2 Makronika 22:7 - Bhiblia Yo Sawuleka

⁷ Sekoko kuloviswa ka Akaziya i ti ti kuranda ka Txizimu, ngu mhaka ya kuya ka Joramu, nguko mbimo yile a nga hoka a to xoma yimbi ni Joramu ve lwa ni Jewu mwana Ninisi, awule Mkoma a nga mtota kufuvisa nyumba ya ka Akabe.

2 Makronika 22:7 Referans Kwoze

2 Makronika 10:15

Ngu toneto, mfumeli kha engisa vathu, nguko kutxitxa kuwa ku ti ta ngu ka Txizimu, kasi ku Mkoma e tsanisa dipswi dakwe, dile a ngadi womba ka Jerobhowamu, mwana Nabhate, ngu mprofeti Ayasi, wa Silo.

2 Vafumeli 9:21

Sekoko Joramu a to khene: Longiselani txikotxikani txangu. Ku to longiselwa txikotxikani, kukhukha Joramu, mfumeli wa ka Israyeli, ni Akaziya, mfumeli wa ka Judha, mmweyo ni mmweyo amu ka txikotxikani txakwe, ve tsula kuya wonana ni Jehu, se va to ya mmana ka wukhalo wa wudotho wa thembwe ya Nabhote Mujezireyeli.

Malakiya 4:3

Se mi na kandetela vabihi, nguko va na maha dikhuma hahatshi ka mikondo yanu, ka ditshiku dile ni no maha eto, kuwomba Mkoma wa Mabutho a Tiyimbi.

Hoseya 14:9

I mani i ku txhari, kasi ku e pfisisa timhaka tiya kani? Wo txhariha kasi ku e tiziva kani? Nguko tinzila ta Mkoma ndo lulama, se vo lulama va na tsimbila ka tona, kambe vo biha va nawa ka tona.

Isaya 46:10

ni zivisa magwito kukhukhela makhatoni, ni kukhukhela kale ngutu atile ti sanziko kumaheka; ni ku khani: “Makungo angu ma na tsana, se ni na maha kotshe kuranda kwangu”;

Masalmo 9:16

Mkoma a ti wonekisile, kambe a lamute; nene m'bihi a bzwetilwe ngu mithumo yakwe yo biha.

1 Vafumeli 22:20

Se Mkoma a to khene: I mani a no xenga Akabe, a txi ya fela didhoropani ka Ramoti-Gileyadhi kani? Se mmweyo a txi wombisa ti, mmwani a txi womba tile.

1 Vafumeli 19:16

Kambe u na tota Jehu, mwana Ninisi, kuva mfumeli wa Israyeli, ni Elixa, mwana Safati, wa Abheli-Meyola, u na mtota kuva mprofeti, ka wukhalo wako.

1 Vafumeli 12:15

Mfumeli kha ngava ni mhaka ngu vathu, nguko ku va wukela kuwa kutxita ngu ka Mkoma, kasi kutsanisa dipswi dile a nga ti di wombile ngu mprofeti Ayasi, musilonita ka Jerobhowamu, mwana Nebhate.

Valamuli 14:4

Aniko tate wakwe ni mame wakwe, va ti si ti zivi ti to atiya ti txi ta ngu ka Mkoma; nguko a ti ti lava nzila ya kutsayisa Vafilista, ngako ka yona yile mbimo, Vafilista va ti ti fuma txitimwi ka Israyeli.

Dhewuteronome 32:35

Kulumba ani kuphota ni kutshumetela, txa tshuketela txikhati txi mikondo yawe yi no rithimuka, ditshiku da kulova kwawe di hafuhi, ati ti nga longiselwa vona ta tshuketela hafuhi ngu txikuluveta.

2 Vafumeli 9:27

Mbimo yile Akaziya, mfumeli wa ka Judha, a nga wona tile ti nga maheka, a to tutuma ngu nzila ya thembweni, aniko Jehu a to mlondeta, a txi khene: Mpekeni nene Akaziya amu ka txikotxikani txakwe, wa kwelela kuya Guri, hafuhi ni Ibleyawu. Se a to tutuma a txi ya Megidhu, eya fela kona.

2 Makronika 22:6

Se a to tshumela eya Jezireyeli, kuya thumwa silonda sile a nga vangelwa Rama a txi lwa ni Hazayeli mfumeli wa Siriya; se Azariya mwana Jehoramu, mfumeli wa Judha, a to relela a txi Jezireyeli kuya xola Joramu, mwana Akabhi, ngako a nga txi lwala.

Joxuwa 11:20

Nguko Mkoma ngene a nga bangisa timbilu ta vathu vale, ti to ve huma va txi yalwa ni Israyeli, kasi ku a txi va lovisa do gwita, asi va tsetsi, aniko e va lovisa votshe, nga tile Mkoma a nga leleta ka Mosi.

1 Vafumeli 12:24

Mkoma a khene: Kha mi na mbi kwelela mi txi ya wukela vananu, i ku vanana va ka Israyeli; m'thu ni m'thu a na tshumele e tsula m'tini kwakwe, nguko ani ngani ni nga maha mthumo wuwa. Se va to engisa dipswi da Mkoma, va to tshumela madingano ni kuwomba ka Mkoma.

2 Vafumeli 10:11

Se Jehu a to dayela votshe vale va nga ti sate, va nyumba ya ka Akabe, kona Jezireyeli, kumweko ni vahombe va kona, ni votshe vale va nga txi va ziva, ni vaphaxeli vawe, kala kuza asi siyi ni wammweyo.

Mavingu 16:9

M'thu a londisa nzila ya mbilu yakwe, kambe matsimbilelo a kona a kombwa ngu Mkoma.