2 Makronika 22:11 - Bhiblia Yo Sawuleka

¹¹ Kambe Jehosebhate, muhorana wa mfumeli, a to teka Jowasi mwana Akaziya e mpfhukisa hagari ka vanana va mfumeli, avale va nga txi dayelwa, eya m'veka nyumbani ko otela kona ni mxayisi wakwe. Ngu kumaha keto, Jehosebhate, mwana mfumeli, msikati wa mphaxeli Joyadha (nguko i ti ti ndiya ya Akaziya), a to msisa asi manwi ngu Ataliya, ngu konaho kha va m'daya.

2 Makronika 22:11 Referans Kwoze

Mithumo 4:28

Ngu konaho vona va mahile totshe ti u nga ti emisa ngu kale ngu diwoko dako ni kuranda kwako, ti to ti na maheka.

Isaya 65:8

Mkoma a womba tiya: Kufana ni kungako ku txi manwa dosi amu ka txizangwa txa mauvha, va kha vona: U nga txi xakele, nguko ku ni makatekwa ka txona, ni na mahisa toneto ngu kuranda sithumi sangu, kasi ku ni si va hoxoti votshe.

Mavingu 21:30

Kha ku nga ni wutxhari, hambi kupfisisa, ni sileleto, kasi kuwukela Mkoma.

Masalmo 76:10

Txiviti txako txa kuhenyela vabihi txa hinduka txi maha wudhumo wako; vathu va va nga huluka kufa ngu yimbi va na maha m'buso wa ku kualakanya!

Masalmo 33:10

Mkoma wa vhinganyisa makungo a matiko; ene wa va thindekisa kumaha makungo awe.

2 Makronika 23:1

Aniko ka dilembe da wutxhanu ni mambidi, Joyadha a to tsana, e maha txitumelelano ni vathangeli va mazana: Azariya, mwana Jerowami, ni Isumayeli mwana Jowanani, ni Azariya mwana Obhedhi, ni Mahaseya mwana Adhaya, ni Elisafati mwana Zikiri.

2 Makronika 21:7

Hambi keto, Mkoma kha ti lava kukhundumusa nyumba ya ka Dhavhidha, ngu mhaka ya txitumelelano a txi a nga ti tximahile ni Dhavhidha, nga ha a nga ti m'gete ku khene a na mninga liwoningo la masiku otshe ene ni vanana vakwe.

2 Vafumeli 11:2

Aniko Jehosebha, mwana mfumeli Jehoramu, ndiya ya Akaziya, a to teka Jowasi, mwana Akaziya, e mpfhukisa hagari ka vanana va mfumeli, va nga txi va dayela, se a to m'veka nyumbani kumweko ni mxayisi wakwe, a txi msisela Ataliya, ngu kumaha keto, kha va m'daya.

1 Vafumeli 15:4

Mkoma ngu kuranda Dhavhidha, a mningile dilambu Jerusalema, ngu ku emisa mwanana wakwe ni kutsanisa Jerusalema.

2 Samuwele 7:13

Awuwa a na akela nyumba ditina dangu, se ni na tsanisa txikhalo txa mfumo wakwe kala kupinduka.

Eksodha 8:3

Mnambo wu na tala ngu makhele, ona ma na kwela ma txi wulela mu nyumbani kwako, mu txibhiyani kwako ko otela kona, txitimwi ka m'bhedhu wako, ni mu tinyumbani ka mahalamu ako ni ka ngamu yako yotshe, ni mu sikhoni kwako, ni mu timbiyani kwako.

2 Makronika 22:10

Mbimo yile koko Ataliya, mame wa Akaziya a nga wona taku mwanana wakwe a datwe, a to khukha e lovisa lotshe liveleko la nyumba ya ka Judha.

2 Makronika 22:12

Se a ti ti kumweko navo a di sisilwe Nyumbani ka Txizimu mtxhanu wa malembe ni dimwedo; se Ataliya a to fumela ditiko.