2 Makronika 21:11 - Bhiblia Yo Sawuleka

¹¹ A to maha makhalo o guleka amu mimangoni ka va ka Judha, a kujetela vathu va Jerusalema kuva txi onha ni va ka Judha e va yisa ka toneto.

2 Makronika 21:11 Referans Kwoze

Levhi 20:5

ani ni na tshemberisa khohe yangu ni txi muwukela eyo m'thu, ni yotshe nyumba yakwe, kumweko ni vale va nga patana nayo, va txi mahetela kubiha, ve khozela Moloke.

1 Vafumeli 11:7

Se Solomoni a to aka wukhalo wo dhumisa ka wona Kemosi, i nga ti txizimu txo biha txa Vamowabhi, ka mmango wu nga ti maneka wutxani ka Jerusalema, ni wukhalo wo dhumisa Moloke, txizimu txa walo txa Vaamoni.

Levhi 17:7

Va nga engete kambe va txi maha mningelo wa mhamba ka madhimoni, va nga ti ti patile nawo, va txi maneka va si thembeki. Awuwa mlayo wa kala kupinduka, ka lotshe liveleko lakwe.

Habhakuki 2:15

Dikhombo ka wule a ningako vhinya mngana wakwe! Awe u mtshuketiselako msava wako u mlevisa, kasi kuwona wumbwiri wakwe.

Dhaniyeli 3:15

Se konkuwa koko, mi txi lava kuhuluka, mbimo yi mi no pfa diguwa da mpundu, ni sitende ni tingoma ni makhombela ni titshodi, ni wa totshe tixaka ta sivetaveta, khizamani mi khozela txithombe txile ni nga txi maha, mi na va mi txi maha kwati; aniko ngako mi si txi khozeli, mi na rinzwa ka mbimo yoneyo, mndani ka txikho txa mndilo wu wu turako ngutu; se ngu txihi Txizimu txi nga sikotako ku mi txhatxhisa manzani kwangu kani?

Ezekhiyele 20:28

Nguko a kule ni nga ti ti va wuleta ka ditiko dile ni nga guleta dianza, kasi kuvaninga, vona va to wonetela ka sotshe simangwana, ni ka yotshe mindonga yo txhuma, kambe va ningete koneho miphaxo yawe, ve kombisa kona hale ku ni henyisa kwawe ngu miningelo yawe, va txi veketela ni sa kubhumula, se va txi ningela miningelo ya sa kusela.

Masalmo 106:39

Ka toneto ni vona va ti nyenyezisile ngu mithumo yawe ve maneka va sa thembeka ka Txizimu.

Masalmo 78:58

Va henyisile Txizimu ngu mhaka ya siluvelo sa wuhedheni; va wusile txiluse txa Txizimu ngu kukhozela sithombe.

2 Makronika 33:9

Sekoko Manasi a to phazamisa va ka Judha ni vahanyi va Jerusaleema, ve maha kubiha kupinda mifumo yile Mkoma a nga ti ti yi hangalasile masoni ka Vaisrayeli.

2 Makronika 21:13

kambe u tsimbila ngu tinzila ta vafumeli va Israyeli, u mahile ti to va ka Judha ni vahanyi va Jerusalema va txi onha, ve londeta wubihi kufana ni va nyumba ya ka Akabe; kambe u date ni vananu, va nyumba ya tate wako, ava i nga ti ti vavanene kupinda awe.

2 Vafumeli 21:11

Ngako Manasi, mfumeli wa ka Judha, a nga maha manyala yawa, kupinda hambi tile va nga mahisa tona Vaamori, avava va nga khata ve hoka hambi kona Judha a va onhisile ngu sithombe sakwe,

2 Vafumeli 9:22

Se mbimo yile Joramu a nga wona Jehu, a to khene: Ina ku ni kuthutha kani Jehu kani? Se ene a nje khene: Ngu thutha muni na kuve wugelegele wa mwamwako Jezabheli ni maloyi akwe nzingi kani?

1 Vafumeli 14:16

A na ningela Israyeli ngu mhaka ya sionho sa Jerobhowamu, a nga onha e onhisa ni Israyeli.

1 Vafumeli 14:9

ziva ti to u mahile kubiha kupinda votshe vale vo khata, u tsute uya ti mahela simwani sizimu, ni sifananiso so nyekiswa, u txi ni wusela kuhenya, u ni tshotsha msana kwako,

2 Makronika 21:10

Ngu maha yeto, va ka Edhomi va to wukela mfumo wa ka Judha kala ka ditshiku da nyamsi; ka yoneyo mbimo Libhina nene a to vhutuka, nguko Jehoramu a ti ti lekile Mkoma Txizimu txa vatate vakwe.

Eksodha 34:16

Kambe u nga thuke u txi wuta hagari ka vanana vawe vamahorana, vasikati kasi kulowota vanana vako va vafana, va nga hambukisa vanana vako va txi maha wugango ni sizimu soneso.

Dhewuteronome 31:16

Se Mkoma a wombile ka Mosi a txi khene: Wona, u hafuhi ni kutsula u txi ya humula kumweko ni vatate vako; se vathu vava, va na khukha va txi ya maha wugango ni simwani sizimu sa ditiko dile u lavako kuwulela ka dona. Vona va na ni leka va txi ndaka mlayo wa txitumelelano, txi ni nga txi sunga navo.

Isaya 65:7

sionho sanu, kumweko ni sionho sa vatate vanu, kuwomba Mkoma, avale va nga hisa dibaselo mimangoni, ni ku ni ruketela simangwanani; ngu mhaka yeto, ni na tshumela ni va pimela mithumo yawe ya kale, masoni kwawe.

Jeremiya 3:8

Ni to wona ti taku, hambiko ni nga tovela Israyeli, ni mninga dipasi da kuhambana ngu mhaka ya wugango wakwe, Judha ndiya yakwe yo mbi thembeka, kha thava, aniko nene a to tsula eya maha wona wugangowo.

Ezekhiyele 23:11

Mnanda wa kona Oholibha mbimo yile a nga ti wona, a to kulisa wugelegele wakwe kupinda wa mkomwakwe, wugelegele wakwe wu to maha wa hombe kupinda wa mwanawe.

Hoseya 4:15

Se awe Israyeli, u txi lava ku ti mwalata, Judha a nga ti ninge mnandu; mi nga teni Giligali, kambe mi nga kweleleni mi ya Bheti-Avheni, ni ku mi nga xambanyeni mi txi khanu: “Mkoma a hanyako.”

Hoseya 12:1

Efrayime a ti dyisa ngu moya, kambe a londeta moya wa wutxani: Ditshiku dotshe a andisa makuhu ni kuhoxota, a maha txitumelelano ni Asiriya, se mtona wa kona wu yiswa Egipta.