2 Makronika 22:1 - Bhiblia Yo Sawuleka

¹ Se vaaki va Jerusalema va to veka Akaziya, txigwitisa-ndani txakwe kuva mfumeli ha wukhaloni kwakwe, nguko mtxawa wule wu ngata wugoveloni ni Vaarabhi, wu date votshe vanana va hombe va mfumeli. Ngu kumaha keto, Akaziya, mwana Jehoramu, mfumeli wa Judha, a to fuma.

2 Makronika 22:1 Referans Kwoze

2 Makronika 36:1

Sekoko vathu va ditikoni va to teka Jowakazi, mwana Josiya va txi maha mfumeli ka wukhalo wa tate wakwe kona Jerusalema.

2 Makronika 33:25

Sekoko vathu va ditiko va to dayela votshe vale va nga langana kuwukela mfumeli Amoni, se vathu va ditiko ve fumisa Josiya mwanana wakwe, ka wukhalo wakwe.

2 Makronika 26:1

Se votshe vathu va ka Judha va to teka Uziya, a nga ti ti ni digumi da malembe ni mtxhanu ni dimwedo, va to mfumisa wukhaloni ka tate wakwe Amaziya.

2 Makronika 23:3

Se wotshe msengeletano wule wu to maha txitumelelano ni mfumeli Nyumbani ka Txizimu; se Joyadha a to khene kwawe: Wonani, mwanana wa mfumeli a na fuma, nga ha Mkoma a nga womba madingano ni vanana va Dhavhidha.

1 Makronika 3:11

mwana Josafati i Jeyoramu, mwana Jeyoramu i Akaziya, mwana Akaziya i Jowasi;

2 Makronika 22:2

Akaziya a ti ti ni tanga ya mune wa magumi a malembe ni mambidi, mbimo yi a nga khata kufuma, a to fuma dilembe dimwedo kona Jerusalema. Ditina da mwamwakwe i ti ti Ataliya, mwana Omiri.

2 Makronika 25:23

Se Jowasi mfumeli wa ka Israyeli, a to ñola Amaziya mfumeli wa ka Judha, mwana Jowasi, mwana Jehowakazi, kona Bheti-Semesi, e mu yisa Jerusalema; a to khundumusa diguma da Jerusalema, kukhukhela ka Txike txa Efrayime kala ka Txike txa ha dikhonani, se kulapha ka kona i ti ka 400 wa mikono.

2 Vafumeli 8:16

Se ka dilembe da wutxhanu da kufuma ka Joramu, mwana Akabe, mfumeli wa ka Israyeli, Josafati a txi ngadi e fumela Judha, a to khata kufuma Jehoramu, mwana Josafati, mfumeli wa ka Judha.

2 Vafumeli 9:1

Sekoko mprofeti Elixa a to dhana mmweyo ka vanana va vaprofeti e ta m'gela tiya: Sunga txiwunu txako, u teka ngoto yiya ya mafura ngu dianza dako, u tsula Ramoti-Gileyadhi.

2 Vafumeli 10:13

Jehu a to mana vanawe va Akaziya, mfumeli wa ka Judha, a nje khene: Nganu va mani anu kani? Se vona va to kha vona: Ngathu vanana va Akaziya; ho kwitima ku ta losa vanana va mfumeli, ni vanana va msikati wa mfumeli.