2 Makronika 21:16 - Bhiblia Yo Sawuleka

¹⁶ Mkoma a to maha ti to Vafilista ni Vaarabhi, va va hanyako hafuhi ni Vaetiyopiya, ve wukela Jehoramu.

2 Makronika 21:16 Referans Kwoze

2 Makronika 17:11

Vamwani Vafilista va ti ti luva Josafati ngu male ya resa; Hambi Marhabi ma to mluva ngu sifuyo sa sidotho i ku siya: 7.700 wa tihamba ni 7.700 wa vamabhongwe.

2 Makronika 33:11

Ngu kumaha keto, Mkoma a to va nehela vathangeli va dibutho da yimbi da mfumeli wa Asiriya, avale va nga ñola Manasi hagari ka mipa, ve msungelela ngu titxhini, ve mu tsulisa Bhabhilona.

2 Makronika 22:1

Se vaaki va Jerusalema va to veka Akaziya, txigwitisa-ndani txakwe kuva mfumeli ha wukhaloni kwakwe, nguko mtxawa wule wu ngata wugoveloni ni Vaarabhi, wu date votshe vanana va hombe va mfumeli. Ngu kumaha keto, Akaziya, mwana Jehoramu, mfumeli wa Judha, a to fuma.

1 Vafumeli 11:23

Se Txizimu txi to wusa mmwani mlala i ku Razomi, mwana Eliyadha, a nga ti tutumile ka nyamne wakwe Hadhadhezeri, mfumeli wa Zobha,

1 Vafumeli 11:14

Mkoma a to maha ti to Hadhadhe Muedhomi eva mlala wa Solomoni; ene i ti wa liveleko la mfumeli wa Edhomi.

Amosi 3:6

Ina ku nga pekwa mpundu didhoropani vathu va si dhudhumeli ngu kuthava kani? Ina ku nga humelela wubihi didhoropani, na wu sa mahwa ngu Mkoma kani?

Ezra 1:5

Sekoko vathangeli va vatate va miti ya tihunzu ta ka Judha ni Bhenjamini, ni vaphaxeli, ni Valevhi, ni votshe vale Moya wa Txizimu wu nga va wusa, va to ya kuya aka Nyumba ya Mkoma, wu a ku Jerusalema.

Ezra 1:1

Ka dilembe do khata da Siro, mfumeli wa Persiya (kuva di txi na tatiseka dipswi da Mkoma ngu txisofu txa Jeremiya), Mkoma a to wusa moya wa Siro, mfumeli wa Persiya, a nga kwangula ka dotshe ditiko dakwe, kumweko ni kubhala, a txi khene:

2 Makronika 26:7

Se Txizimu txi to m'vhuna kuxula Vafilista ni maarhabi a ma zumbako Guri-Bhahali, a txi xula ni Vamewuni.

1 Vafumeli 11:11

Se Mkoma a to khene ka Solomoni: Se aku ku nga maneka eto kwako, ta kwa mbi vekisa txitumelelano txangu ni sileleto sangu ni nga kuruma, ngu ditshuri awu mfumo ni na wu abanisa ni wu ningela ka txithumi txako.

2 Samuwele 24:1

Se kuhenya ka Mkoma ku to engeta kuwukela va ka Israyeli, ene a to kujetela Dhavhidha ku va wukela a txi khene: Tsula u ya bala va ka Israyeli ni va ka Judha.

1 Samuwele 26:19

Konkuwa koko, na ku kombela awe mfumeli nyamne wangu, ti to u engisa mapswi a txithumi txako: Ngako Mkoma a txi kukurumeta ku ni wukela, a na amukele mningelo wa sakudya; kambe ngako i di vanana va vathu va na ruketelwe masoni ka Mkoma; nguko nyamsi vona va ni tutumisile, kasi ku ni si mani txyavelo txa thomba ya Mkoma, va txi kha vona: Tsula, u ya thumela simwani sizimu.

Joyeli 3:5

Mi tekile silivhela ni nzalama yangu, ni siya sangu so naveleka, ni kutshura mi txi si wuleta mathepelani kwanu.

Amosi 1:6

Mkoma a womba tiya: Ngu kuhambunyeta kuraru ka Gaza ni ka wumune, kha ni na mbi thavisa txitsayiso, nguko va yisile wukhumbini totshe tikhumbi, ve ti ningela ka Edhomi.