2 Makronika 21:13 - Bhiblia Yo Sawuleka

¹³ kambe u tsimbila ngu tinzila ta vafumeli va Israyeli, u mahile ti to va ka Judha ni vahanyi va Jerusalema va txi onha, ve londeta wubihi kufana ni va nyumba ya ka Akabe; kambe u date ni vananu, va nyumba ya tate wako, ava i nga ti ti vavanene kupinda awe.

2 Makronika 21:13 Referans Kwoze

2 Makronika 21:4

Se ngako Jehoramu a di khalahatshile ka wukoma wa tate wakwe ni ngako a di tsani, a to daya voshe vanawe ngu ditxhari e daya ni vathangeli vamwani va ka Israyeli.

2 Makronika 21:11

A to maha makhalo o guleka amu mimangoni ka va ka Judha, a kujetela vathu va Jerusalema kuva txi onha ni va ka Judha e va yisa ka toneto.

2 Makronika 21:6

Se a to tsimbila ngu tinzila ta vafumeli va ka Israyeli, nga tile va nga mahisa tona va nyumba ya ka Akabe; nguko msikati wakwe i ti ti mwanana wa Akabe, a to maha wubihi masoni ka Mkoma.

1 Johani 3:12

Hi nga faneni ni Kayini; awuwa, ngukuva i di m'bihi, a date mnanda wakwe. Se a m'dayete txani kani? Mithumo yakwe i ti yo biha, kasi mithumo ya mnanda wakwe i ti yo lulama.

Habhakuki 2:12

Dikhombo ka wule a akako didhoropa ngu mnoha, kambe a tsanisako didhoropa ngu wubihi.

Isaya 26:21

Nguko wona taku Mkoma a na khukha ka wukhalo wakwe, kuya tsayisa vahanyi va ha mafuni, ngu mhaka ya wubihi wawe; se mafu ma na vhunungula mnoha wawe, aniko kha ma na mbi fenengeta kambe vale va nga dawa.

2 Vafumeli 9:22

Se mbimo yile Joramu a nga wona Jehu, a to khene: Ina ku ni kuthutha kani Jehu kani? Se ene a nje khene: Ngu thutha muni na kuve wugelegele wa mwamwako Jezabheli ni maloyi akwe nzingi kani?

1 Vafumeli 16:25

Se Oniri a to maha wubihi masoni ka Mkoma; a to onha ngutu kupinda votshe vale vo khata.

Dhewuteronome 31:16

Se Mkoma a wombile ka Mosi a txi khene: Wona, u hafuhi ni kutsula u txi ya humula kumweko ni vatate vako; se vathu vava, va na khukha va txi ya maha wugango ni simwani sizimu sa ditiko dile u lavako kuwulela ka dona. Vona va na ni leka va txi ndaka mlayo wa txitumelelano, txi ni nga txi sunga navo.

Eksodha 34:15

U nga mahe txitumelelano txokari ni vaaki va kona ditikonimo, nguko, mbimo yi va mahako wugango ni sizimu sawe, va txi si mahela miningelo ni miphaxo, va nga thuka va txi kudhana u txi ya dya timhamba tawe.

2 Makronika 21:14

Ngu toneto, Mkoma a na ku wuyisela wulwati wa hombe ngutu, hagari ka vathu vako, ni ka vanana vako, ni ka vasikati vako ni ka sotshe asi u ku naso.

2 Makronika 24:18

Va to leka Nyumba ya Mkoma, Txizimu txa vatate vawe, veya khozela sithombe so vatwa ni sizimu simwani sawe. Se ngu mhakeyo Mkoma a to henyela va ka Judha ni va Jerusalema.