2 Makronika 23:15 - Bhiblia Yo Sawuleka

¹⁵ Se va to mñola, ve tsula nayo nyumbani ka mfumeli ngu didhawa da txike txa Ditimba da Mahantxhi, veya m'dayela kona.

2 Makronika 23:15 Referans Kwoze

Nehemiya 3:28

Vaphaxeli va to aketa kukhukhela ka Txike txa Mahantxhi, mmwani ni mmwani e aketa ngu masoni ka nyumba yakwe.

Jeremiya 31:40

Se wotshe mkova wo tshotshela ka wona sirumbi ni dikhuma, ni kotshe tithembweni kala ka txinambwana txa Kedroni, kala ka dikhona da Ditimba da Mahantxhi kuya wutxani, si na sawulekiselwa Mkoma, kha si na mbi dulwa, hambi kukhundumuselwa kambe, kala kupinduka.

2 Makronika 22:10

Mbimo yile koko Ataliya, mame wa Akaziya a nga wona taku mwanana wakwe a datwe, a to khukha e lovisa lotshe liveleko la nyumba ya ka Judha.

Jakobe 2:13

Nguko kulamulwa kha ku na mbi va ni wumbilu, ka wule a ku si nga ni wumbilu; aniko wumbilu wa humelela kulamulani.

Matewu 7:2

Nguko mi na lamulwa nga ti mi lamulisako tona vamwani; ni mpimo wu mi pimako ngu wona vamwani, mi na pimwa ngu wona nanu.

Masalmo 55:23

Awe, Txizimu, u na va rethela diphalani ka kuhokoma. Vathu va i ku sigevenga ni va va makuhu kha va na mbi hanya hafu ya masiku awe. Aniko ani, ni themba awe.

Masalmo 5:6

wa fuvisa ava i ku vamakuhu. Wa nyenya sigevenga ni vakanganyisi.

Valamuli 1:7

Sekoko, Adhoni-Bhezeki a to khene: Mtxhanu wa magumi ni mambidi a vafumeli, va nga ti wiletwe titiho ta vanyagotwe, ta manzani ni ta mikondoni, va ti ti rolela maruru hahatshi ka meza yangu; ngu kumaha keto, Txizimu txi ni tshumetete madingano ni ti ni nga va mahela. Se va to tsula nayo Jerusalema, eyo a nga ya fela kona.

2 Makronika 23:14

Kambe mphaxeli Joyadha a to gela vathangeli tile ti nga txi thangela mabutho, a txi khene: M'humiseni hagri ka vathu, kambe wule a no mlondeta a na dawe ngu ditxhari; nguko mphaxeli a ti khene: Mi nga m'dayeleni Nyumbani ka Mkoma.

Mitengo 35:33

Ngu maha yeto, kha mi na mbi nyenyezisa ditiko di mi ku ka dona; nguko mnoha wa maha ditiko di nyenyeza; kambe ni wawumwewo mphaxo wa kuthavisa txionho, kha wu na mbi mahwa ngu mhaka ya ditiko, ngu mhaka ya mnoha wu wu no thekela ka dona, hahanze ka mnoha wa wule a nga theketa mnoha wa mmwani m'thu.

1 Vafumeli 18:40

Se Elija a to khene: Ñolelani votshe vaprofeti va Bhahali, ku nga huluke ni wammweyo wawe. Va to va ñolela; se Elija a to va maha ve kwitima txinambwanani ka Kixoni, va txi ya va daya kona.