2 Makronika 21:10 - Bhiblia Yo Sawuleka

¹⁰ Ngu maha yeto, va ka Edhomi va to wukela mfumo wa ka Judha kala ka ditshiku da nyamsi; ka yoneyo mbimo Libhina nene a to vhutuka, nguko Jehoramu a ti ti lekile Mkoma Txizimu txa vatate vakwe.

2 Makronika 21:10 Referans Kwoze

Jeremiya 2:13

Nguko vathu vangu va mahile kubiha kumbidi: Va ni lekile ani txisima txa mati ma hanyako, ve ti akela mathange ma ku ni tifa, ma si sikotiko kuxayisa mati.

2 Makronika 15:2

Se a to huma eya ka Asa a txiya khene: Awe Asa ni nanu motshenu va ka Judha, ni va ka Bhenjamini ni engiseni, Mkoma ani nanu, ngako anu mi di ni nene; ngako mi txi mlava mi na mmana, mi txi m'leka nene a na mi leka.

2 Makronika 13:10

Aniko athu Mkoma ngene Txizimu txathu, kha hi na mbi mleka; Vaphaxeli ava va thumelako Mkoma vanana va Aroni ni Valevhi.

2 Vafumeli 19:8

Sekoko Rabhiseke a to tshumela, a to ya mana mfumeli wa Asiriya a txi lwisa didhoropa da Libhina, nguko a di ti pfite taku mfumeli wa Asiriya a khukhile ngu Lakisi.

1 Vafumeli 11:33

Nguko va ni lekile veya khizamela Axitaroti, txizimu txa txisikati txa Vasidhoni, Akemosi txizimu txa va Mowabhi, ni Milikomi txizimu txa vanana va ka Amoni, kambe kha va tsimbila ngu tinzila tangu, kasi ve maha ati ti wonekako i di ta tinene masoni kwangu, i ku, sileleto sangu ni wululamo wangu, nga tate wawe Dhavhidha.

1 Vafumeli 11:31

A to khene ka Jerobhowamu: Teka digumi da sigwanda, nguko Mkoma, Txizimu txa Israyeli a khene: Ni na bhandelela mfumo manzani ka Solomoni, ni na kuninga digumi da tihunzu.

Joxuwa 21:13

Vanana va mphaxeli Aroni, va ningilwe didhoropa da Hebroni, di txi maha didhoropa da wuthavelo, ka wule a dayako m'thu, ni tibala ta kona ta wudyiselo, ni Libhina ni wudyiselo wa kona,

Dhewuteronome 32:21

Va wusile txiviti txangu ngu mhaka ya kulondeta si i singako Txizimu, va ni henyisile, ngu mhaka ya sithombe sawe sa walo, aniko nani ni na wusa txiluse txawe; ngu kutisawulela vathu va i si nga va vanene, ni na wusa txiviti.

2 Makronika 21:8

Ka masiku a Jehoramu, va ka Edhomi va to lwisa mfumo wa ka Judha, se ve ti vekela mfumeli txitimwi kwawe.

2 Makronika 21:9

Sekoko Jehoramu a to pinda ni vathangeli vakwe, ni sotshe sikotxikani sakwe; se ene a to wuka ni wusiku e lwisa va ka Edhomi ni vathangeli va sikotxikani va nga ti ti mrandete.

2 Makronika 21:11

A to maha makhalo o guleka amu mimangoni ka va ka Judha, a kujetela vathu va Jerusalema kuva txi onha ni va ka Judha e va yisa ka toneto.

Dhewuteronome 31:17

Ka ditshiku donedo, ni na henya ngutu, ni txi va tsukula, ni txi va sisela khohe yangu. Se vona va na loviswa, makhombo amangi ni masingita ma na va thapela. Se ka donedo ditshiku, va na womba va txi kha vona: “Akuwa makhombo awa ma welako txitimwi kwathu, ina hi nga ti to Txizimu txathu kha txi swi txi diho hagari kwathu, kani?”

Joxuwa 10:29

Sekoko Joxuwa ni votshe va ka Israyeli, va to khukha Makedha va txi ya didhoropani ka Libhina va txi yalwa nado.

Valamuli 10:13

Hambi keto, anu mi ni tshuralete, mi thumela simwani sizimu; ngu mhaka yeto kha ni na mbi mi hulukisa kambe.

2 Makronika 28:6

Peka mwana Remaliya, a to daya 120.000 wa vavamna va ka Judha ngu ditshiku dimwedo, hambi ku votshe i nga ti tindena, ngu ku va lekile Mkoma Txizimu txa vatate vawe.

Isaya 1:28

Aniko sindaka-milayo ni votshe vaonhi; va na khundumuselwa; ni vale va nga leka Mkoma va na tshokomiswa.

Jeremiya 2:19

Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.