2 Makronika 21:4 - Bhiblia Yo Sawuleka

⁴ Se ngako Jehoramu a di khalahatshile ka wukoma wa tate wakwe ni ngako a di tsani, a to daya voshe vanawe ngu ditxhari e daya ni vathangeli vamwani va ka Israyeli.

2 Makronika 21:4 Referans Kwoze

Valamuli 9:5

Kambe a to tsula nyumbani ka tate wakwe, kona Ofira, eya daya vanawe, vanana va Jerubhahali, mtxhanu wa magumi ni mambidi txitimwi ka dirigwi dimwedo. Se Jothamu mwanana wa tshole wa Jerubhahali, a to huluka nguko a ti sisate.

2 Makronika 22:10

Mbimo yile koko Ataliya, mame wa Akaziya a nga wona taku mwanana wakwe a datwe, a to khukha e lovisa lotshe liveleko la nyumba ya ka Judha.

2 Makronika 21:17

Va to kwelela veya ditikoni da Judha, veya lwisa Jehoramu, va to teka yotshe thomba ya nyumbani ka mfumeli, ve ñola vasikati vakwe ni vanana vakwe; ve siya dwe Jehohakazi, mwanana wakwe wo gwita.

Genesisi 4:8

Se Kayini a to langana ni mwanawe Abhele: “A hi tsimbile thembweni.” Se ku to maheka taku, va di thembweni, Kayini e wukela mwanawe Abhele, a txi m'daya.

1 Johani 3:12

Hi nga faneni ni Kayini; awuwa, ngukuva i di m'bihi, a date mnanda wakwe. Se a m'dayete txani kani? Mithumo yakwe i ti yo biha, kasi mithumo ya mnanda wakwe i ti yo lulama.

2 Makronika 22:8

Se ku to maheka tito, mbimo yi Jewu a nga lamula va nyumba ya ka Akabe, a to mana vathangeli va ka Judha ni vanana va vanawe va Akaziya, vale va nga txi thumela Akaziya, e va daya.

2 Makronika 21:13

kambe u tsimbila ngu tinzila ta vafumeli va Israyeli, u mahile ti to va ka Judha ni vahanyi va Jerusalema va txi onha, ve londeta wubihi kufana ni va nyumba ya ka Akabe; kambe u date ni vananu, va nyumba ya tate wako, ava i nga ti ti vavanene kupinda awe.

1 Vafumeli 1:12

Inaka, hi nga ta kona kuwa, ni nata kuninga wusungukati, ku va u txi na hulukisa wutomi wako, ni wa mwanako Solomoni.

2 Makronika 25:3

Mbimo yile wu nga tsaniswa wukoma manzani kwakwe, a to dayela tikhumbi tile ti nga daya tate wakwe, mbimo yile i nga ti mfumeli.