2 Makronika 23:11 - Bhiblia Yo Sawuleka

¹¹ Sekoko va to humisa mwanana wa mfumeli hahanze, ve msanzeka m'bhoti, ve mninga ni dibhuku da mlayo, ve mmaha mfumeli; se Joyadha ni vanana vakwe va to mtota mafura, va txi kha vona: A na hanye mfumeli!

2 Makronika 23:11 Referans Kwoze

1 Samuwele 10:24

Sekoko Samuwele a to khene ka vathu votshe: Ma mona koko, awule Mkoma a nga msawula kani? Hagari ka vathu votshe, kha ku na m'thu wu a fanako nayo. Sekoko votshe vathu va to tsaka ngutu, va txi kha vona: Hanya mfumeli!

Eksodha 25:16

Msana keto, u na veka Txifakaziso txi ni no kuninga aha ka dibhokiso.

2 Vafumeli 11:12

Se Joyadha a to humisa Jowasi, mwanana wa mfumeli, e msanzeka m'bhoti, ni dibhuku da milayo, va to mfumisa, ve mtota, va txi bhabhwatela manza, na va txi kha vona: A na hanye mfumeli!

Mtuletelo 19:12

Maso akwe dituro da mndilo, ha msungo kwakwe ku na ni mibhoti yayingi, kubhatwe ditina di di si ziwiko ngu mmwani m'thu hahanze kwakwe,

Mtuletelo 5:10

Ngu vona u mahete Txizimu txathu, mfumo wa vaphaxeli, se vona va na fuma ha mafuni.”

Mtuletelo 4:10

madhota awa a magumi mambidi ni mune ma ti ti khizama masoni ka wule a nga khalahatsha ha txikhaloni ka wukoma, kasi ku me khozela ene awule a hanyako, kala kupinduka, me veka mibhoti ya ona hahatshi, masoni ka txikhalo txa wukoma, me kwangula, ma txi kha ona:

Mtuletelo 4:4

Txikhalo txiya txa wukoma txi ti ranganyetilwe ngu simwani sikhalo sa wukoma sa magumi mambidi ni mune; txitimwi ka sona ku ti khalahatshile madhota a magumi mambidi ni mune, ma di ni syambalo so basa, ma di ni mibhoti ya nzalama ha msungo kwawe.

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

Jakobe 1:12

A katekile m'thu wu a amukelako txiduko ngu kutimisela; nguko, a di gwitile kudukwa, a na amukela m'bhoti wa wutomi, awu Mkoma a nga wu thembisa ka vale va mrandako.

Vahebheru 2:9

Jesu wu a nga vekwa hahatshi ka tingelozi ngu txikhatinyana txa txidotho, ha mu wona na a di vekilwe m'bhoti wa kupfaliswa ni kudhumiswa, ngu mhaka ya sixaniso sa lifo. Kunene, ene ngu mtamo wa kateko ya Txizimu, a dukile lifo, kasiku a txi hanyisa votshe vathu.

Matewu 21:9

Dibutho dile da vathu va nga ti thangela masoni kwakwe, ni vale va nga ti londetela ngu msana, va ti ti embelela va txi kha vona: “Hozana ka Mwanana wa Dhavhidha! A na dhumiswe awu a tako ngu ditina da Mkoma! Hozana txitimwi nzumani!”

Isaya 49:23

Se vafumeli va na va vaxayise va vona, ni vasikati va kona va na va vamamisi vawe; va na namisa tikhohe hahatshi masoni kwako, ve dazela lithulu la mikondo yako, se u na tiziva ti to ani ngani Mkoma, ni ti to avale va ni thembako kha va na mbi wiswa tingana.

Isaya 8:20

Amu ka mlayo ni mu ka wufakazi! Ngako va si wombi dipswi diya, kha va na mbi dhuka ve wona wuronga.

Isaya 8:16

Sungelela wufakazi, u tsanisa mlayo hagari ka vagondiswa vangu.

Masalmo 132:18

Ni na thela pfilu-pfilu ka valala vakwe; aniko kwakwe m'bhoti wakwe wu na kuphatima.”

Masalmo 89:39

U tshotshile txitumelelano txi u nga ti natxo ni txithumi txako; u tshotshile hahatshi m'bhoti wakwe.

Masalmo 89:20

Ni mani Dhavhidha txithumi txangu; ni mmahile mfumeli ngu ku mtota mafura o sawuleka.

Masalmo 78:5

Ene a ningile mithetho ka va ka Israyeli, a ningile mlayo ka situkulwana sa Jakobe. A leletile ka vakale vathu ti to ve gondisa milayo yiya ka situkulwana sawe,

Masalmo 21:3

U mu hingetile u txi mninga makatekwa u mu ambekile ha msungo kwakwe m'bhoti wa nzalama ya yinene.

2 Makronika 22:11

Kambe Jehosebhate, muhorana wa mfumeli, a to teka Jowasi mwana Akaziya e mpfhukisa hagari ka vanana va mfumeli, avale va nga txi dayelwa, eya m'veka nyumbani ko otela kona ni mxayisi wakwe. Ngu kumaha keto, Jehosebhate, mwana mfumeli, msikati wa mphaxeli Joyadha (nguko i ti ti ndiya ya Akaziya), a to msisa asi manwi ngu Ataliya, ngu konaho kha va m'daya.

1 Vafumeli 1:39

Se Zadhoki, mphaxeli, a to teka tximole txa mafura a dibhokiso da txitumelelano, e tota Solomoni, va to veta mpundu, se votshe vathu va to womba va txi kha vona: “A na hanya mfumeli Solomoni!”

1 Vafumeli 1:34

Se Zadhoki, mphaxeli, ni Nathani, mprofeti, va to mtota kuva mfumeli wa Israyeli; mi na veta mpundu mi nje khanu: “Hanya mfumeli Solomoni!”

2 Samuwele 16:16

Se ku to maheka taku, a di hokile Husayi, muariki, mungana wa Dhavhidha, ka Abhisalome, Husayi a to khene ka Abhisalome: A na hanye mfumeli, a na hanye mfumeli!

2 Samuwele 5:3

Ngu kumaha keto, otshe madhota a ka Israyeli ma to ta ka mfumeli, kona Hebroni; se mfumeli Dhavhidha a to maha navo txitumelelano kona Hebroni, masoni ka Mkoma; va to tota Dhavhidha kuva mfumeli txitimwi ka Israyeli.

2 Samuwele 1:10

Ni to tshuketela kwakwe koko, se ni m'daya, nguko ani ni txi ziva taku kha na mbi hanya msana ka kuwa kwakwe, se ni to teka m'bhoti wule a nga ti nawo ha msungo ni di sinda dile a nga ti nado diwokoni kwawe, ni si tisa hawa ka nyamne wangu.

1 Samuwele 10:1

Sekoko Samuwele a to teka txingotwana txa mafura, e ma thela ha msungo ka Sawule, se e mnyuta, a txi khene: Ina Mkoma kha kutota mafura, kuva mthangeli txitimwi ka thomba yakwe kani?

Eksodha 31:18

Se a to ningela ka Mosi (a di gwitile kuwombawomba nayo mmangoni ka Sinayi) sileti simbidi sa Wufakazi, sileti sa marigwi, so bhalwa ngu litiho la Txizimu.

Eksodha 25:21

U na sanzeka txikhalo txa wumbilu txitimwi ka dibhokiso, ngu mndani ka dona u na veka Txixambanyo txi ni no kuninga.

2 Makronika 23:10

Se vathu votshe va to emeka, mmweyo ni mmweyo ni matxhari manzani, kukhukhela ka didhawa da txinene kala ka didhawa da txibhabha ka nyumba, ngu didhawa da txiluveloni ni da nyumba, ve randela mfumeli.

2 Makronika 23:12

Se mbimo yi koko Ataliya a nga pfa diguwa da vathu vale va nga txi tutuma va txi dhumisa mfumeli, a to ta wulela Nyumbani ka Mkoma.

1 Vafumeli 1:25

Nguko nyamsi a relete, a date tihomu ta mikati, ni marole o nona, ni tinvuta tatingi, a rambile votshe vanana va mfumeli, ni vathangeli va yimbi, ni Abhiyatari, mphaxeli ndivale vadya ni kusela masoni kwakwe: Na va txi kha vona: “Hanya mfumeli Adhoniya!”