aniko a na zumba Jerusalema ngu ha ku si gwitiko.

2 Makronika 29:27

Ezekhiya a to leleta ti to ve khata kuhumisa mningelo wo hiswa txitimwi ka txiluvelo, se mbimo yi va nga khata kuhumisa mningelo wo hiswa, va to khata ni kuembelela tindando to dhumisa Mkoma, ngu mipundu ni sivetaveta sa Dhavhidha, mfumeli wa Israyeli.

2 Makronika 30:27

Sekoko vaphaxeli ni Valevhi va to khukha ve katekisa vathu; dipswi dawe di to engiswa, nguko mikombelo yawe yi hokile ka wukhalo wakwe wo sawuleka nzumani.

2 Makronika 7:6

Vaphaxeli, va ti ti emile madingano ni mitxawa yawe, kufana ni Valevhi va ti ti emile ngu mitxawa yawe va di ni timbila ati ti ngati longisetwe Mkoma, ati ti nga mahwa ngu mfumeli Dhavhidha, kasi kuva txi dhumisa ngu tona Mkoma va txi kha vona: Nguko lirando lakwe kha li na mbi guma; mbimo ayi Dhavhidha a nga ti dhumisa ngu mithumo yawe; vaphaxeli va ti ti txaya mipundu masoni kwawe, na votshe va ka Israyeli va ti emile.

2 Makronika 29:30

Se mfumeli Ezekhiya ni vathangeli, va to gela Valevhi ti to va fanela kudhumisa Mkoma, ngu mapswi a Dhavhidha, ni a Asafe, m'huti. Se Valevhi va to m'dhumisa ngu kutsaka, ve khizama, ve mkhozela.

2 Makronika 35:2

Josiya a to veka vaphaxeli ka mithumo yawe a txi va tsanisa ka mthumo wa Nyumbani ka Mkoma.

Ezra 6:22

Se va to maha m'buso wa Mapawu o mbi Tshumbelwa, mndani ka mtxhanu wa masiku ni mbambidi, ngu kutsaka, nguko Mkoma a ti va tsakisile, na kambe a ti phemberusile mbilu ya mfumeli wa Asiriya e va dhunda, ni kutsanisa manza awe ka mthumo wa Nyumba ya Txizimu, Txizimu txa ka Israyeli.