2 Makronika 21:7 - Bhiblia Yo Sawuleka

⁷ Hambi keto, Mkoma kha ti lava kukhundumusa nyumba ya ka Dhavhidha, ngu mhaka ya txitumelelano a txi a nga ti tximahile ni Dhavhidha, nga ha a nga ti m'gete ku khene a na mninga liwoningo la masiku otshe ene ni vanana vakwe.

2 Makronika 21:7 Referans Kwoze

1 Vafumeli 11:36

Se mwanana wakwe ni na mninga lihunzu limwelo, kasiku txithumi txangu Dhavhidha a na va ni dilambu masoni kwangu kona Jerusalema, didhoropa di ni ngadi sawula kasi kuveka kona ditina dangu.

Luka 1:79

ku ta woninga ava va manekako mtemani ni mtsudini ka lifo, ni ku hi tsimbilisa ngu nzila ya kudikha.”

Luka 1:69

A hi wusete Muhanyisi wa mtamo ka nyumba ya Dhavhidha, txithumi txakwe.

1 Vafumeli 11:13

kambe na mbi bhanda wotshe mfumo; nyumba yimweyo ni na ninga mwanana wako, ngu kuranda txithumi txangu Dhavhidha, ni kuranda Jerusalema, awule ni nga msawula.

Masalmo 132:11

Awe u mahile txithembiso ka Dhavhidha, txithembiso txi u no mbi txi tshuralela, u ti khawe: “Mmweyo wa vanana vako ni na mmaha mfumeli awu a no fuma msana kwako.

Masalmo 89:39

U tshotshile txitumelelano txi u nga ti natxo ni txithumi txako; u tshotshile hahatshi m'bhoti wakwe.

2 Makronika 22:11

Kambe Jehosebhate, muhorana wa mfumeli, a to teka Jowasi mwana Akaziya e mpfhukisa hagari ka vanana va mfumeli, avale va nga txi dayelwa, eya m'veka nyumbani ko otela kona ni mxayisi wakwe. Ngu kumaha keto, Jehosebhate, mwana mfumeli, msikati wa mphaxeli Joyadha (nguko i ti ti ndiya ya Akaziya), a to msisa asi manwi ngu Ataliya, ngu konaho kha va m'daya.

2 Vafumeli 8:19

Hambiketo Mkoma kha lava kukhundumusa Judha, ngu kuranda Dhavhidha, txithumi txakwe, nga ha a nga ti m'gete ku khene, a na mninga liwoningo ka vanana vakwe.

2 Samuwele 23:5

Hambi ku nyumba yangu yi si nga ya mamahelo eyo ka Txizimu, kambe txi mahile txitumelelano txa kwa mbi guma ni nani, txi ka sotshe txi no leletelwa ni kuvekiswa. kotshe kuhulukiswa kwangu ni kutsaka kwangu si na va ka txona, hambi ku asi se kumilisa.

2 Samuwele 21:17

Kambe Abhixayi, mwana Zeruiya, a to mlamulela ngu kuthola Mufilista e m'daya; sekoko vathu va Dhavhidha va to mxambanyela, va txi kha vona: Khu na mbi ngadi kambe u tsula ni nathu yimbini, kasiku u si timi dilambu da ka Israyeli.

1 Vafumeli 15:4

Mkoma ngu kuranda Dhavhidha, a mningile dilambu Jerusalema, ngu ku emisa mwanana wakwe ni kutsanisa Jerusalema.

2 Vafumeli 8:24

Se Jehoramu a to fela ka vatate vakwe, e tshotshwa ka vatate vakwe, Didhoropani ka Dhavhidha; se mwanana wa kona Akaziya, a to fuma ka wukhalo wakwe.

2 Makronika 23:3

Se wotshe msengeletano wule wu to maha txitumelelano ni mfumeli Nyumbani ka Txizimu; se Joyadha a to khene kwawe: Wonani, mwanana wa mfumeli a na fuma, nga ha Mkoma a nga womba madingano ni vanana va Dhavhidha.

2 Makronika 6:16

Konkuwa koko, awe Mkoma, Txizimu txa Israyeli, maha ka txithumi txako Dhavhidha tate wangu, a ti u nga mthembisa u txi khawe: Kha ku na mbi pwateka dijaha masoni kwangu, a di di no khalahatsha ka txikhalo txa wukoma txa ka Israyeli; aniko vanana vako va na xayise nzila yako, ve tsimbila ka mlayo wangu, nga ti awe u nga tsimbilisa tona masoni kwangu.